Şatliq dämlirigä tolup…

0
384 ret oqıldı

Yeqinda Yarkänt şähiridiki  S.M.Kirov  (hazirqi H.Һämraev) namidiki uyğur ottura mäktivini 1967-jili tamamliğan sabiq sinipdaşlar ana mäktivimizdä baş qoştuq. «Ällik jilda, äl yeŋi» demäkçi, tünügünki bäŋvaş şagirtlar bu künlärdä yeşi yätkän vä çaçliri aqarğan bova-momilarğa ayliniptimiz. Bilim bärgän ustazlirimiz bilän billä oquğan sinipdaşlarğa bolğan seğiniş hissiyatlirimiz tüpäyli ätigändila mäktäp hoylisiğa jiğilduq. Bizni mäktäp mudiri Zul'fiyäm Mäşürova qizğin qarşi elip, mäktäp benasiğa täklip qildi. Därhal bayqiğinimiz — biyil kona benaniŋ orniğa yeŋi zamaniviy bena qäd kštiriptu.

Mäktäpni arilap bähitlik baliliq çağlarni äskä alğandin keyin uzun jillar mabaynida yüzligän şagirtlii qatarida biznimu mustäqil hayat qoyniğa uçum qilğan ustazlirimiz Saniyäm Bosaqova bilän Raziyäm Başizovaniŋ halidin hävär elip qayttuq. Şundaqla märhum ustazimiz Ayimbüvi Hizmätovaniŋ šyigä berip, dua-tägbir oquduq.

Uçrişişniŋ ikkinçi qismi şähirimizdiki «Atlantik» restoranida käçki dästihan ätrapida  davamlaşti. Baş qoşuşqa Bişkek, Änҗan, Gollandiya  vä Almuta şähärliridin savaqdaşlar kelip qatnaşti. Şularniŋ biri nurğun jillar mabaynida җänubiy paytähttiki Zarya Vostoka mähällisigä orunlaşqan Murat Һämraev namidiki 150-mäktäptä mudir bolup işligän sinipdişimiz, peşqädäm ustaz Muzäppär Zayitov «Märipät çiriğini yaqqanlar» namliq kitavini hämmimizgä soğa qildi.

Sinipdaşlar bir-birimiz bilän didarlişip, puğanimiz qanğiçä muŋdaştuq. Arimizdin bevaqit baqiliq bolğan dostlirimizni vä ular bilän štküzgän bähitlik künlirimizni äsläp, kšz yaş qiliştuq.

Biz, qädinas sinipdaşlar, bu uçrişişta bir-birimizgä toymay, untulmas didar ğenimät dämlirigä çšmüp, çoŋqur täsiratlar ilkidä šylirimizgä qayttuq.

Turğan Roziev. Panfilov nahiyäsi.

Bälüşüş