Uni untuş äsla mümkin ämäs

0
404 ret oqıldı

Biz, hazir yeşimiz 60tin alqiğanlar, sabiq Çeläk nahiyäsiniŋ taza täräqqiy etivatqan, milliy mädäniyät bilän maaripniŋ kšklävatqan bir päytliridä bilim alduq. Abdulla Rozibaqiev namidiki uyğur ottura mäktiviniŋ oquğuçiliri bolğan biz yazğuçi-şairlirimizniŋ näşirdin çiqqan härbir kitavini setivelip, talişip oquşqa adätlängän eduq. Bizgä bilim bärgän muällimlärniŋ ustazliq maharitimu üstün bolğandäk bilinidu, maŋa. Ana tilimizda yoruq kšrgän «Kommunizm tuği» (hazirqi «Uyğur avazi») gezitiniŋ däsläpki sanini biz qançilik hoşalliq bilän qarşi alğanliğimiz helimu esimda. Şuniŋdin beri bu gezittiki birmu maqalä vä ähbaratni qaldurmay oqup çiqimän.
Qolumğa qäläm elişimğa «Uyğur avazi» gezitiniŋ ahirqi ikki sanida elan qilinğan Avut Mäsimovniŋ «Qaraturuq – uluq җay, bilsäŋ…» särlävhilik maqalisi säväp boldi.
Maqalini bir ämäs, ikki märtä oqup çiqtim. Nurğun izdängänligi üçün Avut Mäsimovtin bäk razi boldum. Amma meni bir närsä oylandurup qoydi. Maqalidiki şunçä nurğun isim-familiyasiniŋ arisidin Qaraturuq okrugiğa qaraşliq ihçam Lavar yezisida tuğulup, Çeläk nahiyäsi salamätlikni saqlaş sahasiğa bebaha hässä qoşqan Mähämmätҗan Ğänievni uçratmidim. Aŋlişimçä, Avut Mäsimovniŋ šzi qaraturuqluq ekän. Biraq uzun jillardin beri Almutida yaşaydu. “Çiraq tüvi qaraŋğu” demäkçi, mümkin uniŋğa ähbarat bärgänlär uşbu qädirlik insan häqqidä untup qalğandu.
Mähämmätҗan Ğäniev – hayatiniŋ 40 jilini, barliq bilimi bilän qabiliyitini insan salamätligini saqlaşqa särip qilip, vaqit bilän hesaplaşmay hizmät qilğan adäm. Uniŋ šz käspigä degän sadiqliği şunçilik boldiki, hšrmätlik däm elişqa çiqip kätkändin keyinmu, uzun jillar mabaynida käsipdaşliri uniŋdin mäslihät sorap turdi. Almuta meditsina institutini äla bahalarğa tamamlap, šz jutiğa hizmät qiliş üçün 1957-jili Çeläkkä qaytip käldi. Ämgäk paaliyitini Çeläk nahiyälik sanitarliq-epidemiologiyalik stantsiyasidä başlap, çoŋ bir nahiyäniŋ baş vraçi hizmitidin hšrmätlik däm elişqa çiqti. Mähämmätҗan akiniŋ räpiqisi Gülnaz hädimu, ularniŋ balilirimu meditsina hadimliri.
Uzun jillar nahiyäniŋ baş dohturi bolğan Mähämmätҗan Ğäniev nahiyälik ağriqhana benasini qaytidin yasitip, käŋäytip, uniŋda bir mäzgildä 50 adämniŋ davalinişiğa mümkinçilik yaritidu. Hirurgiya bšlümini açti. Yezilarda ambulatoriya, meditsiniliq punktlar päyda boldi. Çeläk meditsiniliq kolledji eçildi vä hakazilar.
Һärqandaq jutniŋ turğunliri juttin çiqqan qabiliyätlik, mälum bir sahada çoŋ utuqlarğa yätkän jutdaşliri bilän pähirlinip, mahtinidu. Meniŋçä, Mähämmätҗan Ğänievmu äynä şundaq insan edi. Uniŋ ismini untuş äsla mümkin ämäs.
Mähämmät Şapi
SABİTOV.
Ämgäkçiqazaq nahiyäsi.

Bälüşüş

Javap qalduruŋ