Jutdaşlirimiz — Aziya çempionliri

0
1 287 ret oqıldı

Qarağayli yezisidiki «Birlik» sport klubida mäşiqlinivatqan yaş sportçilirimiz bügünki küngä qädär sportniŋ yäkmu-yäk kürişi boyiçä bir näççä turnirlarğa qatnişip, utuqlarğa erişmäktä. Mäzkür sport klubiniŋ äzaliri, moşu jilniŋ 18 — 21-mart künliri ariliğida Atırav şähiridä štkän yäkmu-yäk küräş boyiçä Qazaqstan birinçiligigä qatnişip, olҗiliq qaytqan edi. Eniğiraq eytsaq, uniŋda 60 kilogramm salmaq däriҗisidä çoŋlar arisida Nazimҗan Äysarov (mäşiqländürgüçisi Tiläpҗan Sopiev) çempion atalsa, šsmürlär arisida 55 kilogramm salmaq däriҗisidä Rustäm Äysaev — birinçi, Җäbrayil Ähmätov üçinçi orunni egilidi. May eyida bolsa, Qarağanda şähiridä štkän, Keŋäş İttipaqiniŋ Qährimani Martbek Mamrievniŋ hatirisigä beğişlanğan häliqara turnirdin Nazimҗan Äysarov, Rustäm Äysaev, Rinat Setiev kümüç medal' bilän qaytti. Şundaqla Nazimҗan Äysaev turnirniŋ äŋ çaqqan sportçisi däp etirap qilinip, mähsus kubok bilän mukapatlandi. Moşu turnirlarniŋ nätiҗiliri boyiçä, ular Qazaqstanniŋ yäkmu-yäk kürişi boyiçä tallanma komandisiniŋ qatariğa qobul qilindi.

23 — 28-iyul' künliri Taҗikstanniŋ Hoҗänt şähiridä sportniŋ yäkmu-yäk kürişi boyiçä Aziya çempionati bolup štti. Çempionatqa Qazaqstan, Taҗikstan, Özbäkstan vä Qirğizstan җumhuriyätliriniŋ tallanma komandiliri qatnaşti. Täkitläş keräkki, Qazaqstan tallanma komandisida çoŋ mäşiqländürgüçi süpitidä, uyğur jigiti Äziz Rozievmu boldi. Çempionat yäkünliri boyiçä qazaqstanliq säkkiz sportçi ğalip çiqip, umumiy komandiliq hesapta ikkinçi orunni egilidi. Şularniŋ içidä, «Birlik» sport klubiniŋ äzaliri Nazimҗan Äysarov çoŋlar arisida, Rustäm Äysaev šsmürlär arisida Aziya çempioni ataldi. Şuni alahidä täkitläş keräkki, här ikki sportçi šzliriniŋ finalliq uçrişişlirida räqiplirini nokaut bilän yeŋivaldi.

Biz yaş sportçilirimizğa keläçäktimu zor utuqlarni tiläp, ularni qollap-quvätläp, hamiyliq qilğan Qarasay nahiyälik Uyğur mädäniy märkizigä vä jutdaşlirimizğa täşäkkür izhar qilimiz.

Abdullam RÄHMİDİNOV.

SÜRÄTTÄ: N.Äysarov (soldin oŋğa), Ä.Roziev, R.Äysaev. 

Bälüşüş

Javap qalduruŋ