Mukapatlar üçün küräş davamlişidu

0
655 ret oqıldı

Qazaqstan Olimpiada komandisiniŋ däsläpki künlärdin tartipla yahşi nätiҗilärgä erişişi bir qarimaqqa, bizni u yärdä yüz berivatqan başqa vaqiälärdin çätläştürüp qoyğandäk. Ayrim sportçilirimiz Olimpiada bilän hoşlaşsa, bäziliri mukapatlar üçün küräşni davamlaşturuvatidu. Şundaq ekän, äynä şular toğriliq qisqa bolsimu gezithanlirimizni hävärdar qilişni muvapiq kšrüvatimiz.

Dzyudo. Sportniŋ bu türi bilän şuğullinivatqan palvanlirimiz Olimpiada kürişigä däsläpkilärdin bolup qatnaşti. 60 kilogrammğiçä bolğan salmaq kategoriyasidä җumhuriyitimizgä Erkebulan Qosaev vakalätlik qildi. U birinçi uçrişişta kanadiliq Serhio Pessoa üstidin ğalip çiqsimu, ikkinçi uçrişişta ärmänstanliq Ovset Davtyandin yeŋilip qaldi.

66 kilogrammğiçä bolğan salmaq kategoriyasidä Sergey Limniŋ yolimu şundaq boldi: u däsläptä Bolğariya väkili Martin İvanov üstidin ğalip çiqqan bolsa, novättiki basquçta yaponiyalik Masasi Ebinuma aldida tiz püküşkä mäҗbur boldi. Aleksandra Podryadova (48 kilogrammğiçä) birinçi uçrişiştila moŋğulstanliq Urantsetser Munhbatqa yol bärdi.

İslam Bozbaev 1/8 finalda 2008-jilqi Olimpida çempioni germaniyalik Ole Bişoftin yeŋilip qelip, London bilän hoşlaşti.

Timur Bolat (90 kilogrammğiçä) çaräk finalda Yaponiya palvini Nişiyama  Masaçidin yeŋilip qaldi.

Boks. Olimpiada turniriniŋ başlinişida 54 kilogrammğiçä bolğan salmaq kategoriyasidiki Qanat Äbutalipov helä yahşi oyun kšrsätti. U siriyalik Usam Slaman bilän uçrişip, 15:7 hesavi bilän ğalibiyät qazandi. Äpsus, 1/16 finalda irlandiyalik Nevin Djon Djodin yeŋilip qaldi.

Ğani Jaylauovmu (60 kilogrammğiçä) nahayiti käskin štkän däsläpki uçrişişta tailandliq Saylom Adini tiz püktürdi. U tünügün hindstanliq Djay Bgahvan bilän küç sinaşti. Äpsus, 75 kilogrammğiçä bolğan salmaq kategoriyasidä küräşkä çüşkän Danabek Sujanov hindstanliq Vijnder Singhtin utulup qaldi.

49 kilogrammğiçä bolğan salmaq kategoriyasidä Birjan Jaqıpov frantsiyalik Jeremi Beku bilän štküzgän käskin uçrişişta 18:17 hesavi bilän ğalip çiqip, 1/16 finalğa yollanma aldi. U moşu basquçta Filippin väkili Mark Barriga bilän küç sinişidu.

İliyas Süleymenov (52 kilogrammğiçä) novättiki basquçqa yollanma aldi. İvan Dıçko (91 kilogrammdin oşuq) 1/6 finalda Germaniya boksçisi Erik Pfeyferdin üstün boldi. Serik Sapiev (69 kilogrammğiçä) bilän Ädilbek Niyazımbetov (81 kilogrammğiçä) 1/16 finalğa uçrişiş štküzmäyla yollanma aldi. 

Eğir atletika. Ayallar arisida Anna Nurmuhambetova (69 kilogrammğiçä) umumiy hesapta 251 kilogrammni boysundurup, 5-orunni egilidi. Ändi ärlär arisida Kirill Pavlov (77 kilogrammğiçä) umumiy hesapta 10-orunda qaldi.

Qiliçvazliq. El'mir Älimjanov koreyalik Djung Jin-Sundin, Dmitriy Aleksanin Venesuela väkili Fernandes Sil'viodin, Yuliya Jivitsa rossiyalik Yuliya Gavrilovadin yeŋilip qaldi.

Suda üzüş. Aleksandr Tarabrin yerim finalniŋ kvalifikatsiyasidin štälmidi.

Tennis. Däsläpki ikki kündä bizniŋ tennisçilar tšrt matç štküzüp, yalğuz razryadtiki ikki qatnaşquçidin «ayrilip qaldi». Mäsilän, Mihail Kukuşkin 4:6, 2:6 hesavi bilän frantsuz Simon Jil'din, Galina Voskoboeva bolsa, şundaq hesap bilän vengriyalik tennisçi Timea Boboştin yeŋildi.

Ändi Yaroslava Şvedova bolsa, 6:4, 6:2 hesavi bilän Rumıniya tennisçisi Simona Halep üstidin ğalibiyät qazandi. Yaroslava Olimpiada mukapatliri üçün küräşni davamlaşturuvatidu. U şundaqla Galina Voskoboeva bilän җüplük razryadtimu musabiqiğa çüşüp, birinçi uçrişişta 6:2, 6:0 hesavi bilän kanadiliq Stefaniya Dyubua vä Aleksandra Voznyak ikkisini tiz püktürdi.

Su poŋzigi. Qazaqstanliq vaterpolçilar birinçi uçrişişta İspaniya tallanma komandisidin 6:14, keyinki matçta Avstraliya komandisidinmu 4:7 hesavi bilän yeŋilip qaldi.

Stendqa oq etiş. Angelina Miöuk toqquzinçi orunni egilidi.

 

 

Bälüşüş

Javap qalduruŋ