Anamniŋ äҗri däp bilimän

0
412 ret oqıldı

Biyil duniyani zil-ziligä kältürgän Uluq Vätän uruşiniŋ tamamlanğanliğiğa 71 jil toluvatidu. Bäzidä tänha oltirip, štmüşkä näzär taşlisam, kšp vaqiälär kšz aldimdin kino lentisidäk štidu. Һä, uruş jillirini untuş äsla mümkin ämäs.Apam 98 yeşida bu duniyadin štti. Һayatiniŋ ahiriğiçä äqil-parasitini saqlap, timän bolğan edi. Mehrivan anam štmüşniŋ gepi çiqip qalsa, hekayisi tügimäydiğan. Bolupmu uniŋ dadam häqqidä eytqanlirini zerikmäy tiŋşattuq. Apamniŋ eytişiçä, dadimiz İlahun 1910-jili Yarkänttä duniyağa kälgän ekän.  Bovimiz Velahun harvukäşlik vä dehançiliq bilän şuğulliniptu. Yazda šziniŋ šlçük yeridiki almiliq bağda yäl-yemiş šstürsä, etizda qoğun-tavuz pärviş qilattekän. Üç oğul, bir qiz tepip, tärbiyiläp qatarğa qoşqan. Yättisuda Keŋäş hakimiyiti orniğanda, yeŋidin qurulğan artel'ğa äza bolidu. 1930-jili bolsa, «Ämgäkçi» kolhoziğa kiridu. Amma 30-jillarniŋ ahirilirida häliqni vähimigä salğan täqiplär başlanğanda, bovimiz Velahun üç balisini elip, Ğulҗiğa kšçüp ketişkä mäҗbur bolidu. Dadimiz, ayrim säväplärgä bola, Yarkänttä qalğan ekän. U däsläp kolhozda, keyiniräk Yarkänttiki pahta zavodida işläydu. Dadimiz dayim biz, pärzäntliriniŋ, bilimlik boluşimizni arman qilattekän. Uniŋ üçün barliq şaraitlarni yaritişqa tirişattekän. Amma tuyuqsiz uruş başlinip ketidu. U birinçilärdin bolup, yäni 1941-jili dekabr'da härbiy säpkä çaqirtilidu.

Almutida qisqa täyyarliq kursliridin štkändin keyin җäŋ mäydaniğa atlinidu. 1942-jili 313-atquçilar polki qatarida Kaliningrad şähiri ätrapidiki җäŋlärgä qatnişidu. Äynä şularniŋ biridä qährimanlarçä vapat bolğan ekän. Uniŋ vapati toğriliq «qara hät» bizgä 1942-jilniŋ ahirida käldi. Ändi tšrt pärzäntni qatarğa qoşuş mehrivan animizniŋ zimmisigä çüşti. Öyniŋ çoŋi bolğaçqa, mänmu apamğa yardäm berişkä tiriştim.

Apam keçisi kolhozniŋ ambirida küzätçilik qilidiğan. Kündüzi bolsa, ikkimiz etiz-eriqtiki işlarni qilattuq.  Birdä aç, birdä toq jürüp animizniŋ arqisida hämmä җähättin çiniqtuq. Animizniŋ ğämhorluği tüpäyli, härqandaq qiyinçiliqqa qarimay, oquşimizni taşlimiduq. Һazir oylisam, apam bizni çoŋ qilğiçä işlimigän işi qalmaptu. Ämgäkçan pasibanimiz küzätçimu boldi, etizda qoğun-tavuzmu tärdi, edänmu juydi.

Juqurida eytqi­nimdäk, biz härqandaq qiyin­çiliqqa qarimay, dadimizniŋ arminini royapqa çiqiriş üçün bir künmu oquştin qalmay tirişip bi­lim alduq. Män 1947 — 1950-jillar ari­liğida Yarkänt pe­dagogika uçi­li­öesida oqu­dum. Ämgäk pa­ali­yitimni Pän­җim yezisidiki yättä jilliq mäktäptä ustazliqtin baş­lidim. 1957-jili Altay yezisiğa kšçüp kelip, moşu paaliyitimni da­vam­laşturdum. 1982-jili nahiyä rähbärligi ma­ŋa işänçä bil­dü­rüp, Birlik ye­za keŋişiniŋ räi­si hizmitigä tayinlidi. Bu yärdimu yeziniŋ iҗtimaiy-ihtisadiy yüksilişigä, avatlişişiğa az bolsimu ülüş qoştum däp oylaymän.

Räpiqäm Rehangül Hoҗaşeva bilän ailä qurğinimizğa biyil 57 jil boptu. İkki pärzänt tepip, zamanğa layiq tärbiyiläp, aliy bilimlik qilduq. Meniŋ hayattiki utuqlirim härqandaq eğirçiliqlarni baştin käçürüp, bizni tärbiyiläp šstürgän kšyümçan anamniŋ ämgigi däp bilimän.

İmärҗan ҺOŞUROV.

Yarkänt şähiri.

Bälüşüş

Javap qalduruŋ