AQŞniŋ bügünki prezidenti tünügün kim bolğan?

0
639 ret oqıldı

Ötkän häptidä AQŞniŋ 45-prezidenti Donal'd Tramp hizmitigä räsmiy kirişti. Şuniŋğa munasivätlik gezithanlarni uniŋ bilän qisqiçä tonuşturup štmäkçimiz. Donal'd Tramp – tonulğan amerikiliq quruluş magnati. «Tramp Organization» şirkitiniŋ prezidenti. İsmi Amerikiğila ämäs, uniŋ sirtiğimu tonulğan şähs. Onliğan ammibap biznes-kitaplarniŋ muällipi, «Namzat» rialiti-şouniŋ riyasätçisi, «Kainat mälikisi» konkursiniŋ ğoҗayini. Bu bügünki AQŞ prezidentiniŋ moşu küngiçä şuğullinip kälgän paaliyitiniŋ toluq ämäs tizimi.

D.Tramp 1946-jili 14-iyun'da N'yu-Yorkta millionerlar ailisidä duniyağa kälgän. Dadisi uniŋğa päqät täyyar pul-duniyasinila ämäs, bälki ularni tepiş maharitinimu qaldurup kätkän. U bala tärbiyisigä nahayiti җiddiy kšŋül bšlgän.

Donal'd ailidä şoh, tärsa, ärkinlikni halaydiğan balilardin bolup šsti. Ailidiki tšrtinçi pärzänttin atisi çoŋ ümüt kütätti. Şuŋlaşqimu uniŋ tärtip-intizamini täläpkä layiq däriҗigä kältürüş mähsitidä uni 13 yaş vaqtida N'yu-York härbiy akademiyasigä oquşqa kirgüzidu. Bu bilim därgahi häqiqätänmu ärkä bala üçün hayat mäktivi bolidu. Donal'd bu yärdä sport bilän davamliq şuğullinidu, akademiyaniŋ futbol vä basketbol komandilirida paaliyätçanliq kšrsitidu. Keyinkisidä hätta komanda kapitani väzipisini atquridu. Äŋ ävzili, boyida päqät šzigila işiniş häm riqabätçilikkä dadil turuş hisliti şäkillinidu.

Donal'd Tramp härbiy akademiyani tamamlap, Fordem universitetiğa çüşidu. U yärdä ikki jil oqup, šzigä paydiliq bilim alalmaydiğanliğini sezidu vä Uorton biznes mäktivigä avuşidu. Bu yärdin ihtisat-maliyä boyiçä bakalavr diplomini elip, dadisiniŋ rähbärligidiki şirkätkä işqa orunlişidu. U šz paaliyitini ottura hal heridarlar üçün qozğalmaydiğan mülük sahasidin başlaydu. Ogoyo ştatidiki Tsintsinnati şähiridiki Swifton Village kompleksi – Donal'dniŋ dadisi bilän hämkarliqta qurğan däsläpki layihiliriniŋ biri. Tramplar bu 1200 pätirlik kompleksqa 6 million dollar särip qilip, uni 12 million dollarğa setivetidu. Yäni ata-baliğa birgä bir payda qalidu.

Dadisi millionni kšzlisä, oğli milliardni arman qilatti. Şuŋlaşqimu kiçik Tramp addiy amerikiliqlar mänpiyitidiki byudjetliq quruluş bilän şuğulliniştin vaz keçip, kšpiräk pul tepiş mähsitidä baylar üçün šy-җay seliş oyiğa kelidu. Şu mähsättä 1971-jili N'yu-Yorkniŋ tarihiy nuqtisi — Manhettenğa kšçüp kelidu. U çağda bu yärdä BMTniŋ ştab-pätiri, Empire State Building, Chrysler Building ohşaş megapolisniŋ asasiy qädriyätliri hesaplinidiğan haşamätlik benalar selinip ülgärgän edi. Bu җayğa kšçüp kälgändin keyin Donal'd kšp vaqtini säyligä särip qilip, märkäzniŋ memarçiliğini çoŋqur tätqiq qilidu vä büyük armininiŋ moşu җayda ämälgä aşidiğiniğa kšz yätküzidu. «Arman alğa başlaydu» demäkçi, 30 jildin keyin BMTniŋ 39 qävätlik ştab-pätiriniŋ qarimu-qarşi täripidä Donal'd Trampniŋ 72 qävätlik Tramp World Tower asman-peläk benasi qäd kštiridu. Şuniŋdin keyin kiçik Tramp tehimu çoŋ utuqlarni qolğa kältürüşkä başlaydu. 77 qävätlik Chrysler Building (här häptidä tšrt qäviti kštirilidu), çediri bulutqa taqişidiğan 102 qävätlik Empire State Building (410 kündä selinip pütkän), 70 qävätlik Wall Street (hazir «Tramp Building» däp atilidu) ohşaş haşamätlik imarätlär şular җümlisidindur. Buniŋdin taşqiri kšpligän adämni häyran qalduridiğan villilar barliqqa kelidu. Bügünki kündä Tramp Manhettendiki 2 million kvadrat metrliq qozğalmas mülükniŋ egisi häm šzi N'yu-Yorkniŋ sšlitigä sšlät qoşqan magnatliriniŋ biri.

