Arman alğa başlaydu

0
748 ret oqıldı

İsmi: Nizamdun

Familiyasi: Davutov

Tuğulğan jili: 1990

Käspi: muällimNizamdun 2006-jili Yarkänt şähiridiki Helil Һämraev namidiki mäktäpniŋ 9-sinipini äla bahalarğa tamamlap, däsläp Yarkänt gumanitarliq-tehnikiliq kolledjiniŋ uyğur filologiyasi bšlümigä oquşqa çüşüp, uni  qizil diplomğa tamamlaydu vä šzi bilim alğan mäktäptä  işläydu.  Şuniŋ bilän birqatarda Almutidiki Abay namidiki  Qazaq milliy pedagogika universitetiniŋ tarih fakul'tetini sirttin pütärdi. Buniŋ bilän çäklinip qalğusi kälmigän u mäzkür universitetniŋ  magistraturisiğa çüşüp, unimu muvappäqiyätlik ayaqlaşturdi.

Tehi yeqindila u Astana şähiridiki Nazarbaev äqliy mäktividä  pedagogikiliq  maharitini aşurup käldi.

– Biz tarih päni boyiçä ilğar, yeŋi tehnologiyalär asasida bilim berişniŋ  7 moduli  boyiçä  maharitimizni  mukämmälläştürduq, – dedi u biz bilän bolğan sšhbättä. – Uni hazir šz täҗribimizdä qollinivatimiz.

Män yaşlarğa beğişlanğan «Mäş°äl» sähipisini qiziqip oqup, täŋtuş qiz-jigitlärniŋ utuq-muvappäqiyätliridin pähirlinip jürimän.  Moşu yärdä qälbidä muällim boluş armini bar yaşlirimizni Yarkänt gumanitarliq-tehnikiliq kolledjğa oquşqa täklip qilğum kelidu.  Bügünki taŋda 100din oşuq millitimiz väkilliri başlanğuç sinip muällimi  vä uyğur filologiyasi bšlümliridä bilim elivatidu. Һär jili  uyğur bšlümigimu dšlät täripidin häqsiz bilim eliş granti bšlünüvatidu. Hoşna Uyğur nahiyäsidin vä Çeläk täväsidin kelip oquvatqan yaşlarğa qarap zoqlinimän.

Män yänä moşu mümkinçiliktin paydilinip, җämiyättin šz ornumni tepişimğa, aliy  bilim elişimğa  şärt-şarait yaritip berivatqan ata-anamğa, Helil Һämraev namidiki mäktäptä vä Yarkänt gumanitarliq kolledjda, universtitetta bilim bärgän ustazlirimğa minnätdarliğimni izhar  qilimän.

Nizamdunniŋ   İPHD doktaranturisida oquş armini  bar. «Arman alğa başlaydu» demäkçi, ilim-pängä iştiyaqi küçlük, zeräk, idräklik  jigitniŋ ustazliq paaliyitigä utuq tiläp, armanliriniŋ royapqa çiqişiğa tiläkdaşliq bildürimiz.

    Gšhärbüvi İSMAYİLҖANOVA.

Panfilov nahiyäsi.

Bälüşüş

Javap qalduruŋ