Aq yol saŋa, İlşat!

0
443 ret oqıldı

 

Mäşür SASİQOV, «Uyğur avazi»/ Ötkän yäkşänbä küni Q.Ğoҗamiyarov namidiki dšlät Uyğur akademiyalik muzıkiliq-komediya teatrida nahşiçi-gšdäk häm ussulçi İlşat Arşalimniŋ «Bova-moma» namliq yäkkä kontserti bolup štti. İlşat tehi mäktäp oquğuçisi bolsimu, az vaqit içidä šz muhlislirini tepip ülgärgän sän°ätkar. Şuŋlaşqa uniŋ däsläpki kontsertiğa sinipdaşliri bilän dost-buradärliridin taşqiri, tamaşibinlarmu helila kšp käptu.

Öziniŋ talanti bilän җumhuriyät dairisidä štkän birqatar çoŋ-çoŋ bayqaş-kšrüklärniŋ ğalibi atalğan İlşat kontsertini «Astana» namliq qazaqçä nahşisi bilän başlidi. Andin keyin yaş nahşiçi ikki saatqa sozulğan kontsert davamida tamaşibinlarğa yeqimliq nahşilar bilän ävrişim ussullarni täğdim qiliş arqiliq ularniŋ alqişiğa sazavär bolalidi. Çünki uniŋ sähnidä šzini ärkin tutuşi vä härbir nahşiğa mas kiyinişi bilän härikätlirigä qayil bolğan diqqätçan tamaşibin uni dayim güldiras çavaklar bilän illiq qarşi elip turdi. Uniŋ päqät uyğurçä nahşilar bilänla çäklänmäy, härhil tillarda vä zamaniviy häm retro nahşilarni iҗra qilişimu kšpçiliktä çoŋqur täsirat qaldurdi. Şuŋlaşqa ayrim tamaşibinlar İlşatniŋ härbir nahşa-ussulidin keyin uniŋğa güldästilärni tutup, soğilirini berip turdi.

Almuta şähiri A.Rozibaqiev namidiki 153-mäktäp-gimnaziyaniŋ oquğuçisi İlşat Arşalimniŋ yäkkä kontserti uni qollap-quvätläp kälgän dostliriniŋ yeqimliq nahşiliri vä ussulliri bilän tehimu qiziqarliq štti. Mäsilän, hälqimizniŋ ehtiramiğa sazavär bolup, җumhuriyätlik «Salam, Astana» vä «Künşuaq» kšrükliriniŋ Baş mukapitiniŋ sahibi «Bahar» ussul ansambli, häliq talanti Adalät Һoşurova vä İlşatniŋ Ratmir, Davutҗan vä Kamiläm isimliq dostliri šzliriniŋ talanti bilän kontsertniŋ utuqluq štüşigä salmaqliq hässisini qoşti. Buniŋdin taşqiri, ariliqta «Made in gimnaziya» Huşhoylar vä tapqurlar komandisiniŋ äzaliri ikki-üç sähnä kšrünüşliri arqiliq tamaşibinlarni külkigä ğäriq qilipmu ülgärdi.

Bir eğiz sšz bilän eytqanda, kiçik boluşiğa qarimay, boyidiki talantini ata-ana, bova-momiliri vä ustazliriniŋ yardimi arqiliq pärviş qilişni bilgän yaş talant egisiniŋ däsläpki kontserti utuqluq boldi. Uni štküzüştä yar-yšläk bolğan barliq insanlarğa İlşat kontsert davamida šz minnätdarliğini bildürsä, «Uyğur avazi» gezitiniŋ baş muhärriri Erşat Äsmätov bügünki kontserttin alahidä bähirlängänligini täkitläp, mundaq dedi:

– Şähsän män İlşatni kšptin beri yahşi bilimän. Uniŋ keläçäktä moşu biz turğan muqäddäs sähnidä nahşa eytip, daŋliq iҗraçilardin bolup yetilişigä tiläkdaşliq bildürimän. Män bu yärdä İlşatniŋ däsläpki ustazi — «Aziya Plyus» prodyusserliq märkiziniŋ rähbiri Sähärdin Yüsüpovqa rähmät degüm kelidu. Çünki u İlşat ohşaş nurğunliğan yaş sän°ätkarlirimizni çoŋ sähnilärgä elip çiqip, ularniŋ talantini namayiş qilip, kšpçilikkä tonuşturuşta ayanmay tär tšküvatidu.

Andin sšz novitini alğan gimnaziyaniŋ muzıka päniniŋ muällimi Nadiyäm Rembaqieva, «Bahar» ussul ansambliniŋ rähbiri Bahar Zordinova vä ata-anilar komitetiniŋ räisi Zohra Mšrdinova İlşatqa illiq tiläklirini eytip, atiğan soğilirini tapşurdi.

Moşu yärdä şuni alahidä täkitläş lazimki, Zohra hädiniŋ nävrisi Säyyarä İlşat bilän billä bäş yaştin beri җüp bolup, ussul bilän şuğullinidekän. Şuŋlaşqa «nävrimiz ana tilida bilim alsun häm uyğurniŋ milliy ussuli bilän şuğullansun» degän niyättä ular Säyyarini şähärniŋ u qetidiki «Qayrat» mähällisidin gimnaziyagä qatnitip oqutuvetiptu. Zohra hädä bu häqqidä eytqinida, tamaşibinlar alqişini güldiras çavaklar bilän bildürdi. Şundaqla İlşatniŋ momisi Rizvangül Arşalimmu nävrisiniŋ sän°ät duniyasidiki däsläpki qädiminiŋ utuqluq boluşi üçün yar-yšläk bolğan barliq insanlarğa minnätdarliğini izhar qilğaç, minnätdarliq süpitidä hatirä soğilarni tapşurdi.

Bälüşüş