Ärkiläşni bilmigän känҗä oğul

0
588 ret oqıldı

Mäşür SASİQOV, «Uyğur avazi»/ Bügünki maqalimizniŋ qährimani – Ğäynidin Säydullaev «Ardager energetik» atiliptu degänni aŋlap, uni šyigä izdäp barduq.
Qährimanimiz bilän bolğan uçrişişimiz nahayiti illiq vä huddi kona tonuşlardäk, qizğin sšhbättin başlandi. Ğäynidin aka äsli Uyğur nahiyäsiniŋ Qirğizsay yezisidin ekän. Ata-anisi Säydulla vä Danişhan Sasiqovlarniŋ toqquz pärzändiniŋ äŋ kiçigi bolup, ändila üç yaşqa kirginidä, yäni 1958-jili atisi bilän Mäydan isimliq akisi ikkisi qar kšçkinigä uçrap, vapat bolidu vä u yerim jitim atilidu. Ändi şu çağda säkkiz bala bilän yalğuz qalğan aniniŋ hali qandaq boldi desiŋizçu? Yaq, ana täbiät äta qilğan qaytmas iradisi vä җasurluği arqiliq, säkkiz pärzändini qanatliqqa qaqturmay, tumşuqluqqa çoqturmay putiğa turğuzdi.
Ändi ularniŋ känҗisi Ğäynidin aka ana jutidiki ottura mäktäpni tamamliğandin keyin 1972-jili Talğir şähiridiki mehanizatsiya tehnikumiğa oquşqa çüşüp, uni 1977-jili muvappäqiyätlik tügitidu. Däsläpki ämgäk paaliyitini tuğulup šskän yezisidin başliğan u keyiniräk šz bilimini tehimu mukämmälläştürüş mähsitidä Qariğanda şähiridiki politehnika institutida oquydu. Amma, biraz vaqittin keyin, ayrim säväplär tüpäyli Almutidiki Yeza egiligi institutiğa avuşup, uni injener-elektrik mutähässisligi boyiçä tamamlaydu. Qisqisi, mana şu vaqittin buyan u hayatini energetika sahasiğa beğişlap, moşu sahada ämgäk qilip käldi. Äŋ muhimi, u qäyärdila işlimisun zimmisigä jüklängän väzipigä җavapkärlik bilän qarap, šzi işida heçqandaq paҗiäniŋ yüz berişigä yol qoymidi. Buniŋdin taşqiri, käsipdaşliri bilän asan til tepişip, dost-yaranliri kšpäydi.
— Adäm yeşi yätkändä oyçan bolup qalidiğan ohşaydu — dedi u sšhbätara. — Atam bilän akamniŋ paҗiälik vapat bolğiniğa biyil 60 jil toluptu. Ularniŋ qiyapiti yadimda ançä saqlanmiğan bolsimu, seğiniş alamätliri jürigimniŋ bir yeridä haman pildirlaydu. Ändi şu bizniŋ ailigä kälgän paҗiädin keyin anam Danişhanniŋ tartqan җävri-җapalirini kšz aldimğa kältürsäm, iç-qarnim tit-tit bolup ketidu.
Älvättä, hayat härkimgä härqandaq yollarni täğdim qilidu. Ğäynidin akiniŋ šmrinimu dağdam häm dayim hoşalliqqa tolup-taşti deyişkä bolmaydu. Zaman šzgirip, Keŋäş İttipaqi ğulap, Qazaqstan Җumhuriyiti šz mustäqilligini alğan däsläpki jillardiki qiyinçiliqlar unimu aylinip štkini yoq. Biraq beşidin issiq-soğni helila štküzgän Ğäynidin aka ularğa bärdaşliq berip, šz yolini çapsanla tapti häm räpiqisi Razihan Zayitova bilän üç pärzändigä zamanğa yarişa tälim-tärbiyä bärdi. Şu tüpäyli ularniŋ tunҗisi Ğäyrät bilän ikkinçi oğli Zäynidinmu ata yolini besip, energetika sahasida ämgäk qilivatsa, qizi Gšzäl ilim-pängä iştiyaq bağliğanlardin. U hazir Äl-Farabi namidiki Qazaq milliy universitetida oqutquçiliq qilmaqta.
Mälumki, bir adämniŋ hayatta şähs süpitidä şäkillinişigä birär säväpniŋ bolidiğanliği eniq. Bu җähättin alğanda Ğäynidin aka hayatida eğirini yenik, jiriğini yeqin qilğan birqatar kişilär bilän arilişip štkänligigä nahayiti pähirlinidekän. Mäsilän, šz vaqtidiki «Krasnıe Znamya» kolhoziniŋ räisi Petr Rusakov, hiş zavodiniŋ rähbiri Ablin Nizahunov, A.Rozibaqiev namidiki sovhozniŋ mudiri Abduğopur Abdumanapov, nahiyälik elektr tarmaqliri mähkimisiniŋ başliği Ğoҗahmät Җämiev vä ikki tuqqan qerindişi Sadir Sasiqovqa minnätdarliği çäksiz.
Sšhbitimiz ahirida Ğäynidin akiniŋ degini şu boldiki, u šziniŋ kim boluşidin qät°iy näzär, anisiniŋ җävri-җapasi vä qerindaşliriniŋ ğämhorluği tüpäyli šz käspiniŋ mahiri atilip, bügünki utuqqa qol yätküzgän. Şuŋlaşqa biz mukapat egisini yänä bir qetim mubaräkläp, ailisigä hatirҗämlik tiligäç, uniŋ bilän hoşlaştuq.

Bälüşüş

Javap qalduruŋ