Didar ğenimät

0
528 ret oqıldı

1966-jili Çoŋ Aqsu ottura mäktiviniŋ 11-sinipini 29 näpär oğul-qiz tamamliğan edi. Ötkän ällik jil davamida qançimu sular eqip štti, beşimizdin nemilärni käçürmiduq desiŋizçu. Sinipdaşlirimiz Nurähmät Nurahunovtin, Һetahun Räşidinovtin, Nurdun Turdievtin, Känҗäm Ğulamovadin, Rabiyäm Ablizovadin bevaqit ayrilduq. 11-«A»   sinip oquğuçiliri mäktäp boyiçä aldinqi qatardiki tärtiplik, oquşta älaçi, җämiyätlik işlarda paaliyätçan edi. Yeqinda sabiq sinipdaşlar ana jutimizda baş qoşup, däsläp Çoŋ Aqsu yeza okruginiŋ hakimi Alimҗan Husurovniŋ  hozurida boldi. Yeza hakimi bizni illiq qarşi elip, šz vaqtida Çoŋ Aqsu yeza keŋişiniŋ räisi hizmätlirini atqurğan ikki sinipdişimiz – Äysaҗan Teyipov bilän Kamil Bavdinovqa bahaliq soğilarni tapşurdi. Öz novitidä, sinipdaşlarmu yezidiki turmuşi naçar aililärniŋ baliliri üçün alğan soğilarni taritip beriş üçün yeza hakimiğa tapşurdi. Şuniŋdin keyin sinipdaşlar Mädäniyät šyi aldidiki mäydanda yaş gšdäklär üçün uyuşturulğan çarä-tädbirlärgä qatnaşti. Uyğur hälqiniŋ sšyümlük şairi Lutpulla Mutällipniŋ yadikarliğiğa gülçämbärlär qoyğandin keyin, duniyadin štkän jutdaşliriniŋ rohiğa qur°an tilavät qildi. Andin keyin, ular däsläpki ustazi Gülsümhan Muşrapilovaniŋ šyidä bolup, muällimini täbriklidi.

Sinipdaşlarniŋ uçrişişi yezidiki kafeda davamlaşti. Ziyapät davamida šzara muŋdaşqaç, ğenimät dämlärni äslidi. Ätisi ular yezidiki çoŋ bağda baş qoşup, kšŋül kštärdi.

Uçrişiş iştrakçiliri ahirida uşbu baş qoşuşniŋ täşäbbuskarliri bolğan Saniyäm Һämraeva rähbärligidiki täşkiliy komitet äzaliriğa minnätdarliğini izhar qilip, pat-pat moşundaq uçrişip turuşqa kelişti.

Mirzähmät ҖÄMİEV.

Uyğur nahiyäsi

1966-jili Çarin uyğur ottura mäktivini 23 bala pütärgän eduq. Mana häş-päş degiçä bizniŋ mäktäp tamamliğinimizğa 50 jil boptu. Älvättä, yerim äsir insan hayati üçün çoŋ musapä. Bu vaqit içidä talay šzgirişlär yüz bärdi. Äpsus, moşu vaqit içidä bäş sinipdişimiz duniyadin štüptu. Һämmimiz bir ailiniŋ qädirlik bova-momiliri bolduq. Hoşal qilidiğini, sinipdaşlar arisidin häliq arisida šziniŋ adil ämgigi, insaniy päzilätliri bilän abroyğa erişkän şähslär yetilip çiqti. Ändi bizgä süpätlik bilim bärgän Һezim İskändärov, Arup Batalov, Mäsüt Maksimov häm sinip yetäkçimiz Halidäm Muhpulovaniŋ isimlirini  dayim mäğrurliniş bilän tilğa alimiz.

Uçrişişimizni käŋ dästihan ätrapida şu beğubar baliliq dävrimizniŋ qiziq särgüzäştilärgä tolup-taşqan vaqiälirini äsläp, muŋdişip ayaqlaşturduq.

Ablimit MÄRDANOV.

Uyğur nahiyäsi.

Buniŋdin ällik jil ilgiri Çonҗa uyğur ottura mäktivini tamamliğan sabiq sinipdaşlar uçraşti. Ularniŋ härbiri štkän yerim äsir davamida agronom, quruluşçi, injener, jurnalist, ihtisatçi, vraç, härbiy, qisqisi härhil käsiplärni egiläp, җämiyät täräqqiyatiğa munasip ülüşini qoşti. Ötkän ällik jil davamida qançilik bähit yaşliri tškülgän bolsa, şunçilik nadamät tamçiliri aqti.

Sinipdaşlar u küni qaram äҗäl arisidin elip kätkän sinipdaşliri Ömärҗan Turdahunov bilän Ahmolla Sasiqovi vä duniyadin štkän ustazlirini eçiniş bilän äskä elip, hatiriläp štti. Ular şundaqla novät bilän oquğuçiliq dävirlirini äslişip, šzara muŋdaşti.

Uçrişiş qatnaşquçiliri ahirida moşundaq didar-ğenimät dämliriniŋ asasiy täşäbbuskarliriğa çäksiz minnätdarliğini bildürüp, bir-biri bilän qiymay hoşlaşti.

Saniyäm MALİBAEVA.

Uyğur nahiyäsi.

Buniŋdin 50 jil ilgiri 10-sinipni tamamliğan sinipdaşlar ahirqi qoŋğuraq märasimi küni harpisida baş qoştuq. Biz šzimiz oquğan Çeläk yezisidiki Abay namidiki mäktäptä (hazirqi Altınsarin) uçrişişni qarar qilduq.

Äpsus, vaqit yetip, bizni här küni ätigänligi huş çiray qarşi alidiğan, biz intayin hšrmätläydiğan ustazlardin himiya päniniŋ muällimi Yaqupҗan Rahmatullin, matematika pänliriniŋ muällimi Gülҗahan Tohtieva, uyğur tili vä ädäbiyati päniniŋ muällimi Mirğiyas Semätov, fizika päniniŋ muällimi Kärim Sultanov vä başqimu bir qançä ustazlar baqiyliq bolup ketiptu. Ändi hazir hayat tarih päniniŋ muällimi Märiyäm Noruzova, rus tilidin däris bärgän ustaz Mereke Zamanbekovlar salamätligigä bağliq uçrişişqa kelälmidi.

Bu küni uçrişişqa 27 «oquğuçi» jiğilduq. Yänä birqetim, äpsus, štkän jillar mabaynida 14 savaqdişimiz arimizdin ketiptu. Şuŋlaşqa märasimni başlaştin ilgiri märhumlarniŋ rohiğa atap bir minutluq sükünat saqliduq. 50 jil az vaqit ämäs ekän. Moşu vaqit mabaynida bir qetimmu uçraşmiğan savadaşlar bilän yaŋlivaştin «tonuşuşqa» toğra käldi.

Qiziq lätipä, nahşa-saz, ussul-külkä vä häzil-çaqçaqlar bilän nahayiti kšŋüllük štkän uçrişiş märasimida bir-birimiz bilän qiymay hoşlaştuq. Ahirida ändiki uçrişişni 55 jilliqqa beğişlaşni qarar qilduq.

Mähämätҗan ҺAPİZOV.

Ämgäkçiqazaq nahiyäsi.

Bälüşüş

Javap qalduruŋ