Raziyäm aniniŋ bähti

0
264 ret oqıldı

Raşidäm RÄҺMANOVA,/ «Uyğur avazi»/ Raziyäm Abdul qizi Çeläktä tuğulup-šsti. Kirov namidiki ottura mäktäpni ülgilik tamamlap, Çeläk nahiyälik kšktat qobul qiliş mähkimisigä işqa orunlişidu. Keŋäş dävridä yaşiğan nurğunliğan adämlärniŋkigä ohşaş, Raziyäm hädiniŋ ämgäk kitapçisidimu nurğun yeziq yoq. Çünki u atalğan mähkimä yepilğiçä, yäni 24 jil mabaynida birla yärdä işlidi. Andin Çeläk haraq-şarap zavodida, keyin «Gidro» şähsiy şirkitidä ämgäk qilip, hšrmätlik däm elişqa çiqti. Kšp jilliq adil ämgigi äҗrigä «Ämgäk veterani» medali vä onliğan Pähriy yarliqlar bilän mukapatlandi.
Nuraniy ana bilän bolğan sšhbättä u šzidin kšrä märhum yoldişi Rähimҗan İslamov, 50 – 60 jil mabaynida bir mäşräptä beşi qoşulğan ağinä-šŋgiliri häqqidä kšpiräk sšzlidi.
Raziyäm hädiniŋ yoldişi Rähimҗan Һappaz oğli 1937-jili Ämgäkçiqazaq nahiyäsiniŋ Ämgäk yezisida dehan ailisidä tuğulğan. Dadisi Һappaz Uluq Vätän uruşiğa atlinip, җäŋ mäydanida qährimanlarçä qaza boptu. Anisi Ayşäm atisiz qalğan oğlini barliq aniliq mehir-muhäbbitini särip qilip, çoŋ qildi. 1963-jili iş babi bilän Çeläk yezisiğa kšçüp kälgän Rähimҗan Raziyäm bilän til tepişip, ailä qurdi. Rähimҗan šz işiğa çin dili bilän berilgän, dostqa adil, ailidä mehrivan vä vapadar insan edi. Är kişiniŋ qädir-qimmitini bilidiğan Raziyäm hädä yoldişiniŋ uruq-tuqqanliri, dost-yaranliri, käsipdaşliri, pärzäntliri aldidiki hšrmitini tehimu aşurdi. Ular kšpniŋ zoqini kältüridiğan aililärdin edi.
Rähimҗan vä Raziyäm İslamovlar üç oğul vä bir qizini çoŋ qilip qatariğa qoşti häm 10 nävrä, 5 çävrä sšydi. Äpsus, Rähimҗan aka 63 yeşida duniyadin štti. Şuniŋdin beri Raziyäm hädä pärzäntliri üçün häm ata, häm ana bolup kälmäktä.
Һayat täҗribisi mol Raziyäm İslamova bügünki yaşlarniŋ tärbiyisigä alahidä kšŋül bšlüş keräk ekänligini qayta-qayta eytti. Şuŋlaşqa bolsa keräk, tšrt pärzändiniŋ barliği insapliq insanlardin bolup yetildi.
Bu künlärdä hayatiniŋ 80-davaniğa kštirilip, pärzäntliriniŋ yahşiliğini kšrüvatqan Raziyäm ana «balilirim – bähtim» degän sšznimu pat-pat qaytilidi. Һäqiqätänmu şundaq.
Ämgäkçiqazaq nahiyäsi.

Bälüşüş

Javap qalduruŋ