Rohiŋlar huş bolsun!

0
596 ret oqıldı

Rämiti dadam, anam vä inim Bähtişat äkis etilgän bu sürätkä qarisam, kšyük otum besilğandäk qilidu. Bäkmu mehrivan vä kšyümçan anam İmärähan İslamovaniŋ baqiliq bolğiniğa biyil 35 jil boldi. Moşu vaqit mabaynida biz qatarğa qoşulup, pärzänt sšyduq. Ulardin nävrilär quçtuq. Şatliq dämliridin qançä bähirlinip, hšzür äylisäkmu, hayattin yaş kätkän animizniŋ illiq simasi haman kšz aldimizda. Rämiti anam 1932-jili Ğalҗat yezisida duniyağa kälgän. Atam Tursunbay Bähtahunov bilän ailä qurup, ikkisi bir qiz vä bäş oğulni tärbiyiligän. Animizniŋ issiq mehri täptidä ärkiläp, atimizniŋ ğämhorluğida beğubar baliliq dävirdin šttuq. Һädimiz Gülinurni talaliq qilip, akimiz Tuğluqni šyländürgän ata-animiz birdin nävrä sšyüp, şatlandi. Lekin bu hoşalliqlar uzaqqa sozulmidi. Qerindişimiz Bähtişat 15 yeşida tuyuqsiz ağrip, vapat bolup ketidu. Päpiläp beqip, ändila äsqatqan oğlidin bevaqit ayrilğan anamniŋ nazuk qälbi bu därtkä bärdaşliq berälmäy, kšp azaplandi. Salamätligidinmu ayrildi.

Män Taşkänt şähiridä aliy oquş ornini tamamlap, vätän aldidiki borçumni ada qiliş üçün Moskva şähirigä ävätildim. İnim Qutluqҗanmu käynimdin härbiy säpkä elindi. Äşu taşa jutlarda jürginimizdä, anamniŋ vapati toğriliq şum hävärni aŋliduq. Bu, 1980-jilniŋ 7-oktyabr' küni bolidiğan. Һeli esimda, bu sabiq Keŋäşlär eliniŋ Konstitutsiya küni bolup, män hizmät qilivatqan härbiy qisim ştabiniŋ ofitserliri däm elişta edi. Ularğa hävär berip, çaqirtişqa toğra käldi. Äytävir, säl keçikip yolğa çiqsammu, anamni däpin qilişqa käldim. Biraq, Brest şähiridä härbiy borçini štävatqan inim ülgirip kelälmidi. Bizgä berilgän däm eliş künlirini jiğlap-qahşap štküzduqtä, yänä yolğa çiqtuq…

Atimiz Ğalҗat ottura mäktividä ustazliq qilidiğan. Bizni zaman tälivigä layiq tärbiyiläp, qatarğa qoşti. Nävrilär sšydi. Lekin, kšŋli haman yerim edi. Pat-patla hiyalğa berilip, štmüşni çarlaydu. Ätimalim, bevaqit duniyadin štkän oğli Bähtişat bilän rämiti anamni kinisä keräk. Mundaq päytlärdä u bšläkçä muŋğa patatti. Һä, şu därtlär atamniŋ qäddini püküp, u 64 yeşida baqiğa kätti. Bu, 1993-jil bolup, elimizniŋ milliy valyutisi – täŋginiŋ aynilimğa çiqqan küni edi. Aridin talay vaqit štti. Mäzmut çinardäk ailimizniŋ tüvrügi atimiz bilän bärikitimiz bolğan animizniŋ hatirisi biz, pärzäntlärniŋ, 14 nävrä vä 12 çävrä qälbidä yaşimaqta. Biz üçün ular mäŋgü hayat. Һä, bügün bolsa, ularni yad äyläp, rohiŋlar  huş bolsun, degümiz kelidu.

Bähitҗan BÄHTAHUNOV.

Uyğur nahiyäsi.

Bälüşüş

Javap qalduruŋ