Häyrihahliq — insaniyliqniŋ bälgüsi

0
804 ret oqıldı

Ötkän yäkşänbä küni Ämgäkçiqazaq nahiyäsiniŋ uyğurlar ziç җaylaşqan Azat yezisida mümkinçiligi çäklängän balilarniŋ täğdirigä vä keläçigigä degän җavapkärçilikni yänä bir qetim äskä salğan häyrihahliq kontserti bolup štti.– Balilar – bizniŋ keläçigimiz. Bügünki kontsertimiz yezimizdiki tuğuluşidin härqandaq ağriqqa muptila bolğan 9 baliğa azdu-tola yardäm qiliş mähsitidä uyuşturuluvatidu. Alla taala  mäyip  yaratqan balilarniŋ toluq saqiyip ketişigä yardäm berälmisäkmu, keçä-kündüz şu balilarğa qaravatqan ata-anilarniŋ jükini yeniklätsäk, biraz ularniŋ kšŋlini kštärsäk däymiz, – däydu häyrihahliq aktsiyasini uyuşturğuçi Rähimҗan Musarov.

Atap ketiş keräkki, 25 jil paaliyätsiz yepiq turğan yezidiki Mädäniyät šyi buniŋdin ikki jil burun «Azat» işläpçiqiriş kooperativiniŋ räisi İvan Poplavskiy täripidin muräkkäp җšndäştin štti. Şuniŋdin beri uni Rehimҗan Musarov iҗarigä elip, işlitivatidu. Yezidiki härqandaq mädäniy  iş-çarilär moşu yärdä štüvatidu. Şunimu qoşumçä qiliş keräkki, Azatta häyrihahliq çariliri toğra yolğa qoyulğan.  Mäsilän, yezidiki birnäççä җämiyätlik orunğa häyrihahliq yaöikliri ornitilğan. Bultu jiğilğan 120 miŋ täŋgini jut aktivistliri yeziniŋ turmuşi naçar aililirigä bšlüp beriptu. Biyilmu muhtaҗ aililär tizimi tüzülüp, ularniŋ barliğini arilap çiqiş, yardäm kšrsitiş buniŋdin tšrt ay burun saylanğan yeŋi jigitbeşi vä jut aktivistliriniŋ iş planiğa kirgüzülgän.

Rehimҗanniŋ aliyҗanap başlanmisini yeziniŋ sahavätlik insanliri toluq qollap-quvätlidi. Kontsert štkän küni koça-koça bolup taamlar täyyarlinip, dästihan yeyildi. Mädäniyät šyiniŋ zalimu jiraq-yeqindin kälgän adämlärgä liq tolup, šrä turğuçilarmu az bolmidi. Bu Azat yezisida, umumän, Rahat yeza okrugida sahavätlik insanlarniŋ nurğun ekänliginiŋ bälgüsidur.

Kontsert başliniştin burun sähnigä yeziniŋ dayimiy hamiyi İvan Poplavskiy, nahiyälik Uyğur etnomädäniyät märkiziniŋ räisi Sulayman Mähsütov, nahiyäniŋ çoŋ jigitbeşi Tursunmähämät Abdusemätov, İşiktä regionluq Hanim-qizlar keŋişiniŋ räisi Nurbüvi Nasirova täklip qilinip, ular azatliqlarniŋ sahavätlik işliriğa apirin eytişti vä yeza yaşliriniŋ beşida turğan Rehimҗanğa utuq tilidi.

İkki saatqa sozulğan kontsert җäriyanida tamaşibinlar Azatniŋ Yunus İmirov, Rano Fayzullina, Gülnarä Һapizova vä Selimäm Niyazova rähbärligidiki «Dilaram», «Brilliant», «Dance life» vä «Bahar» ansambl'liriniŋ, yaş sän°ätkarlar Arujan Mamethanova, Şatmir İbragimov, Meyrambek Tasjalievniŋ, şundaqla käç mehmanliri Mehrat Ämätov, Avat yezisiniŋ «Bahar» ansambli, Quanış Darhan, İlmurat Üsänov vä başqilarniŋ hüniridin bährimän boldi.

Kontserttin keyin Azat toluq ämäs ottura mäktiviniŋ mudiri İvrayimҗan İsmäkov, yeziniŋ jigitbeşi vä uniŋ orunbasari Seyitҗan Turğanov bilän Nurmähämät Ähmätov, Hanim-qizlar keŋişi räisiniŋ orunbasari Modängül Һaşirova sän°ätçilärgä, kontsertni uyuşturğuçilarğa häm käç mehmanliriğa minnätdarliq bildürdi.

Ahirida Rehimҗan Musarov bir türküm yaş sän°ätkarlarğa Pähriy yarliqlarni tapşurup, bügünki  kontserttin çüşkän 145 miŋ täŋgini muhtaҗ aililärgä  berilidiğanliğini eytti.

Raşidäm RÄҺMANOVA.

Ämgäkçiqazaq nahiyäsi.

SÜRÄTTÄ: Yu.İmirov (solda) vä R.Musarov «Dilaram» ansambliniŋ  äzaliri bilän.

Bälüşüş

Javap qalduruŋ