Meçit qaytidin eçildi

0
776 ret oqıldı

İnsan vä iman/ İsmi җamaätçilikkä käŋ mälum, märhum Pirmuhämmät haҗim Kuzievniŋ kindik qeni tškülgän jut – Ämgäkçiqazaq nahiyäsiniŋ Yeŋişär yezisi.  Һaҗimniŋ väsiyiti bilän yezida buniŋdin 17 jil muqäddäm çoŋ meçit eçilğan edi. Mäzkür meçit Pirmuhämmät haҗimniŋ çoŋ oğli, Qazaqstan tiҗaritiniŋ kšrnäklik väkili,  «Sanaätçilär, tiҗarätçilär vä yeza egiligi hadimliri» җumhuriyätlik җämiyätlik fondiniŋ prezidenti, «BeNT» aktsionerliq җämiyiti mudirlar keŋişiniŋ räisi Dilmurat Kuzievniŋ rähbärligidä selinip, yeza turğunliriğa hizmät qilip käldi. Biyil meçit uniŋ inisi, «Universal» korporatsiyasiniŋ prezidenti, «Yarkänt krahmal-şirnä zavodi»  ҖÇYniŋ mudiri, Almuta vilayätlik mäslihätniŋ deputati Zakirҗan Kuzievniŋ küç çiqirişi bilän muräkkäp җšndäştin štüp, hasiyätlik җümä küni täntänilik räviştä qaytidin eçildi.

Raşidäm RÄҺMANOVA,«Uyğur avazi»/ Muhämmäd Päyğämbär namida atalğan bu meçitniŋ eçiliş märasimiğa elimiz Baş muftiniŋ mäslihätçisi, naib mufti Şeyh Muhammad Huseyn haҗim, Almuta vilayitiniŋ väkil imami Narjan Quanış haҗim, Ämgäkçiqazaq nahiyäsiniŋ hakimi Binäli Isqaq, җumhuriyätlik Türk etnomädäniyät märkizi yenidiki mädäniyät bšlüminiŋ başliği, Qazaqstan hälqi Assambleyasiniŋ äzasi Qazaqbay Taştemirov vä nahiyäniŋ başqimu yeziliridin kälgän musulman ähli iştrak qildi.

Qazaqstan Musulmanliri diniy başqarmisiniŋ räisi, Baş mufti Erjan haҗim Mayamerovniŋ salimini yätküzgän Şeyh Muhammad Huseyn Alsabekov «bu duniyada meçit salğan adämniŋ u duniyada çoqum җännättin orun alidiğanliğini» atap štsä, Narjan Quanış haҗim Allaniŋ šyi – meçitlarniŋ selinişi üçün ayanmiğan Kuzievlar ävladiğa çäksiz minnätdarliğini bildürdi. Nahiyä hakimi Binäli Äbdiqapas oğli insapliq pärzäntlärni tärbiyiligän Kuzievlarniŋ ata-anisiğa apirin eytsa, Qazaqbay Taştemirov mäzkür ävlatniŋ elimizniŋ ihtisadiy täräqqiyatiğa munasip ülüş qoşup kelivatqanliğini alahidä qäyt qildi. Şundaqla märasimda sšz alğan Saadät, Dilmurat vä Zakirҗan Kuzievlar häliqni birlikkä çaqirip, yaşlarni ädäp-ählaqqa tärbiyiläydiğan tävärrük җay – meçitni ata hatirisi üçün selip bärgänligini, uniŋ dayim adämlärgä liq tolup kälgänligini eytip, keläçäktimu şundaq bolup qalidiğanliğiğa işäş bildürdi. Öz novitidä Yeŋişär yezisiniŋ jigitbeşi Qurvanҗan Aznibaqiev, «Yeŋişär» җämiyätlik birläşmisiniŋ räisi Rehimҗan İbdiminov, Hanim-qizlar keŋişiniŋ räisi Mervanäm Hudayqulova vä Yärlik šzini-šzi başquruş komitetiniŋ äzasi Säule Jünisbekova sahavätlik insanlarğa yeŋişärliklär namidin minnätdarliğini izhar qilip, ularniŋ üstigä çapan yapti vä  işliriğa utuq tilidi.

Täkitläş lazimki, Yeŋişär yezisida 13 millättin tärkip tapqan 4 000ğa yeqin adäm istiqamät qilsa, ularniŋ kšpçiligini musulmanlar täşkil qilidu. Muhämmäd Päyğämbär namidiki meçit 3,5 gektar yärni egiläydu. U 17 jil burun selinip, här 5 jilda remontlinip käldi, biyil 40 miŋ AQŞ dolliriğa muräkkäp җšndäştin štti. Meçitqa 450 adäm siğidu. Һoylisida mädrisä, yataqhana, qaravulniŋ bšlmisi vä sähnä bar. Meçitniŋ remont işliri 3,5 ay davamlaşti. Uniŋğa bärikät bilän härikätni qatar qoyğan yeŋişärliklär «bir yaqidin baş, bir yäŋdin qol çiqirip» qatnaşti.

Täntänä davamida Gülҗahan Talipova rähbärligidä uyuşturulğan Avat vä Yeŋişär yeza okrugliri mädäniyät šyliriniŋ «Bahar», «Gülder» ansambl'liriniŋ, «Juldız» ussulçilar topi vä dombriçilar orkestriniŋ kontserti märasim iştrakçiliriniŋ diqqät näzärigä havalä qilindi. Ahirida kšpçilik näzirgä eğiz tegip, җümä namizini uşbu qutluq därgahta štidi.

Ämgäkçiqazaq nahiyäsi.

Bälüşüş