«Ädäbiyatni kštäk yeriş üçün işlätmäslik keräk»

0
2 609 ret oqıldı

Şämşidin AYuPOV,  «Uyğur avazi»/ Sotsiologlarniŋ tätqiqatliriğa qarisaq, “Һazirqi yaşlarniŋ bädiiy ädäbiyatni oquşqa degän qiziqişi yoqniŋ ornida. Alämşumullaşturuş biz üçün muqäddäs bolğan hämmä mädäniyät ülgilirini süpirip taşlap, yänä bäş – on jilda ädäbiyat päqät äqliy-komp'yuterliq ilmiy harakterliqqa egä toplamdin ibarät bolidu”, däp päräz qilinmaqta. Demisimu, hazirniŋ šzidä moşu tiptiki roman-esselar, bädiiy fil'mlar, dramilar, täsviriy sän°ät äsärliri päyda bolmaqta. Ägär ädäbiyatimizğa zamaniviy täläplär nuqtäiy näzäridin qarisaq, härhil kšzqaraşlarniŋ kelip çiqişi şübhisiz. Äynä şu täräplirini inavätkä alğan halda, bügün biz bevasitä ädäbiyatqa alaqidar bir top şähslärgä tšvändiki soallar bilän muraҗiät qilduq:

Yazğuçi vä kitaphan otturisidiki munasivätni yahşilaş üçün nemä qiliş keräk?
Ädäbiyatniŋ hayattiki roliniŋ suslişip ketiş sävävini qandaq çüşinisiz?
Bügünki kündä ädiplirimiz qandaq mäsililärgä kšpiräk kšŋül bšlüş keräk däp oylaysiz?

Diyas QURBANOV, peşqädäm ustaz, Qazaqstan maarip älaçisi, Qoram yezisi, Ämgäkçiqazaq nahiyäsi:

1. – İҗtimaiy torlardin paydiliniş vä vaqitni ihtiat qiliş qolayliq bolğaçqa, kitap oquştin barğansiri jiraqlişiş yüz bärmäktä. Buniŋ adämniŋ kitap oquşqa bolğan qiziqişini suslaşturup, yazğuçi bilän kitaphan arisidiki munasivätkä sälbiy täsirini yätküzüvatqini eniq. Şuŋlaşqa gšdäklirimizniŋ bağçä yeşidin başlap kitap oquşqa qiziqişini şäkilländürüşimiz keräk. Rast, häqiqiy kitaphan bolup şäkilliniş — uzun җäriyanni täläp qilidu, çidamliqni, oquğinini qobul qilişni vä uni ämäliyatta paydilinişni šz içigä alidu. Yoşuridiğini yoqki, bäzi aililär kitap oquş bir yaqta tursun, hätta ana tilimizda çiqivatqan gezit-jurnallarğa yeziliştin baş tartivatqan. Demäk, kitap oquşqa adätlänmigän baliniŋ keläçigidin çoŋ ümüt kütüşkä härgiz bolmaydu. Bilsäk, kitap – hayatimizniŋ barliq sahaliridin çoŋqur mälumat beridiğan soğulmas bilim mänbäsi.
2. – Ändi ädäbiyatniŋ hayattiki roliniŋ suslişivatqiniğa kälsäk, uniŋ hazirqi täräqqiyat logikisi härbir kitaphanni yeŋiçä kšzqaraşqa başlap, yazğuçiğimu juquri täläp qoyuvatqini eniq. Demäk, ädiplirimiz burundin qeliplaşqan akademiyalik yšniliştiki tarihiy miraslirimizni bügünki zaman täläplirigä maslaşturğan halda, iҗadiy izdinişi lazim. Muhimi, milliyligi üstün, juquri pafosluq äsärlärniŋ vuҗutqa kelişini oylaşturuşi keräk. Buniŋ kitaphan bilän bolğan munasivätniŋ mustähkämlinişigä elip kelidiğini sšzsiz.
Eçinarliği, keyinki vaqitta näşirdin çiqivatqan avtobiografiyalik «äsärlärniŋ» kšpiyip ketişi, sšzsiz, ädäbiyatniŋ rolini suslaşturuvätti. Ägär yazğuçi täripidin täğdim qilinğan äsärni kitaphan ayrilmas dosti, sšhbätdişi, pärvazdiki qaniti, eğir päytlärdä işäşlik himayiçisi süpitidä uluqlap, uni qolidin çüşärmisä, ädäbiyatniŋ hayattiki roli çoqum küçiyidu.
3. – Bügünki kündä, meniŋçä, balilarğa beğişlanğan äsärlärniŋ tapçilliği bilän etnografiyalik ädäbiyatniŋ šz däriҗisigä kštirilmäyvatqanliği — ädiplirimizni oylanduridiğan mäsililärniŋ biri. Şuniŋ bilän billä, vaqit yazğuçilirimizdin milliy dramaturgiya vä ädäbiy tänqit mäsililirigimu kšpiräk kšŋül bšlüşini täläp qilmaqta.

