Jillap jiqqan abroyumizni  bir kündila tšküvalmayli

0
418 ret oqıldı

Erşat ÄSMÄTOV, “Uyğur avazi”/ «Uyğur avaziniŋ» zaman tälivigä layiq, mäzmunluq näşirlärdin bolup şäkillinişidä, birinçi novättä, mäşäqätlik iҗadiy mehnät egiliri — gezit hadimliri bilän turaqliq muälliplirimizniŋ ämgigi bebaha. Şundaqla ularni maddiy häm mäniviy җähättin qollap-quvätläp kelivatqan sahavätlik insanlirimizmu alqiş-hšrmätkä munasip.  Gezitimizniŋ härhil jillarda çiqqan sanlirini varaqlap kšrsäk, alimlirimizni vä yazğuçi-şairlirimizni hesaplimiğanda, yüzligän ämgäk märdanilirini, işbilärmänlär bilän tiҗarätçilärni käŋ ammiğa tonuşturuptimiz. Jurnalistlarniŋ şäräplik hizmiti tüpäyli ular päqät kšpçilikkä tonulupla qalmay, şuniŋ bilän billä şan-şšhrät qazinip, izzät-ehtiramğa erişiptu. Äynä şundaq äzimätlirimizniŋ kšpçiligi redaktsiyamizgä kelip yaki telefon arqiliq bizgä çäksiz minnätdarliğini bildüridu. Jurnalistniŋ ämgigini bahalaydiğan, qädir-qimmitini çüşinidiğan äynä şundaq aliy päzilätlik insanlarğa rähmättin başqa eytarimiz yoq.

Amma, bähitkä qarşi, «yançuği dšŋ» ayrim dostlirimiz pat-pat gezitqa çiqmisa, «ağrip qalidiğan» halätkä yetidu. Yäni «yultuzlar» kesiligä muptila bolup, šzini alämgä tonutqan milliy näşirgä, uniŋda hizmät qilidiğan qäläm sahibliriğa täşäkkür eytiş bu yaqta tursun, salamlişiştin qalidu. Huddi biz uni yezişqa minnätliktäk, jurnalistlarni mal ornida kšridiğanlarmu bar tehi. İş җäriyanida undaqlarniŋ taliyini kšrüp, «šz orniğa» qoyupmu jürimiz.

Buniŋdin biraz vaqit ilgiri ismi kšpçilikkä mälum, inavätlik, sahavätlik insanlirimizniŋ biriniŋ yeqini redaktsiyagä telefon qilip: «Akimizni gezitqa çiqirip qoyuş keräk. Äҗayip maqalä yezip ävätivättuq. Qisqartmay, šzgärtmäy, elan qilarsilär» dedi buyruqvazliq bilän.

Oylap kšrsäk, birinçidin, gäp boluvatqan tädbirçan qerindişimizniŋ hayatiğa munasivätlik heçqaçan bir muhim vaqiä yüz bärmigän. İkkinçidin, bu şähs gezitimizğa birinçi qetim çiqivatmaydu. Mäsiliniŋ moşu täräplirini çüşändürginimdä, sšhbätdişim hapa bolup: «Bu maqalini biz akimizniŋ kšŋlini kštirip qoyayli, degän niyättä ävätiveduq. Uniŋ silärgä qilğan yahşiliğini untup qaldiŋlarmu nemä? Bayqaŋlar, yänä uni ränҗitip qoymaŋlar!» däp popuza qilişqa štti. Şundimu ziddiyätkä barmasliq niyitidä šzämni qolumğa elip: «Bizgä šz vaqtida hamiyliq qilğan akimizniŋ himmitigä rähmät, älvättä. Amma bu qetim uniŋ toğriliq maqalä berişniŋ heçbir zšrüriyiti yoq. Tävälludi bolğanda bu sahavätlik insanniŋ nämunilik işlirini äsläp, käŋiräk yazarmiz…» däp җavap bärdim. Telefon qilğan jigit gepimni ahirini tiŋşimay nogäyni qoyuvätti…

Mana, iş җäriyanida bizdä moşundaq yeqimsiz ähvallar pat-pat yüz berip turidu. Rast, biz juqurida täkitligän qerindişimizniŋ elimiz, millitimiz mänpiyitidä qilğan ämgäk-äҗrini untumaymiz.Uniŋ üçün u munasip mukapitinimu, alqişinimu aldi. Amma qilğan yahşiliğini minnät qilişi şärt ämäsqu!

Һazir elimizniŋ җay-җaylirida hamiylarniŋ qollap-quvätlişi bilän yüzligän çarä-tädbirlär, häyrihahliq işlar uyuşturuluvatidu. Bu ilgirimu bolğan, kälgüsidimu davamlişidu. Mäsilän, Qazaqstan metsenatlar klubi täsis qilğan «Tarlan» mukapiti uzun jillardin beri elimizdiki šz sahasida muvappäqiyät qazinip kälgän iҗadiyät adämlirigä tapşurulup käldi. Bir qiziği, mukapatliq fondi 120 miŋ AQŞ dollirini täşkil qilğan klub äzaliriniŋ kimlär ekänligini heçkim bilmäydu. 2012-jildin buyan här jili štküzülüp kelivatqan җumhuriyätlik «Qazaqstan barısı» turniriniŋ (baş mukapat — 150 miŋ AQŞ dolliri!) hamiyliriniŋ isimliri heç yärdä atalmaydu… Mundaq misallarni yänimu kältürüşimiz mümkin.

Şuni toğra çüşiniŋlarki, hšrmätlik qälbi sehi, märt-märdanä metsenatlirimiz, biz silärniŋ sahavätlik işliriŋlarni heçqaçan untumaymiz. Bizgä yardäm qoluŋlarni sunuşni tohtatsaŋlarmu, äl-jutqa qilğan nämunilik paaliyitiŋlarni gezit betidä yorutup, ismiŋlarni käŋ ammiğa tärğip qiliştin baş tartmaymiz. Päqät mänmänçilik, şšhrätpäräslik çaŋgiliğa çüşüp qelip, jillar davamida misqallap jiqqan abroy-şäniŋlarni yoqitip qoymisaŋlar bolğini.

Bälüşüş