Sport veterani helimu säptä

0
666 ret oqıldı

Maqalimizniŋ qährimani Ärkin Äzimbaev häqqidä yeziştin ilgiri  biz uni tonuydiğan-bilidiğanlarğa muraҗiät qilduq. Ular, huddi kelişivalğandäk, hämmisila illiq gäplärni eytişti. Bolupmu nahiyälik Uyğur etnomädäniyät märkizi räisiniŋ orunbasari Abdusalam Aliev, Panfilov nahiyälik hakimiyiti Sport bšlüminiŋ başliği Erğali Qonaşev, Qazaqstan hälqi Assambleyasiniŋ äzasi Rehimҗan Tohtahunov uniŋ uzun jillar maarip sahasida işligänliginini, bolupmu täntärbiyä pänidin däris beriş arqiliq yaşlarni sportqa җälip qilğanliğinini җumhuriyät dairisidä tonulğan sport mahiri häm veterani ekänligini täkitläşti vä hazir däm elişqa çiqqan bolsimu, här küni boş vaqtini    sport kompleksida štküzüşkä adätlängänligini agahlandurdi. Degändäkla,  bu küni Ärkin akimiz nahiyälik Sport bšlüminiŋ uyuşturuşi bilän štüvatqan çarilärniŋ hšrmätlik mehmini süpitidä täklip qilinğaçqa, sport kompleksida ekän.

 — Yarkänttä tuğulup šstüm. Kiçigimdinla şoh ältäk bolsam keräk, dayimla täŋtuşlirim bilän çelişişni yaqturattim. Şähärdiki Lunaçarskiy namidiki mäktäptä oquvatqan çağlirimdila täntärbiyä pänidiki barliq  musabiqilarğa aktiv qatnişip jürdüm, — dedi Ärkin aka. — Bolupmu ärkin küräş boyiçä mäşiqlinip, nahiyälik, vilayätlik turnir-musabiqilardin quruq qol qaytmidim.  Rämiti atam  Arup šz dävridä  Dehan Ğäyrät kolhozini başqurğan kšzi oçuq, savatliq kişi edi. Anam Hatäm ikkisi biz, pärzäntlirini, oqutup qatarğa qoşti. Män mäktäpni tamamlap, baliliq arminim boyiçä Moskvadiki Stalin namidiki täntärbiyä institutiğa oquşqa çüştüm. Hoşalliğimniŋ çeki bolsunmu. Lekin ata-anam Moskvani jiraq kšrüp, oquşumni Almutida davamlaşturuş täklivini bärdi. Ularniŋ iltimasini rät qilmidim. Almuta täntärbiyä institutiniŋ klassikiliq küräş bšlümini 1965-jili tamamlidim. Ana jutumdiki šzäm bilim alğan Lunçarskiy namidiki mäktäptä täntärbiyä pänidin muällim bolup, balilarni sportniŋ bu türigä ügättim. Andin Yarkänttiki yaşlar sport mäktividä mäşiqländürgüçi, çoŋ mäşiqländürgüçi väzipilirini atqurdum. Mudirmu hizmitidimu boldum. Nahiyä rähbärligi işäş qiliğaçqa, sport komitetinimu başquruşqa toğra käldi. Meniŋdiki mähsät – šsüp kelivatqan yaşlarniŋ boş vaqtini tamaka çekiş, haraq içiş ohşaş illätlärgä särip qilğuzmay, bälki ularniŋ boyiğa sağlam hayat tärizini siŋdürüş edi. Şagirtlirim  meniŋ eqidämni aqlidi. Bolupmu Keŋeshan Serğaziev, Aleksandr Berdışev šz vaqtida Keŋäş İttipaqiniŋ vä Qazaqstanniŋ çempioni ataldi. Lenur Barmanbekov, Äysa Ğoҗämbärdiev, Kamal Yüsüpov birnäççä dürkün Qazaqstanniŋ çempioni ataldi. Ularniŋ arisida Lenur Barmanbekov bügünki kündä Kšktal yezisida yaşlar sport mäktivini açti.

Sportqa bolğan qiziqişiniŋ küçlüklügidin, yaşlarni šzi ohşaş sportni sšyüşkä ügätkän sport veteraniniŋ nävriliri Pärhat bilän Ruslan uniŋ izini besip, ärkin küräş bilän şuğullinivetiptu. Ular hätta häliqara turnirlar bilän җumhuriyätlik musabiqilarda ğalip çiqivatqanliğidin sport veterani bäk minnätdar.

Gšhärbüvi İsmayilҗanova.

Panfilov nahiyäsi. 

Bälüşüş

Javap qalduruŋ