Mähämätҗan ҖANBAQİEV, җämiyätlik işlarniŋ aktivisti, Kšktšbä yezisi, Ämgäkçiqazaq nahiyäsi:

1. – Oylap kšrsäm, štkän äsirniŋ 90-jilliridin başlap, ta bügünki küngä qädär uyğur ädäbiyati, uyğur tili, uyğur mätbuati, uyğur mäktivi vä uyğur җamaätçiliginiŋ moҗut muämmalirini bir izğa çüşirip, ularni ob°ektiv vä sub°ektiv turğusidin häl qilidiğan mähsus strategiyalik, taktikiliq programma tüzülmäptu. Bu җähättin biz mädäniyät märkäzliriniŋ küç-ihtidarini, rolini durus paydilanmisaq bolmaydu. Rast, hazir hämmä närsä pulğa häm kadr mäsilisigä berip taqilidu. İmanim kamilki, pul mäsilisini häl qilişqa, yäni uni mädäniyät märkiziniŋ hesap-çotiğa çüşirişkä bolidu. Uniŋ üçün gruhvazliq, mänpiyätdarliq illätliridin neri boluşimiz keräk. Ägär mänaviyatimizğa bepärva kšzqaraşta bolup, paŋşiŋ yaşaveridiğan bolsaq, yänä bäş-on jildin keyin biz hämmila sahada problemilarğa kšmülüp qelişimiz mümkin. Eytsaq gäp jiq, yol qoyuvatqan kamçiliqlirimizmu yetärlik. Ändi yazğuçi bilän kitaphan arisidiki munasivät toğriliq sšz qilsaq, bügün kitaphan nemä oylaydu vä nemini halaydu, şuniŋ bilän billä, mähsät-muddiasi, štmüş bilän ätiki künniŋ pärqi, hulasisi qandaq bolidu? Mana moşu soallarğa yazğuçi җavap berişi tegiş. Umumän, yazğuçi šz dävrini, real hayatni äynäktä kšrsätkändäk äkis etişkä dävät qilinişi keräk. Mäyli tarihiy, mäyli zamaniviy mavzuğa yezilğan äsärlär bolsun u – bizniŋ hayatimiz. Ägär yazğuçi šziniŋ iҗadida milliy alahidilikni mahirliq bilän ipadiläp bärsä, kitaphanmu undaq äsärni, älvättä, qiziqip oquydu. Äslidä yazğuçi bilän kitaphan pat-pat uçrişip turuşi keräk. Kšrnäklik yazğuçi, märhum Һezmät Abdullin «Män bazarlarğa berişni istäymän. Çünki u yärdiki setiqçi bilän setivalğuçi arisidiki šzara gäplär insan psihologiyasini, kšzqarişini ipadiläp beridu», däydiğan. Ägär, yazğuçi bilän kitaphan arisida munasivät tohtap qalsa, җamaätçilik pikir hasil qilidiğan bädiiy äsär yezilmaydu. Bu—paҗiä.
2. – Ädäbiyatniŋ rolini häliq vä vaqit šlçäydu. Biz bügün ävlatlirimizni yanfon koçilaşqa ämäs, kitap oquşqa vä uni sšyüşkä, ädäbiyatniŋ qädir-qimmitini kštirişkä dävät qilişimiz keräk. Äynä şu çağdila mänaviyatimizda miskinlik häm çüşkünlük yüz bärmäydu. Hulläs, ädäbiyatimiz bilän milliy mädäniyitimizniŋ hayattiki roli suslaşmisun desäk, äŋ aval mädäniyät märkäzlirigä ädäbiyatimiz bilän mädäniyitimizniŋ, maaripimizniŋ täräqqiyatiğa bepärva qarimaydiğan qabiliyätlik, talantliq kadrlarni җälip qiliş lazim.
3. – Ädiplirimiz ana til, milliy maarip mäsililiri vä, älvättä, içki šmlük häm milliy täräqqiyat toğriliq kšpiräk baş qaturup, qäläm tävritişi keräk, däp oylaymän.

