Uluq hayat häqqidä kitap

0
173 ret oqıldı

Rossiyalik publitsist Nikolay Zen'koviç Prezident Nursultan Nazarbaev toğriliq balilarğa beğişlanğan kitap yazdi.

Yeŋi kitapni tonuşturuşqa tarih täräqqiyatiğa täsir qilğan uluq şähslär toğriliq ottuzdin oşuq kitap yazğan muällip – Rossiya Federatsiyasiniŋ hizmät kšrsätkän mädäniyät ärbabi, tarihçi, yazğuçi, publitsist Nikolay Zen'koviçniŋ šzi käldi.

Şundaqla çarä-tädbirgä Baş muhärrirlär klubiniŋ väkilliri, җämiyät ärbapliri, yaşlar täşkilatliriniŋ väkilliri, Nazarbaev Äqliy mäktäpliriniŋ rähbärligi vä çoŋ sinip oquğuçiliriniŋ delegatsiyasi qatnaşti.

Ämgäk ikki qisimdin ibarät. Birinçi qisim – «Üşqoŋırlıq bala» – Nursultan Nazarbaevniŋ baliliq çağliri, uniŋ hayat yoli, täğdiridiki buruluşlar toğriliq hekayä qilidu.

İkkinçi qisim – «Prezident җanapliri» qismidin – balilar Nursultan Äbiş oğliniŋ qandaq qilip vä qaysi hususiyätliri tüpäyli šz härikätliri bilän duniyani yahşi täräpkä šzgärtivatqan säyyariniŋ uluq adämliriniŋ qatariğa çiqqanliğidin hävärdar bolidu.

Kitap ikki tilda – qazaq vä rus tillirida çiqti. «Nazarbaev Äqliy mäktäpliri» mustäqil bilim beriş täşkilati başqarmisiniŋ räisi Küläş Şämşidinova kitapni oqup çiqqandin keyin alğan täsiratliri bilän ortaqlaşti, uniŋ qimmiti muhim materialni qiziqarliq häm çüşinişlik yorutuştin ibarät ekänligini täkitlidi. Uniŋ sšziçä, mäzkür ämgäk Nazarbaev Äqliy mäktäpliridä oquş җäriyanida, mäsilän, «Qazaqstan hazirqi duniyada» därisliridä, paydilinilidu.

Şu närsä rämzlikki, Nursultan Nazarbaev toğriliq yeŋi ämgäkni tonuşturuş märasimi Paytäht küni harpisida bolup štti. Ändi Prezidentniŋ mämlikätniŋ baş şähiriniŋ täğdiridä alahidä rol' oyniğanliğini hämmimiz bilimiz. Täbiiyki, yeŋi kitaptimu Dšlät rähbiriniŋ hayatidiki moşu sähipigä alahidä orun berilgän.

Telekanalğa sšhbät bärdi

Nursultan Nazarbaev «Rossiya 24» telekanaliğa sšhbät bärdi.

Dšlät rähbiri sšhbät davamida Astananiŋ quruluş tarihi toğriliq soallarğa җavap bärdi vä Qazaqstan paytähti ätrapida yeşil zonini täräqqiy ätküzüşniŋ ketip berişi toğriliq eytip štti.

Nursultan Nazarbaev şundaqla Rossiya telekanaliniŋ muhbiriğa mämlikätniŋ teçliqpärvärlik missiyasiniŋ mähsätlirini atap kšrsitip, Qazaqstanniŋ duniyada toqunuşlarni birtäräp qiliş boyiçä paaliyitiniŋ nätiҗiliri toğriliq hävär qildi.

Qazaqstan Prezidenti uniŋdin taşqiri mämlikät ihtisadini yeŋilaş җäriyanliri vä industrial-infraqurulumluq täräqqiyat programmisini ämälgä aşuruş yäkünliri toğriliq sšzläp bärdi.