Moskvadin mukapat elip qaytti

0
1 284 ret oqıldı

Mäşür SASİQOV,«Uyğur avazi»/ Uyğur yaşliri unçivala qiziqip kätmäydiğan sport ussuli bilän şuğullinip, birqatar muvappäqiyätlärgä qol yätküzgän Suhrab Rozahunovniŋ җumhuriyät dairisidä qazanğan ğälibiliri toğriliq biz ilgiri birnäççä qetim yazğan eduq. Yeqinda äynä şu yaş sportçi šz hünirini Moskvada bolup štkän «Bol'şoy priz – Dinamo» musabiqisidä namayiş qilip, mukapatliq orunğa erişti.

Sport ussuli — җüplük oyun. Suhrab җüpi Saniya Öteuli bilän billä mäşiqlinivatqiniğa biraz vaqit boldi. Ularni sportniŋ bu türi boyiçä atiği çiqqan mahirlar — Qazaqstan sport ussulliri federatsiyasiniŋ prezidenti Aleksey Bubnov bilän uniŋ inisi Sergey Bubnov tärbiyilävatidu. Yaş sportçilar bu qetim Mustäqil Dšlätlär Һämdostluğidin vä birtürküm Evropa älliridin väkillär qatnaşqan šsmürlärara musabiqidä šzliriniŋ küçini sinap, D kategoriyasidä İİİ orunğa qol yätküzdi häm finalğa štti. Bu, älvättä, häliqara däriҗidiki sport musabiqilirigä däsläpki qetim iştrak qilivatqan Suhrab bilän Saniya üçün çoŋ utuq.

Öydin bir qädäm atlap çiqsaŋ, pul lazim bolidiğan bu zamanda pärzändiŋni Moskvağa ohşaş çoŋ şähärgä yolğa seliş, älvättä, ata-anilardin birmunçä mäbläğni täläp qilidu. Moşu täräptin Suhrab Rozahunovniŋ turaqliq hamiyiğa aylanğan häm šziniŋ sahavätlik işliri bilän hälqimizgä tonulğan metsenat Adilҗan Zäynavdinovqa vä milliy mädäniyitimizniŋ җankšyäri, Ävezov nahiyälik Uyğur etnomädäniyät märkiziniŋ räisi Burhandin Taҗidinovqa yaş sportçiniŋ ata-anisi Nasirahun Rozahunov bilän Gülbähräm Elämova çäksiz minnätdarliğini bildüridu. Täkitläş keräkki, juqurida ismi atalğan sahavätlik insanlirimiz sportçini Astana, Bayqoŋur vä başqa şähärlärdä štkän musabiqilärgä qatnaşqandimu šzliriniŋ yardimini ayimay, uni härtäräplimä qollap-quvätligän edi.

Ahirida sport ussuli boyiçä keläçigidin ümätländüridiğan Suhrab Rozahunovniŋ tehimu egiz çoqqilardin kšrünüşigä tiläkdaşliq bildürimiz.

Bälüşüş

Javap qalduruŋ