Elitiliq šylärni setiş üçün Trampqa şularğa munasip adämlär bilän qoyuq munasivät bağlaş lazim edi. Şuŋlaşqimu u äynä şundaq şähslär pat-pat baş qoşidiğan yepiq klubniŋ ğoҗayini bilän tonuşidu. Şu arqiliq u  asta-asta šz heridarlirini, quruluşini mäbläğ bilän täminläydiğan şähslärni tapidu. Äynä şuniŋdin keyin uniŋ paaliyiti tehimu җanlinişqa başlaydu. 1974-jili Donal'd Tramp tender arqiliq muräkkäp җšndäşkä muhtaҗ «Commodore» mehmanhanisini setivalidu. Uni šzgärtip, qaytidin äsligä kältürüş üçün bankilardin 70 million dollar nesiyä alidu. Äŋ ävzili, şähärlik hakimiyättiki tonuşliri arqiliq 40 jil davamida tšvänlitilgän seliq tšläş bähtigä muyässär bolidu. Nätiҗidä 1980-jili kona «Commodoreniŋ» orniğa zamaniviy, elitiliq «Grand Hyatt» mehmanhanisi bärpa bolidu. Bu Trampqa ammibapliq elip kälsä, şuniŋdin keyin qäd kštärgän 68 qävätlik «Tramp Tower» asman-peläk benasi uniŋ ismini pütkül N'yu-Yorkqa tonutidu. 1979-jili quruluşi başlanğan bu imarät N'yu-York tarihidiki äŋ muräkkäp memarçiliq layihilärniŋ biri bolup hesaplinidu. Mäzkür benaniŋ quruluşi 1983-jili ayaqlişidu. Şu päyttä riqabätçiliri uni «oltarğuzuş» mähsitidä šzara kelişivelip, şähärdä qozğalmaydiğan mülük bahasini çüşirivetidu. Amma bu härikättin Trampniŋ oşuği päqät «alçisiğa» çüşidu. Yäni uniŋğa puldin kšrä, abroy-ataq muhimiraq bayväççilär җälip qilinişqa başlaydu. 2006-jili mäzkür benaniŋ huni 300 million dollarğa bahalinidu. Uniŋğa «Tramp Tower» degän namni beriş – Donal'd üçün tunҗa reklamiliq qädäm edi. Äynä şuniŋdin keyin, barliq layihilirini šz familiyasigä bağlaşturup, «Tramp  World Tower», «Tramp Palace», «Tramp Plaza», «Tramp International Hotel & Tower» däp ataşqa bäl bağlaydu. Nätiҗidä «Tramp» nami brendqa aylinidu. Uniŋ namidiki kiyim-keçäk, restoran, jurnal hätta haraqlar («Tramp Super Premium») millionliğan dollar kirim kältürüşkä başlaydu.

Trampniŋ asasiy kamçiliqliriniŋ biri – işni reҗiläştiki aҗizliği edi. Bu ähval uniŋ biznesini kasatliqqa elip kelidu.

