Äŋ juquri qälämhäqqi — 50 miŋ täŋgä

0
704 ret oqıldı

«Uyğur avazi» geziti täri-pidin yazğuçi Turğan Tohtämovniŋ hatirisigä uyuşturulğan iҗadiy konkursniŋ yäküni mätbuat mäyrimi harpisida çiqirildi. Gezitimizda yazğuçi Turğan Tohtämov namidiki iҗadiy konkurs uyuşturulğan edi. Uni yazğuçiniŋ oğli, tonulğan jurnalist, «Ekspress K» gezitiniŋ mäs°ul kativi Tuğluq Tohtämov bir eğizdin qollap-quvätlidi.

Yeqinda Yazğuçilar šyidä äynä şu konkursniŋ yäkünini çiqirişqa beğişlanğan baş qoşuş bolup štti. Uniŋğa alim, yazğuçi-şair vä jurnalistlar iştrak qildi. Baş qoşuşni Qazaqstan Yazğuçilar ittipaqi yenidiki Uyğur ädäbiyati keŋişiniŋ räisi Ähmätҗan Һaşirov eçip, konkursniŋ mähsitigä qisqiçä tohtaldi.

— «Uyğur avazi» yahşi başlanminiŋ täşäbbuskari boldi, — dedi u. –   Amma biz, iҗadiyät adämliri, šzimizniŋ paaliyätçanliğini kšrsitälmiduq. Äslidä, mäzkür konkursqa çoŋ-kiçikniŋ hämmisi iştrak qilişimiz keräk edi. Äpsus, undaq bolmidi.

— Bizmu bu konkurstin çoŋ ümüt kütkän eduq, — däp sšzini başlidi novättiki natiq — «Uyğur avazi» gezitiniŋ baş muhärriri Erşat Äsmätov. —Redaktsiyamizniŋ poçtisi hekayä, publitsistikiliq maqalilarğa tolup ketämdekin, degän ändişidä qalğinimizni yoşurmaymän. Äpsus, biz kütkändäk bolmidi. Nemişkidu, çüşänmidim, ahirqi vaqitlarda yazğuçi-şairlirimiz qoliğa qäläm eliştin qaldi. Yänä kelip: «Yazidiğan yaşlar yoq» degän gäpni qilimiz. Ägär çoŋ ävlat yaşlirimizğa türtkä bolmisa, ular nädin yazsun? Bizniŋ mähsitimiz qolida qälimi bar yaşlarni tärbiyiläştin ibarät. Buniŋ arqiliq gezitimizni tehimu mäzmunluq häm qiziqarliq çiqirişqa mümkinçilik bar.

Konkurs elan qilinğandin keyin redaktsiya poçtisiğa sanaqliqla material kelip çüşti. Şularniŋ arisidin bäşini tallavalduq. Ular: «Yaminimizni zamanğila artip qoymayli, qerindaşlar» (Ablimit Märdanov, 4-fevral'), «Nädisän, meniŋ baliliğim» (Һasil Abdrimov, 10-mart), «Kepilsiz kelin» (Abduhaliq Mahmudov, häҗviyä, 14-aprel'), «Bir pursät vä bir šmür» (Nurähmät Ähmätov, hekayä, 25-fevral'), «Aniniŋ kšz yeşi» (Äkräm Sadirov, 9-iyun').

Salahiyätlik şähslärdin tärkip tapqan jyuri äzaliri bu bäş äsärniŋ arisidin Һasil Abdrimovniŋ qälimigä mänsüp bolğan publitsistikiliq maqalini baş mukapatqa layiq däp tepiptu. Baş mukapatni (50 miŋ täŋgä) muällipkä Tuğluq Tohtämov tapşurup, käsipdaşliriniŋ qäliminiŋ tehimu štkür boluşiğa tiläkdaşliq bildürdi. Qalğan tšrt äsärniŋ muälliplirimu quruq qol qaytqini yoq. Ularmu jyuri äzaliridin šzlirigä tegişlik bahasini, uyuşturğuçilardin bolsa, ämgigigä çuşluq «qälämhäqqini» härqaysisi 20 miŋ täŋgidin aldi. Mukapatlarni tapşuruş üçün sšzgä çiqqan peşqädäm jurnalist, Qazaqstanniŋ Pähriy jurnalisti Abdukerim Tudiyarov, yazğuçi-satirik Abduhaliq Mahmudov, filologiya pänliriniŋ namziti, yazğuçi Gülbähräm Hoşaeva, Turğan Tohtämovniŋ ağinisi, meditsina pänliriniŋ doktori Turğan Sopiev ädäbiyatimizniŋ kälgüsi täğdiri ätrapida gäp qildi. Bu hildiki konkurslarni pat-pat uyuşturuş täklivini bärdi.

Mukapat alğanlarniŋ hämmisi šzliriniŋ ikki eğiz lävzini bildürdi. Gezitimizniŋ turaqliq muällipliriniŋ biri bolğan Ablimit Märdanovniŋ eytqanliri jiğin qatnaşçilirida alahidä täsirat qaldurdi.

— Män yezida yaşaydiğan  addiy bir adäm, — däp sšzini başlidi u. — Ana tilimda yoruq kšridiğan kitap-gezit  vä jurnallarni qoymay oquymän. Şuniŋ täsirimu bilmidim, yeşim atmiştin aşqandin keyin qolumğa qäläm elip, maqalä yazidiğan «qiliq» çiqirivaldim. Yazğanlirim sšyümlük gezitim «Uyğur avazida» yoruq kšrgändin keyin tehimu ilhamlinip jürimän. Bügün moşu kšpligän ziyalilirimizni kšrüp beşim kškkä yätti. Meniŋ eytay deginim, ziyalilar bilän häliqniŋ arisida munasivät yoq, desämmu bolidu. İlgiri yazğuçi-şairlirimiz häliqniŋ arisiğa kšp kirätti. Һätta šz vaqtida bir sorunda raykomniŋ birinçi kativiğa yazğuçidin keyin hšrmät bildürülgänligi häqqidä aŋliğinim bar. Biz, yeza adämliri, silärniŋ yazğanliriŋlarni ämäs, šzäŋlarni seğinip kättuq. Moşu mäsilä häqqidimu oylinip kšrsäŋlar.

Baş qoşuştin keyin uniŋ qatnaşquçiliriğa Tohtämovlar ailisi täripidin ziyapät berildi.

Bähtişat SOPİEV.

Bälüşüş

Javap qalduruŋ