Şäräp quçqan mudir

0
543 ret oqıldı

Almutidiki täntärbiyä vä sport institutini tamamliğan Rizaydin Äysaev ämgäk paaliyitini 1971-jili Yarkänttiki Җambul namidiki ottura mäktäptin başlidi. Şuniŋdin keyin nahiyälik sport komitetiniŋ räisi, Yarkänttiki käspiy-tehnikiliq uçiliöeniŋ mudiri bolup işlidi. Şu jilliri nahiyä mäktäpliridä šsmürlär arisida sağlam hayat tärizini tärğip qilişta bar küç-ğäyritini särip qildi. Nahiyä dairisidä basketbol, voleybol, futbol komandiliri täşkil qilinip, šzara musabiqilärni uyuşturdi. Ularniŋ içidin ğalip çiqqanliri vilayätlik turnirlarğa qatnişip, mukapatliq orunlardin kšründi.

1991-jili nahiyä rähbärligi Rizaydin Seyit oğlini Yarkänt şähärlik häliq deputatliri iҗraiy keŋişiniŋ räisi qilip sayliğanda hatalaşmiğan ekän. Çünki u bu iştimu mol täҗribisi häm täşkiliy qabiliyiti bilän kšründi.

Şähär hakimi bolup işläş mabaynida şähärniŋ җänubidiki vä tšvänki qismidiki zäratkaliqlarniŋ mäydanini käŋäytip, qorçaydu. Şu mäzgillärdä Yarkäntniŋ koçiliriğa Abdulla Rozibaqiev, Velivay Yoldaşev, Bilal Nazim, Ömär Muhämmädiy, Ähmät Şämiev ohşaş on üç namayändiniŋ ismi berildi. 2001-jildin tartip ta moşu küngiçä Yarkänttiki äŋ çoŋ häm kšpmillätlik Җambul Җabaevniŋ nami bilän atalğan mäktäpkä mudirliq qilmaqta.

Rizaydin Äysaev mudir bolup tayinlanğan däsläpki künlärdinla mäktäp ätrapiğa däl-däräqlär kšçätlirini oltarğuzup, gülzarliqlarni bärpa qilişqa küç saldi. Çünki äynä şu yätmişinçi jilliri selinip, šzi däsläpki ämgäk paaliyitini başliğan mäktäpkä muräkkäp җšndäş işliri lazim edi. Şuniŋ üçünmu u kün tärtividiki äŋ muhim mäsililärni tegişlik orunlarğa yätküzüp, bu mäsilinimu iҗabiy häl qildi. Mäktäp benasi aldiğa Jambulniŋ byusti qoyuldi. Uluq Vätän uruşida häm avğan uruşida vapat bolğan bäynälmiläl-җäŋçilär hatirisigä yadikarliqlar ornitildi. Mäktäptä štidiğan härbir çarä-tädbir äynä şu yadikarliqlarğa gülçämbärlär qoyup, җäŋçilärni äskä eliştin başlinidu. Җambul namidiki mäktäpniŋ ustazliri bilän oquğuçiliriniŋ bilim sahasida qol yätküzüvatqan utuqlirimu az ämäs. Ular nahiyälik, vilayätlik, җumhuriyätlik, hätta häliqara däriҗidä štüvatqan bayqaş- musabiqilär bilän pän olimpiadiliriğa vä ilmiy layihilärgä qatnişipla qalmay, dayim aldinqi orunlardin kšrünüp kälmäktä.

Mäzkür mäktäptä häliqlär dostluği mavzusiğa štülüvatqan çarä-tädbirlär härkimni qayil qilidu. U yärdä bilim elivatqan on üç millät väkilliri häqiqätänmu, huddi bir ailiniŋ baliliridäk, häliqlär dostluği bilän birligini namayiş qilip kälmäktä. Biz uniŋğa här qädämdä kšz yätküzüvatimiz. Һärhil mäyräm-sänälärdä uyuşturuluvatqan çarilärgä hoşna nahiyälärdin, vilayättin mehmanlar täklip qilinip, mudirniŋ iş-täҗribisi käŋ tärğip qilinmaqta.

Mäktäptä 1300din oşuq oquğuçiğa 130 aliy vä ottura käspiy bilimgä egä ustazlar süpätlik bilim vä aŋliq tärbiyä beriş yolida jüklinivatqan җavapkärlikni juquri his qilip, tirişçanliq bilän ämgäk qilivatidu.

Mana şundaq bala sani җähättin äŋ kšp vä kšpmillätlik mäktäptä mümkinçiligi çäklängän ottuzdin oşuq baliğa šydä bilim eliş imkaniyiti yaritildi. Täkitläş keräkki, kšpbaliliq, täminati naçar 70tin oşuq ailiniŋ baliliri yeqinda mäktäptiki uyğur, qazaq vä rus sinipliri oquğuçiliri häm ustazliridin tärkip tapqan «Qoçaq teatriniŋ» novättiki qoyulumiğa täklip qilindi. Mudir kšŋli yerim balilarğa soğilarni hädiyä qilip, ularniŋ käypiyatini tehimu kštärdi.

Mana şundaq täläpçan häm mehrivan mudirniŋ ämgigimu munasip bahasini almaqta. U «Bauırjan Momışwlı», «Lider obrazovaniya», İ.Altınsarin medal'liri bilän täğdirländi. U Almuta vilayätlik millätlarara dostluq, birlik häm razimänlik җämiyätlik keŋişiniŋ äzasi.

Rizaydin Äysaevniŋ ailisi häqqidä eytsaq, uniŋ räpiqisi Saniyäm Mamut qizi bilän turmuş qurğiniğa qiriq bäş jil toldi. Rizaydin aka bilän Saniyäm hädä üç pärzänt tärbiyiläp, oqutup, qatarğa qoşup, ulardin on nävrä sšydi.

Biz qiyin, lekin şäräplik käspidä şäräplär quçivatqan milliy mädäniyitimiz bilän mätbuatimizniŋ җankšyäri Rizaydin Äysaevniŋ kälgüsi iş-paaliyitigä utuq, ailisigä hatirҗämlik tiläymiz.

 Gšhärbüvi İSMAYİLҖANOVA, Panfilov nahiyäsi.

Bälüşüş

Javap qalduruŋ