Varis ROZAHUNOV, milliy mädäniyitimizniŋ җankšyäri, Çonҗa yezisi, Uyğur nahiyäsi:

1. – Yazğuçilirimiz yazğan kitaplar šz oqurmänlirini tepişi keräk. Bu deginimiz, yaş ävlat qiziqip oquydiğan tarihiy roman, povest' vä hekayilär toplamliri, yaşlarğa beğişlanğan sšygü-muhäbbät, balilarğa beğişlanğan räŋlik räsimlik kitaplar vaqti-vaqti bilän çiqidiğan bolsa, yazğuçi-şairlirimiz bir ilaҗä tepip, oquğuçilar bilän pat-pat uçrişişlarni štküzüp tursa, yazğuçi bilän kitaphan arisidiki munasivät yahşilinidu däp oylaymän.
Millitimiz väkilliri kšp istiqamät qilidiğan nahiyä, yezilirimizdiki kitaphanilarda kitap fondi az qaldi. Dšlät buyrutmisi bilän çiqidiğan kitaplarniŋ sani vä tiraji az bolsimu kšpäysä, bumu yazğuçi vä kitaphan arisidiki munasivätni yahşilaşqa täsir qilar edi.
2. – Millätniŋ milliyligi šçüşkä yüzlängändä, mäniviy miskinlik yüz berip, ädäbiyatniŋ hayattiki roli suslişidu. Bu mätbuatqimu, maaripqimu, sän°ätkimu, sšzsiz, sälbiy täsirini yätküzidu. Bilsäk, bügünki kündä, sähärligi kitap dukanliri eçilğiçä, novättä turup, kitap setivalidiğan millätlär barkän. Ägär izdigän kitapliri yoq bolsa, ular šzlirigä keräk bolğan kitapliriğa poçta arqiliq buyrutma beridekän. Äpsus, bizdä undaqlar yoqniŋ ornida…
3. – Ädiplirimiz äl-jutniŋ, millätniŋ hšrmitigä sazavär bolğan şähslär toğriliq kšpiräk qäläm tävrätsä däymän. Ändi şeiriyätkä bar vuҗudi bilän muhäbbät bağliğan iҗatkarlarni asrişimiz keräk. Çünki näzim – Allaniŋ talantliq bändisigä bärgän tävärrük soğisi. Äslidä, häqiqiy şairğa «uni yaz, buni yazma» däp eytişqa tiliŋ barmaydu. Undaq bolğini, äl sšygän şairniŋ qälb nidasini älgä havalä qilğan bir bänt şeiridinla çüşinivelişkä bolidu.

Azat ABLİZOV, җämiyätlik işlarniŋ aktivisti, Besağaş yezisi, Talğir nahiyäsi:

1. – Yazğuçi-şairlirimizniŋ iҗadiy paaliyiti pat-pat gezit sähipiliridä tonuşturulup turuluşi keräk. Oqutuş uyğur tilida jürgüzülidiğan mäktäplärdä ädiplirimiz bilän uçrişişlarni, ädäbiy käçlärni uyuşturuşni än°änigä aylanduruşimiz lazim. Mana moşundaq märasimlarni, äŋ bolmiğanda, jiliğa ikki qetim štküzüp turuşni uyğur tili vä ädäbiyati pänliriniŋ muällimliri qolğa elişi keräk däp oylaymän. Äynä şu çağdila yazğuçi bilän kitaphan arisidiki munasivät yahşilinidu.
2. – Ädäbiyatniŋ hayattiki roliniŋ suslişip ketişiniŋ birnäççä sävävi bar. Birinçidin, ijtimaiy torlarniŋ kün sanap küçiyişi adämlärniŋ kitap oquşqa bolğan qiziqişini suslaşturdi. İkkinçidin, ädiplirimiz täripidin kšŋül su içkidäk kitaplarniŋ yezilmayvatqanliği häm milliy mäktäplirimizdä ana tilida oquydiğan balilar saniniŋ jildin-jilğa aziyivatqanliğimu ädäbiyatniŋ hayattiki roliniŋ barğansiri suslişişiğa elip kelivatidu.
3. – Milliy rohni küçäytidiğan, muhimi, mädäniyitimizni, tilimizni, maaripimizni, milliy urpi-adätlirimizni tärğip qilidiğan tärbiyäviy ähmiyiti küçlük äsärlär, balilarğa häm muällimlärgä beğişlanğan räŋlik kitaplar kšpiräk yezilişi keräk däp oylaymän.

