Kimdä gaz ärzän?

0
315 ret oqıldı

Һeçkim üçün sir ämäski, biz turmuşta paydilinidiğan gaz muhim iҗtimaiy mähsulat bolup hesaplinidu. Şundaq ekän, ahalini gaz bilän täminläş vä uniŋdin paydiliniş däriҗisi dšlät täräqqiyatiniŋ äŋ muhim kšrsätküçliriniŋ biri bolup hesaplinidu.Ägär Mustäqil Dšlätlär Һämdostluğiğa äza dšlätlärdä istimalçilar üçün gazniŋ bahasini seliştursaq, Qazaqstanda havaräŋ yeqilğuniŋ helä ärzän ekänligini kšrüşkä bolidu. Öz resursiğa egä ämäs vä gazni çättin kältürüvatqan mämlikätlärdä, täbiiyki, uniŋ bahasi helä juquri.
Mäsilän, havaräŋ yeqilğu bahasi äŋ juquri mämlikätlärgä kälsäk, birinçi orunda Ärmänstan turidu. Ularda bir kubometr gazniŋ bahasi äŋ juquri – 106 täŋgä. Ändi gaz bahasi Moldovada – 104, Ukrainida bolsa, 82 täŋgini täşkil qilidu. Ulardin keyin bizniŋ yeqin hoşnimiz – Qirğizstan Җumhuriyiti turidu. U yärdä bir kubometr gazniŋ bahasi 69 täŋgä. Däsläpki bäşlikniŋ äŋ ahirida Belarus' orunlaşqan, ularda havaräŋ yeqilğuniŋ bahasi bir kubometr üçün 65 täŋgä ekän.
Ändi gaz äŋ ärzän mämlikätlärgä kälsäk, birinçi orunda Özbäkstan turidu. Bu yärdä bir kubometr gazniŋ bahasi 14 täŋgigä yeqin.
İkkinçi orunni Qazaqstan Җumhuriyiti egiläydu. Bizdä içki bazar istimalçiliri üçün bir kubometr gazniŋ bahasi 24 täŋgä turidu. Biraq bizdä uniŋ bahasi här yärdä härhil. Ägär җänubiy regionlarda havaräŋ yeqilğuniŋ bahasi bir kubometr üçün 27 – 36 täŋgä ätrapida bolsa, mämlikätniŋ ğärbidä bir kubometr üçün 8 – 10 täŋgini täşkil qilidu. Başqa regionlarda bir kubometr gazniŋ bahasi 11 – 19 täŋgä. Mundaq baha säyasitigä gazni toşuş üçün nurğun hiraҗätni täläp qilidiğan ularniŋ otturisidiki ariliqniŋ jiraqliği täsir qilivatidu.
Uniŋdin keyin Rossiya Federatsiyasi turidu. Ularda gazniŋ bahasi bir kubometr üçün ottura hesapta 36 täŋgä. Äŋ ahirida Äzärbäyҗan orunlaşqan. Bu yärdä havaräŋ yeqilğuniŋ bahasi bir kubometr üçün 39 täŋgä ekän.
Şundaq qilip, qazaqstanliqlar üçün havaräŋ yeqilğu başqa mämlikätlärniŋ istimalçiliriğa qariğanda, ärzängä tohtimaqta. Kšp җähättin Qazaqstan Җumhuriyitidä turmuşta paydilinidiğan gazniŋ tšvän bahasi uni ahaliğa täŋ närqigä qariğanda helä ärzän setivatqan “KazTransGaz” aktsionerliq җämiyitiniŋ dotatsiyasi tüpäyli saqlanmaqta.

Bälüşüş

Javap qalduruŋ