Bazardiki turaqsizliq pulluq investitsiyaniŋ šsüşini täläp qilatti. Näq mundaq ähvalda Tramp milliardliğan qärizgä petip, banklardiki nesiyälirini tšläş qudritidin ayrilğan edi. Uniŋ bu ähvalini ammiviy ähbarat vasitiliri, uni tonuydiğan käŋ җamaätçilik muhakimä qilişqa başlaydu. Jurnalistlar hätta Trampniŋ ilgärki ähvaliğa qaytip keliş imkaniyitini yoqqa çiqirivetidu. Tirişçan biznesmen bankirlarni šzigä ahirqi mümkinçilikni berişkä qayil kältüridu. Һä, banklarğa ilgärki qärizlirini toluq qayturup ülgärmigän heridariniŋ bu täklivigä kelişiştin başqa ilaҗisi yoq edi. Banklar hätta Trampqa šzliri maliyä mudirini qoşup beridu häm salahiyätlik mutähässislär alp magnatni muŋqärizliktin qutuldurup çiqidu. «Müşkül ähvaldin qandaq qutulup çiqtiŋ?» degänlärgä Tramp: «Bähitsizlikkä duç kälsäŋ, küldäk küldanda oltiriverişniŋ haҗiti yoq. Uniŋdin savaq aldä, işiŋni davam qil!» däp җavap beridu.

Ötkän äsirniŋ 90-jilliriniŋ ahirida Trampniŋ biznestiki ähvali turaqlişişqa başlaydu. 2001-jili uniŋ şirkiti BMT ştab-kvartiriniŋ qarimu-qarşi täripidä 72 qävätlik Tramp World Tower asman-peläk benasiniŋ quruluşini ayaqlaşturidu. 2008-jili quruluş magnatiniŋ «Tramp heçqaçan berilmäydu. Män šzämniŋ äŋ çoŋ problemilirimni qandaq qilip utuqqa aylandurdum» degän kitavi yoruq kšridu. Uniŋda muällip hayatidiki «qara künlärni» qandaq arqida qaldurğanliği häqqidä bayan qilidu. «Һeçkim šzigä bolğan işänçä bilän tuğulmaydu. Һayattiki äŋ yaman düşmän – qorqunuç», «Beşiŋğa kälgän härqandaq äski oyni baş kštärgüzmäy uҗuqturuş keräk» däp yazidu u. Yänä bir täkitläydiğan yeri, Tramp – šz işiğa җan dili bilän berilgän ämgäksšygüç insan. «Milliarder üçün iş bilän läzzätliniş – umumiy çüşänçä. Һeçqaçan ämgäk däm elişini almaŋlar. Uniŋ silärgä nemä kerigi bar? Ägär işiŋlardin läzzätlänmisäŋlar, demäk, silär hayattin šz ornuŋlarni tapmidiŋlar». Bu Donal'dniŋ sšyümlük näqili.

Kšrüp turğinimizdäk, Trampniŋ šmür sürüş retsepti addiyla – җür°ätlik boluş, tär tšküp ämgäk qiliş vä hayatqa bolğan iҗabiy kšzqaraş. Bügünki utuğiğa u asasän moşu hislätliri tüpäyli yätti desäk, hatalaşmaymiz.

İnternet sähipiliridin elindi.

Donal'd Trampniŋ ailisi häqqidä

D.Tramp däsläpki qetim 1977-jili çeh fotomodeli İvana Zel'niçkovağa šylinidu. Uniŋdin ikki oğul (Donal'd – 1977-j.  vä Erik – 1984-j.), bir qiz (İvanka – 1981-j.) pärzänt kšridu. Ularniŋ ailäviy hayatiğa 15 jildin keyin çekit qoyulidu.

1993-jili quruluş magnati 30 yaşliq amerikiliq aktrisa Marle Enn Meyplz bilän ailä quridu. Şu jili uniŋdin bir qiz sšyidu. Bu neka altä jildin keyin ayaqlişidu.

Tramp 2005-jili 34 yaşliq slovakiyalik fotomodel' Melaniya Knaussni šz ilkigä alidu. Ularniŋ šyliniş toyiğa 45 million dollar hiraҗät qilinidu. 2006-jili Donal'd bu ayalidin bir oğul (Berron Uil'yam Tramp) pärzänt kšridu.

«Meniŋ ayallirim biznesimğa riqabätçi bolalmaydu. Çünki män šz işimni hämmidin artuq kšrimän», däydu Donal'd Tramp.

Bälüşüş

Javap qalduruŋ