Apirin, saŋa Rauşan!

0
726 ret oqıldı

Rio-de-Janeyro şähiridä yazliq Olimpiada oyunliri ayaqlaşqandin keyin, bu yärdä mümkinçiligi çäklängänlärniŋ Paralimpiada oyunliri štti. Uyğur nahiyäsidin Rauşan isimliq qizimizmu bu musabiqigä yollanma alğan edi. Kšpçilikniŋ tiligi vä niyiti ämälgä eşip, Rauşan Qoyşıbaeva (sürättä solda) pauerlifting boyiçä salmiği 113 kilogramm ştangini beqindurup, kümüç medal'ğa erişti. Rauşanniŋ boyidiki iradisi, sportqa bolğan muhäbbiti vä Elimiz rähbiriniŋ işänçisi uniŋ egiz çoqqilardin kšrünüşigä türtkä boldi.

Ötkän häptiniŋ jümä küni Rauşan Uyğur nahiyäsigä qaytti. Uni taqätsizlik bilän kütkän jutdaşliri märkiziy mäydanğa liq toldi. Ularniŋ arisida mähkimilär hadimliri, ustazlar vä oquğuçilar, yeza vä mähällilärdin kälgän yaşlar bilän aqsaqallar helä nurğun boldi. Mäydanğa Rauşanniŋ süriti vä mädhiyiligän sšzlär yezilğan şiarlar ilindi. Һätta Çonҗidiki 4-mäktäpniŋ ällik oquğuçisi Rauşanniŋ räsimi çüşirilgän futbolkilarni kiyivaptu.

Rauşan Qoyşıbaeva bala-çaqiliri bilän kšrüşüp, seğiniş otini basqandin keyin Uluq Vätän uruşi qurvanliriğa ornitilğan yadikarliqqa gülçämbär qoydi. Andin keyin härbiy orkestr nahiyäniŋ şänini häşlärgä kštärgän qizni märkiziy mäydanğiçä uzitip käldi. Rauşanni kšrgän jutdaşlarniŋ hoşalliğida çäk bolmidi. Uni sähnigä yetiläp çiqqan nahiyä hakiminiŋ çehridinmu minnätdarliq iznalirini seziveliş täs ämäs edi. «Yaraysän, Rauşan. Sän häqiqiy qähriman!» degän avazlar ätrapni çaŋ kältürdi. Ayrim kšŋli yumşaq jutdaşlar hoşalliğidin kšzlirigä yaş aldi.

Sähnigä kštirilgän riyasätçilär Rio-do-Janeyro şähiridä štkän Paralimpiada oyunlirini şeiriy misralar bilän yätküzüp, Rauşanğa hšrmät bildürdi.

Täbrik sšzgä çiqqan nahiyä hakimi Alimҗan Tohtasunov Rauşanğa sämimiy tiläklirini bildürüp, uniŋ  yoldişiğa vä qeyinanisiğa çapan yapti. Omaqqinä üç qiziğa äslätmä süpitidä soğilar tapşurdi. Һakim, şundaqla Rauşanğa «Uyğur nahiyäsiniŋ Pähriy grajdini» bälgüsini tapşurdi. Sportniŋ qudritimu yaki hayatqa bolğan huştarliqmu, äytävir, Rauşanniŋ boyida bir tilsim küç bar. Yeşi älliktin eşip qalsimu, küç-iradisi tolup-taşqan.

Çonҗidiki 1-mäktäp oquğuçiliri täyyarliğan fleşmob märasimni tehimu җanlandurup, pauerliftingniŋ qir-siridin uçur bärdi.

Çarä-tädbir davamida jutdaşlar Rauşanni täbriklişip, äslätmä üçün sürätkä çüşti.

Şahrizada SABİTOVA, Uyğur nahyäsi.

Bälüşüş

Javap qalduruŋ