«İҗadiyät gülzarida» mehmanda

0
7 461 ret oqıldı

Ötkän häptidä Almutidiki M.Yaqupov namidiki 101-mäktäp-gimnaziyadä mäktäp kollektivi vä Türksib nahiyälik Uyğur etnomädäniyät märkiziniŋ uyuşturuşi bilän «İҗadiyät gülzari» namliq ädäbiy käç štti. Uniŋğa Sultanqorğan mähällisidä istiqamät qilivatqan qäläm sahibliri, yäni şairlar Abduğopur Qutluqov, Patigül Mähsätova, jurnalistlar Nurdšlät Muradilov, Şšhrät Mäsimov, Şämşidin Ayupov, Yoldaş Molotov, Aznat Talipov vä «Mektep» näşriyati uyğur redaktsiyasiniŋ rähbiri Rähmätҗan Ğoҗämbärdiev, ata-anilar, muällimlär, oquğuçilar qatnaşti. Däsläp gimnaziya mudiri Hurşidäm Niyazova mehmanlarni mäzkür bilim därgahiniŋ bügünki näpäsi bilän täpsiliy tonuşturdi. Şuniŋdin keyin märasim mäktäpniŋ mäҗlislär zalida davamlaşti.
Ädäbiy käç davamida bu küni mehmanda boluvatqan iҗatkarlarniŋ iҗadiy paaliyiti, kitapliri zamaniviy tehnikiliq vasitilär arqiliq tonuşturuldi. Şundaqla oquğuçilar ularniŋ şeirlirini, maqalilirini yadqa oqup bärdi. Abduğopur Qutluqov, Patigül Mähsätova, Nurdšlät Muradilov, Şämşidin Ayupovniŋ qälimigä mänsüp ayrim iҗadiy äsärlärni sähniläştürüp, qoyulumlarni kšrsätti. Ändi käç davamida orunlanğan mäktäp oquğuçiliriniŋ şoh nahşiliri vä ävrişim ussulliri bolsa, jiğilğanlarniŋ alqişliriğa erişti.
— Bügün moşu ädäbiy käçni uyuşturuş täşäbbusini kštärgän Nurdšlät Muradilov rähbärligidiki Türksib nahiyälik Uyğur etnomädäniyät märkizi boldi, – dedi šz sšzidä gimnaziya mudiri. – Esiŋlarda bolsa, buniŋdin on – on bäş jil ilgiri šymu-šy kirip, balilarni ana tilida oqutuşni täşviqat qilattuq. Hazir mäktivimizdä bilim elivatqan balilar sani jildin-jilğa eşivatidu. Alahidä täkitligüm keliduki, moşu käçkä qatnişivatqan ziyalilirimizniŋ hämmisiniŋ baliliri moşu mäktäptä bilim aldi häm hazirmu oquvatidu. Demäk, ular başqilarğa ülgä bolmaqta. Pursättin paydilinip, vaqitni bšlüp moşu uçrişişqa kälginiŋlar üçün täşäkkür izhar qilmaqçimän.
Şuniŋdin keyin sšz noviti käç mehmanliriğa berildi.
— Hälqimizdä «heridariŋ bolmisa, zibaliğiŋ nä keräk?» degän sšz bar, –dedi şair Abduğopur Qutluqov. – Bügün oquğuçilarniŋ şeirlirimni oquğinini kšrüp bäk täsirländim, tävrändim. Kšzümgä yaş kälgininimu yoşuralmaymän. Demäk, biz bekar iҗat qilmaptimiz, heridarimiz bar ekän. Biz, uyğurlar, üçün Qazaqstanda yaritilğan şaraitlar duniyaniŋ heçbir dšlitidä yoq. Balilirimiz ana tilida bilim elivatidu, şair-yazğuçilar äsärlirini yezivatidu. Moşuni yahşi çüşinäyli, qädrini biläyli. Bu käçkä muällimlär, oquğuçilar nahayiti yahşi täyyarliniptu. Barliğiŋlarğa miŋ rähmät.
Şair sšziniŋ ahirida šziniŋ «Dopamğa qarap tonudiŋmu, Dunay?» degän şeirini oqup bärdi.
— Bügünki käç hämmimizni ilhamlandurdi desäm, mubaliğä bolmas, – dedi šz novitidä sšz alğan şairä Patigül Mähsätova. – Härqandaq iҗatkar üçün moşundaq uçrişişlarniŋ, ädäbiy käçlärniŋ uyuşturuluşi nahayiti muhim. Bu yaş ävlat üçünmu, şair-yazğuçilar üçünmu keräk. Bügün oquğuçilarniŋ, muällimlärniŋ ämgigini kšrüp, apirin eytivatimän. Yahşi täyyarliniptu. Moşu yärdä ana tilida bilim alğan baliniŋ keläçigi parlaq bolidiğiniğa yänä bir qetim kšz yätküzüvatimiz. Pursättin paydilinip, käçni uyuşturğuçilarğa rähmät eytip, yeqinda qazaq tilida näşirdin çiqqan kitavimni soğa qilmaqçimän.
Şuniŋdin keyin sšz alğan Nurdšlät Muradilov, Şšhrät Mäsimov, Rähmätҗan Ğoҗämbärdiev, Şämşidin Ayupov vä başqilar bügünkidäk uçrişişlarniŋ ähmiyitini täkitläp, uyuşturğuçilarğa šz täşäkkürlirini izhar qilişti.
Abduqeyim İMİROV, 101-mäktäp-gimnaziyaniŋ uyğur tili vä ädäbiyati pänliriniŋ uällimi. Almuta şähiri.

Bälüşüş

Javap qalduruŋ