Läŋmängä yoşurunğan muhäbbät

0
1 368 ret oqıldı

Momam etidiğan läŋmänniŋ tämi helimu tilimdin kätkini yoq. Kiçigimdä bäzidä läŋmändin zerikipmu qalattim. Şundaq çağlarda momamğa: «Başqa tamaq ätsäŋçu», däp ärkilättim.U mehrivanliq bilän beşimni siypap: «Qozam, bovaŋ läŋmängä amraq. Uni bir küni yemisä, ğizalanğandäk bolmaydu. Är degän šyniŋ tüvrügi. Ai­lä asraş ğe­midä sirtta җapa tartidu. Şuŋlaşqimu šygä kälgändä haduq çiqar­misa bolmaydu», däp җavap berätti.

Һäqiqätänmu, šydä kündä ikki vaqliq tamaq etilsimu, bovam yänila läŋmänni tallatti. Başqa taamlar uniŋ  üçün qoşumçä yemäklik edi, halas.

Mana hazir mänmu bir šyniŋ sahibi. Kündä käçtä yoldişimniŋ biz bilän oltirip, män täyyarliğan läŋmänni alahidä iştiha bilän yeyişi — meni äҗayip bir hatirҗämlik tuyğusiğa bšläydu.

Qeynanam baldur baqiliq bolğandin keyin qeynatam bäzidä uniŋ tamaqlirini seğinip qalatti. Bir küni meniŋ ätkän läŋminim bäkmu tetip kätkän çeği, u maŋa: «Rähmät qizim, kündä qaziniŋizda moşundaq läŋmän pişsun! Märhum aniŋizniŋkigä ohşap ketiptu», dedi kšŋli buzulğan halda.

Är  häm ayaldin ibarät ikki җinis muqäddäs neka qäsimini berip, ailäviy turmuşqa qädäm taşlaydu. Ayal üçün yoldişiniŋ turmuş aditini, qandaq tamaqni yaqturidiğanliğini bayqaveliş bäk muhim. Bu, birqarimaqqa, kiçik iştäk bilinsimu, uniŋ hissiyatni bağlaydiğan muhim nuqta ekänligini untumasliğimiz keräk.

Yoldişim tiҗarät bilän jürüp, aşhanilarda ğizalansimu, šygä kelip qazanğa qaraydiğanliğini, qandaqla tamaq ätsäm, mahtap turup yäydi­ğanliğini — ailigä bolğan bağlinişi däp bilimän.

Bir küni yoldişim  yaqa jutlarniŋ birigä malğa ketip, ätisi çüşkä yeqin telefon qildi:

Nemä tamaq etivatisän?

Läŋmän.

Läŋminiŋni häҗäp seğin­dima. Birni issiq, birni soğ qilip  täy­yar­lap qoy-hä…

Ömürlük jüptümniŋ häzilini çüşändim. Çünki u  aeroplan  bilän uçqan halättimu, 700 qilometr musapidin bu läŋmängä ülgirip kelälmätti. Uniŋ üstigä uni tünügünla läŋmängä toyğuzup, yolğa çiqirip qoyğandim. Kündin-küngä boy tartip, çoŋ boluvatqan oğlummu atisi ohşaş läŋmänhumar bolup  çiqti.

Uyğurlarniŋ läŋminini ailä mehrini tavlaydiğan, muhäbbät yetildüridiğan ğiza desäk, aşurup eytqanliq bolmas. Jiraq ällärdä türlük işlar bilän jürüvatqanlarmu vätänni aniliri ätkän läŋmän bilän billä äskä alidikän. İşinimänki,  härqandaq adäm yurt topriğini dässäpla, ohşiğan bir tähsä läŋmänni süyi bilän qoşup yävalsa, bağri qanğandäk bolidu.

Älvättä, yaşaş —  päqät yäp-içiş üçün ämäs. Biraq yemäy yaşiğili yänä bolmaydu. Һärkim läzzätlik ğizadin sšyünidu. Şuŋlaşqimu yoldişiŋizniŋ qšŋlüni utqan, jiraq-jiraqlardin mäylini šyigä, ailisigä tartqan läŋmängä yoşurunğan çäksiz mehir-muhäbbätkä säl qarimaŋ.

Şinҗaŋ häliq radiostantsiyasi.

Bälüşüş