Uyğur jigitliriniŋ utuqliri

0
865 ret oqıldı

Yoldaş MOLOTOV, «Uyğur avazi»/ Sentyabr'dä Kanadiniŋ Monreal' şähiridä bädiiy gimnastikidin duniya çempionati štti. Uniŋğa duniyaniŋ 80 dšlitidin 500 sportçi, җümlidin Qazaqstan milliy tallanma komandisi iştrak qildi. Uniŋ tärkividä Däulet Narmetov, Erbol Jantıqov, Akim Musaev, Karimi Milad, Nariman Qurbanov, Ekaterina Çuykina vä Janerke Düysek boldi.

– Bizniŋ komandimizniŋ bu çempionatqa qatnaşqininiŋ šzi çoŋ utuq, – däydu Qazaqstan bädiiy gimnastika federatsiyasi prezidentiniŋ mäslihätçisi Mahmut İskändärov. – Yänä bir utuğimiz, yaş talantliq uyğur jigiti Nariman Qurbanov bu qetim «atta» mutlaq yeŋi, tehnika җähättin nahayiti qiyin elementni orunlidi. Bu element gimnastikida äŋ aliy hesaplinidiğan «E» topiğa kirgüzüldi häm uniŋğa uni däsläpki qetim orunliğan Nariman Qurbanovniŋ («THE KURBANOV») nami berildi. Demäk, uyğur jigitiniŋ ismi gimnastika tarihida qaldi. Qazaqstan komandisidin Karimi Milad finalğiçä yätti. Ägär duniya çempionatiğa Rossiya, Hitay, Һindstan vä başqimu çoŋ dšlätlärniŋ sportçiliri qatnaşqanliğini näzärdä tutsaq, bu biz üçün çoŋ utuq.

Ändi štkän häptidä Almutida bädiiy gimnastika boyiçä Qazaqstan çempionati ayaqlaşti. Uniŋğa Almuta şähiriniŋ komandisi tärkividä qatnaşqan uyğur jigitliri Efrat İmärҗanov, İliyas Äzizov vä Һasan Sälimov šz hünärlirini kšrsätti. Musabiqä nätiҗiliri boyiçä här üçilisi җumhuriyät çempioni ataldi.

– Mälumki, gimnastika – sportiniŋ olimpiadiliq türi bolup hesaplinidu, – däydu Mahmut İskändärov. – Hoşal qilidiğini, hazir uyğur baliliriniŋ bu sportqa bolğan qiziqişi aşmaqta. Kšrüp turumizki, ularniŋ utuqlirimu yahşi, talantliq balilar. Yaş bolğiniğa  qarimay, ularniŋ aldi sport mahirliri vä sport mahirliğiğa namzatlar. Qoşumçä qilsam, İliyas bilän Efrat Qazaqstanniŋ ikki dürkün çempioni. Şuŋlaşqimu bu jigitlärniŋ keläçigidin ümütimiz zor. Biz ularni mäniviy häm maddiy җähättin qollap kelivatimiz.

Bälüşüş