«Arimizdin tehi talay çempionlar çiqidu»

0
1 014 ret oqıldı

Mäşür SASİQOV, «Uyğur avazi»/ Buniŋdin on jil ilgiri Almuta şähiriniŋ Qayrat mähällisidä tonulğan tiҗarätçi Tiläpҗan Yüsüpov «Niyät» sport klubini açqan edi. Mana şuniŋdin etivarän, bu yärdä tärbiyilängänlärniŋ ayrimliri häliqara turnirlarda kšpligän utuq-muvappäqiyätlärgä qol yätküzdi. Һazir mäzkür sport klubida küräşniŋ barliq türliri boyiçä yüzdin oşuq sportçi mäşiqlinivatidu. Yoşuridiğini yoqki, redaktsiyamizgä pat-pat telefon qilip, «Oğlum yaki nävräm «Niyät» sport klubida mäşiqlinivatatti. Yeqinda ävu-bu şähärdä štkän turnirda çempion bolup käldi» däp hoşalliqliri bilän bšlüşidiğan gezithanlar kün sanap kšpiyivatidu. Şu munasivät bilän biz yeqinda äynä şu bähitlik ata-anilar bilän bova-momilarğa hoşalliqlarni täğdim qilivatqan sport klubiğa berip, uniŋ paaliyiti bilän tonuşup qayttuq. Sport işqivazliri arisida ismi kšpçilikkä yahşi mälum, täҗribilik mäşiqländürgüçi İmärҗan İdillaev bizgä tšvändikilärni sšzläp bärdi.
– Sport klubi eçilğan däsläpki vaqitlarda bu yärgä balilirini elip kälgüçilär unçivala kšp bolmidi, – dedi u şagirtliriğa novättiki mäşiqni davamlaşturuşni җekigändin keyin. – Keyiniräk adämlär pärzäntlirini sağlam hayat tärizidä tärbiyiläşniŋ muhimliğini çüşändimu, äytävir, bizgä balilirini şagirtliqqa bärgüçilär sani kšpiyişkä başlidi. Һazir šsmürlärgä ikki smenida mäşiq jürgüzüvatimiz. Päydin-päy ularniŋ arisida klubimizniŋ şänini qoğdaydiğan çempionlar çiqişqa başlidi. Mäsilän, Rizaydin Raylinni alidiğan bolsaq, u yäkmu-yäk küräştin duniya çempionatida İİ orunğa sazavär bolup, Qazaqstanniŋ kšk bayriğini egiz kštärgän şagirtlirimizniŋ biri. Buniŋdin taşqiri, uniŋ Qazaqstanniŋ yättä dürkün çempioni atilişi biz üçün çoŋ utuq. Älvättä, biz uniŋ bilän pähirlinimiz häm başqilarğa ülgä qilip kšrsitimiz.
Һäqiqätänmu, duniya miqiyasida uyuşturuluvatqan turnirlarda ğälibä qaziniş oŋayliqçä qolğa kälmäydu. Sportçiniŋ tirişçanliği šz aldiğa, ändi uniŋğa yol-yoruq kšrsitidiğan ustaziniŋmu atquridiğan roli alahidä. İmärҗan İdillaevniŋ ämgigi tüpäyli çoŋ-kiçik sport musabiqiliridä aldinqi orunlardin kšrünüp, çempion atalğanlar kšpläp sanilidu. Mäşiqländürgüçi sšhbätara mundaq däydu:
– Küräşniŋ härhil türliri boyiçä Qazaqstan çempioni atalğan İlşat Sultaniyarov, Yadikar Änvärov, Damir Saydinov, Änvär Häyrullaev, Aliyar Qämirdinov, Zakir Toqaev, Batırhan Şeripov, Timur Һämraev, Nurhaҗidin Näsirdinov ohşaş şagirtlirim moşundaqla mäşiqlänsä, işäşlik eytalaymänki, bizdin tehi talay çempionlar çiqidu. Täkitläş lazimki, yeqinda Nurhaҗidin Näsirdinov eğir salmaq däriҗisi boyiçä djiu-djitsudin Qazaqstan çempioni ataldi. Şundaqla 17 yaşliq İlham Ğapparovqa artivatqan ümütimiz zor. Çünki u üç ayniŋ içidä yäkmu-yäk vä djiu-djitsu küräş türliri boyiçä Qazaqstan çempioni atiğiğa sazavär bolup, Aziya çempionatiğa yollanma utuvaldi. Bu jigitlärniŋ ornini besip kelivatqan Ramzat Abdumeҗitov, Räfqät Zeripov, Arman Hämitov vä Muhametsait Һoşurovlar bilän җiddiy işlävatimiz. Ularmu sportqa bolğan iştiyaqi küçlük yaşlardin. Һazir klubimizda ularni häliqara däriҗidiki musabiqä-turnirlarğa täyyarlaşqa barliq şaraitlar moҗut. Päqät sportçilardin tirişçanliq täläp qilinidu, halas.
Һazir nemä tola — sport klubi, sport märkizi tola. Ularniŋ bäziliri päqät pul tepişniŋ koyida eçilğan. Amma däsläp sport duniyasiğa qädäm basqan šsmürniŋ bisini birdinla qeqivetiş yaki uniŋğa durus mäşiq jürgüzmäslik insaniyliqqa yatmisa keräk. Biz bu küni «Niyät» sport klubidikilärniŋ buniŋdin äsla jiraq ekänligigä kšz yätküzüp, paaliyitigä utuq tiliduq.

Bälüşüş

Javap qalduruŋ