Kämtarliği bilän hšrmätlik

0
182 ret oqıldı

Alimҗan Yoldaşev meniŋdin bir jil keyin, yäni 1985-jili «Asfal'tobeton» işläpçiqiriş karhanisiğa işqa kirgän edi. Däsläp ekolog, injener bolğan u hazir baş metrolog lavazimini egilävatidu. Uniŋ bilän billä bir karhanida işläp kelivatqinimğa mana, häş-päş degiçä 32 jil toluptu. Şu jillar җäriyanida uniŋ qapaq türüp sšzliginini kšrmidim. Päqätla külümsiräp jürginila jürgän, halas. Kollektiv arisida siliq-sipayä muamilisi bilän hšrmätlik käsipdişim šzi, ailisi toğriliq çiş yerip sšzläp bärgän bändä ämäs.  Şundimu šzämniŋ bilivalğanlirimni qisqiçä eytip štäy: Alimҗan Һoşurahun oğli Yoldaşev 1952-jili Yarkänt şähiridä hizmätçi ailisidä duniyağa kelidu. Dadisi Һoşurahun Yoldaşev «Oktyabr'niŋ 40 jilliği» kolhozi räisiniŋ orunbasari bolup helä jil işligändin keyin täҗribilik yeza egiligi hadimi süpitidä «Birlik» kolhoziniŋ räisligigä tayinlaydu. Һoşurahun Yoldaşev ta hšrmätlik däm elişqa çiqqiçä «Birlik» kolhoziniŋ hämmä täräptin ilgiriläp, yüksilişigä bar küç-quvät, ğäyritini säpärvär qilidu.

Alimҗan Yoldaşev bolsa, Yarkänt şähiridiki Krupskaya namidiki rus ottura mäktivini 1969-jili pütirip, «Oktyabr'niŋ 40 jilliği» kolhozida däsläpki iş-paaliyitini başlaydu. Andin Almuta tehnologiya institutini injener-tehnolog mutähässisligi boyiçä pütirip, Yarkänt şähiridiki aşliq qobul qiliş kombinatida tseh başliği lavazimini egiläydu.

Һoşurahun aka hšrmätlik däm elişqa çiqişi bilänla Almuta şähirigä kšçüp kelidu. Şuŋlaşqa Alimҗan däsläp şähärdiki un tartiş kombinatida injener-tehnolog bolup işqa orunlişidu. Aridin biraz vaqit štüp «Asfal'tobeton» işläpçiqiriş karhanisiğa işqa qobul qilinidu vä, juqurida eytqinimizdäk, hazir «Asfal'tobeton-1» ҖÇYniŋ baş metrologi lavazimida işläp kälmäktä.

Alimҗanniŋ rähbärligidiki bšlüm karhanida šlçäş, tähsim qiliş, täkşürüş vä asfal'tniŋ tärkivigä qoşulidiğan här türlük qetilmilarni mšlçär bilän tähsim qiliş apparatliriniŋ işlişini täminläydu. Şundaqla çiqirilivatqan asfal'tobeton, qarimay, emul'siya mähsulatliri süpitiniŋ üstün boluşini täminläydu.

Alimҗan başquruvtaqan bšlüm Almuta şähiridiki işläpçiqiriş karhaniliri mähsulatliriniŋ kšrgäzmisigä här jili aktiv qatnişip, Almuta şähärlik hakimiyätniŋ Pähriy yarliqlirini elişqa muyässär bolup kälmäktä.

Alimҗan šz käspigä җavapkärlik bilän qaraydiğan, tirişçan, kšp izdinidiğan qabiliyätlik mutähässis. Qol astida işlävatqan injenerlarniŋ bilimini mukämmälläştürüşigä çoŋ ähmiyät beridu. Ularni qisqa muddätlik bilimini aşuruş kursliriğa pat-patla ävätip turidu.

Uniŋ paaliyitidin «Asfal'tobeton-1» җavapkärligi çäklängän yoldaşliğiniŋ täräqqiyatiğa qoşqan çoŋ ülüşi kšrünüp tursimu, kämtarliğiğa elip, šzini mahtaşni äsla yaqturmaydu. Şundimu, uniŋ 65-baharini qarşi elivatqanliğini banä qilip, moşu maqalini yezişni toğra kšrdüm.

İmärğäli BURҺANDİNOV, «Asfal'tobeton-1» ҖÇY Energetika bšlüminiŋ başliği.