Kitaplar topa besip yatmisa…

0
599 ret oqıldı

Mäktäptä oqup jürgän çağlirimizda, yäni štkän äsirniŋ 80-jilliri, boş vaqit tapsaqla kitaphaniğa jügrättuq. Yazğuçi-şairlirimizniŋ äsärlirini bäs-bäskä çüşüp oqup, bir-birimizgä sšzläp berişkä, täsiratlirimiz bilän bšlüşüşkä aldirattuq. Umumän, u vaqitlarda kitapniŋ qädir-qimmiti bšläkçä edi. Һä, hazirçu?Ötkän jillarda šzäm duç kälgän monu bir eçinarliq vaqiälär häqqidä eytip štäy. Bir küni kona tonuşlirimniŋ šyigä berip qaldim. Däl şu päyttä u bir kitapni oçaqqa taşliğilivetiptu. Qariğidäk bolsam, ataqliq yazğuçimiz Ziya Sämädiniŋ «Jillar siri» romani ekän. Män uniŋdin kitapni julup degidäk tartivaldim. Andin «Һädä, tutruq qilğidäk başqa qäğäz tapalmiğan bolsiŋiz, monu ahçiğa setiveliŋ!» däp 500 täŋgini tutquzdumdä, ketip qaldim… Yänä bir qetimda bir ailiniŋ haҗäthanisida kšrnäklik qäläm sahibi Mšmün Һämraevniŋ «Dolqunlar arisida» romanini kšrgändä, jürigim ağrip, jiqilip çüşkili azla qaldim. Öy egiliriniŋ moşundaq hiyanätkä yol qoyğiniğa bäk äpsuslandim. Kitapni elivaldimdä, «Monuniŋğa haҗäthana qäğizini eliveliŋlar!» däp 200 täŋgini sundum. Nomusi bar ekän, ahçini almidi. Äksiçä, bäk hiҗil bolup, meniŋdin äpu soridi…

Kšrüp turğinimizdäk, biz «komp'yuter äsiridä» kitap oquş bu yaqta tursun, uniŋğa vähşilärçä munasivät qilidiğan bolduq. Rast, zaman tälivigä muvapiq šzgärginimiz toğra. Amma juquridikidäk, sälbiy täripigä ämästä! Äynä şu hildiki eçinarliq ähvallarniŋ şahidi bolğandin keyin maŋa bir oy käldi. Bu pikrimgä gezithanlirimiz çüşänçä bilän qaraydu degän niyättimän.

Bügünki kündä bizniŋla ämäs, başqa millätlärniŋ alämdin štkän yaki hazir hayat esil qäläm sahibliriniŋ nä-nä bebaha äsärliri ambar-qoymilarda, çedir-qoralarda çaŋ besip, titilip yatidu. Äynä şularni häliqtin jiğivelip, bir yärgä toplaş lazim. Bu işni ämälgä aşuruşni җämiyätlik täşkilatlirimiz yaki ziyali ähli oylaştursa däymän. Yoşuridiğini yoqki, kitaplarni heçkim šz ärki bilän kelip tapşurmaydu. Şuŋlaşqimu ularni ärzän bahada setivalğinimiz ävzäl. Uyğur nahiyäsidä bu işni şähsän šzäm qolğa elişqa täyyar. Meniŋ täşäbbusumni nahiyälik Uyğur mädäniyät märkizi, җümlidin Hanim-qizlar keŋişi vä jigitbaşliri birdin qollap-quvätlidi. Meniŋ adresim: Taştiqara yezisi, Qonaev koçisi, 36-šy. Alaqä telefonlirim: 29-4-14, 8-705-962-88-84.

Başqa җaylardiki milliy mädäniyitimiz җankšyärliriniŋ bu mäsiligä bepärva qarimaydiğanliğiğa ümüt qilimän.

Gülminäm TOHTAEVA.

Uyğur nahiyäsi.

Bälüşüş

Javap qalduruŋ