Qälblärni tävrätkän qälb sadasi

0
423 ret oqıldı

Yeqinda Malivay yezisidiki Mädäniyät šyidä šziniŋ yeqimliq avazi bilän kšpçilikkä tonuluvatqan yaş sän°ätkar Mehrat Rähmätҗanniŋ «Qälbim sadasi» namliq yäkkä kontserti bolup štti. Mehrat šzi malivayliq. Ottura bilimnimu moşu yezidiki mäktäptä aldi. Uniŋ kiçigidinla sän°ätkä bolğan iştiyaqini säzgän ustazi Adilҗan Mämätov bilän bovisi Rähmätҗan uni rohiy җähättin qolliğan edi. Hatalaşmaptu. Mehrat mäktäptin keyin Çaykovskiy namidiki muzıkiliq kolledjğa oquşqa çüşüp, šziniŋ talantini muzıka rähbiri Sabirҗan Manaşovniŋ rähbärligidä tehimu käŋäytti. Boş vaqitlirida çoŋ-kiçik kontsert-konkurslarğa qatnişip, mukapatliq orunlarğa erişti.
Mehrat kontsertini җapakäş hälqimizniŋ muŋ-zari bilän şatliq-hissiyati ipadilängän «Çäbayat» muqaminiŋ märğuli bilän başlidi. Andin zaldiki muhlisliri uniŋ nahşiliri arqiliq birdä «İli boylirini» çarlisa, birdä büyük «Vätinim» täğdirigä çšmgändäk boldi. Umumän, Mehrat kona milliy nahşilirimizni babiğa yätküzüp orunlap, täşna kšŋüllärgä mälhäm hädiyä qildi. Şundaqla zamaniviy uyğur, šzbäk nahşiliri bilän birqatarda opera iҗra qiliştimu šziniŋ talantliq nahşiçi ekänligini toluq ispatlidi.
Kontsertta ataqliq sän°ätkar Marat Noruzov sšz elip, «Milliy sän°itimizgä qiziqidiğanlar kšp, lekin uniŋğa bar vuҗudi bilän muhäbbät bağliğan Mehrattäk talantlar az. Muqamni kšrüngänla sän°ätkar iҗra qilivärmäydu. Muqamni Mehrattäk qabiliyätkä egä nahşiçilarla eytalaydu», däp şagirtiğa juquri bahasini bärdi. Yaş talant egisiniŋ däsläpki kontsertini «Pärvanä» ansambli, Seyitҗan Zayitov, Bähtiyar Rähmidinov, Şahmurat Bahamov, Molutҗan Tohtahunov vä Bägzat Bährimҗan ohşaş sän°ättiki dostliri täbrikläp, tamaşibinlarğa yeqimliq nahşiliri bilän arambähş dämlärni hädiyä qildi. Ändi «Yasmin» ansambli bolsa, ävrişim häm näpis ussulliri bilän kontsertniŋ tehimu җanlinişiğa šzliriniŋ birkişilik hässisini qoşti.
Qisqisi, Mehrat Rähmätҗan šziniŋ yäkkä kontsertida ayrim nahşiçilar ohşaş fonogramma bilän ämäs, bälki җanliq avazi arqiliq barçiniŋ kšŋlini aldi vä şu alahidiligi tüpäyli yänä bir qetim muhlisliriniŋ hšrmät-alqişiğa muyässär boldi.
Abdulҗan AZNİBAQİEV.
Ämgäkçiqazaq nahiyäsi.

Bälüşüş

Javap qalduruŋ