60 jildin keyin…

0
514 ret oqıldı

Şahrizada SABİTOVA, «Uyğur avazi»/ Yeqinda Kiçik Aqsu yezisiniŋ turğuni, millätpärvär insan Marlin aka Rähmätov bilän uçrişip qaldim. U  buniŋdin 10 jil ilgiri ana mäktäp qoynidin uçum bolğan sinipdaşliriniŋ beşini qoşup, 50 jilliq uçrişiş štküzgän ekän. Mana şu kündin etivarän, bu sinipdaşlar šzara qoyuq arilişip, eğir kündä bir-birigä yar yšläk bolup, yahşiliğini täŋ bšlüşüp kelivetiptu. Һä, biyil bolsa, ular yänä bir qetim štkän-kätkän künlärni äsläp, däm ğenimät, didar ğenimät dämlirini baştin käçürdi.

— Rast, yaşliğimizda tirikçilik koyida jürüp, sinipdaşlar  qoyuq arilişalmiduq — däydu Marlin aka Rähmätov. — Mana ändi şu hataliqlirimizniŋ ornini qeriliqta tolturuvatimiz. Biyil bizniŋ mäktäpni pütirip, ana mäktäptin uçum bolğinimizğa 60 jil boptu. Şu hoşalliqni sinipdaşlar bilän birliktä nişanlap, bir däqiqigä bolsimu didarlişişni toğra kšrduq.

Täşäbbuskar Marlin akiniŋ täklivi bilän 60 jilliq uçrişişniŋ mehmini süpitidä Çoŋ Aqsu yezisiğa bardim. Yezidiki «Rasul» kafesiniŋ hoylisida säksänniŋ tšridin orun alğan momilar bilän bovilar šzara sämimiy halda kšrüşüp, bir-birini täbriklişivetiptu. Bu uçrişişniŋ yänä bir alahidiligi şuki, bügün ularğa pärzäntliri bilän nävrä-çävriliri hizmät qilmaqta edi.

Mehmanlar hšrmitigä yeyilğan käŋ dästihan ätrapida mštivärlär mäktäp tamamliğan jillarni yadiğa elişti. Ular 1957-jili Abay namidiki Çoŋ Aqsu ottura mäktividin uçum bolup, çoŋ hayat qoyniğa qädäm taşlidi.  Ularniŋ baliliq dävri Uluq Vätän uruşi jilliriğa toğra kälgäçkä, besim qismiğa arqa säptä ämgäk qilişqa toğra käldi. Uruştin keyinki äsligä kältürüş väzipisimu şularniŋ zimmisigä çüşti. Mäktäptin keyinki hayat kimlärni qandaq soğilar bilän kütüvaldi? Mana moşular häqqidä šzara sšhbät başliğan Marlin aka sinipdaşlarniŋ härqaysisiğa sšz berip, ular bilän billä štkän-kätkän künlirini äsläşti. Andin ular kafe hoylisida kona nahşilarni eytip, ussulğa çüşti.

Uyğur nahiyäsi. 

Bälüşüş