Nurähmät ÄHMÄTOV, şair, Yarkänt şähiri:

1-2. – Bügünki uyğur ädäbiyatiniŋ täräqqiyat däriҗisi štkän äsirniŋ 70 – 80-jilliridiki däriҗisigä nisbätän suslişip, çekinip kätkänligini eçiniş häm täşvişlängän halda etirap qilişimiz keräk. Buniŋ sävävi nemidä? Älvättä, zaman šzgirişigä munasivätlik җämiyitimizdä yüz bärgän ihtisadiy ähvallar mänaviyatimizğa sezilärlik däriҗidä sälbiy täsirini yätküzdi. Nätiҗidä näşriyat – mätbuat sahasi ikkinçi planğa çüşüp, tiҗarät-tapavät mäsilisi aldinqi orunğa çiqti. Mundaq kütülmigän iҗtimaiy-ihtisadiy ähvallar sabiq keŋäş dävridä җämiyätniŋ ärkä pärzäntliri bolup adätlängän qäläm sahibliriniŋ (umumän, iҗadiyät ählini) gaŋgiritip, izdiniş-intilişini suslaşturuvätti. Eçinişliq yeri şuki, bu mäsiliniŋ çaräk äsirdin oşuq vaqittin beri davamlişip, ta bügünki kündimu iҗabiy häl boluş täripigä yüzlänmäy kelivatqanliği äpsuslinarliq ähval.
Rast, ädäbiyatimizniŋ täräqqiyati atalğan vaqitniŋkidäk bolmisimu här halda tohtap qalğini yoq. Proza, poeziya, dramaturgiya sahalirida yeŋi äsärlär vuҗutqa käldi häm kitaphanlar bilän üz kšrüşti.
Һazir elektronluq alaqä vasitiliriniŋ yüksäk täräqqiy ätkän dävri. Komp'yuter bilän yanfonlarğa şunçilik bağlinip qalduqki, yaş җähättin çoŋ yaki kiçik boluşimizdin qät°iy näzär, künimiz ularsiz štmäs boldi. Uniŋ üstigä näşriyat, basmihana mähsulatliriniŋ härqandaq türliriniŋ qäğäz häm elektronluq variantliri vuҗutqa kelip, murassäsiz riqabätçilik ovҗ elivatidu. Mundaq şaraitta yazğuçi bilän oqurmän arisidiki munasivätniŋ aҗizlişip ketişila ämäs, hätta tamamän üzülüp qeliş hovupimu yoq ämäs.
3. – Taşkänttä studentliq çağlirimda oquğan qerindaş šzbäk hälqiniŋ klassik yazğuçisi Abdulla Qahharniŋ «Ädäbiyat atomdin küçlük qural. Amma uni kštäk yeriş üçün işlätmäslik keräk» degän sšzliri ta hazirğiçä yadimda saqlinip kälmäktä. Bu sšzlärniŋ ämäliy häqiqät ekänligigä misallar arqiliq kšz yätküzdüm: 1941– 1945-jilliri yüz bärgän ikkinçi җahan uruşi sabiq SSSRniŋ ğalibiyiti bilän ayaqlaşqandin keyin «sotsialistik» häm «kapitalistik» däp atalmiş ikki lager' arisidiki soğ munasivätlär uruşiniŋ helä jillar mabaynida käskin davam qilğanliği tarihtin mälum. Üçinçi duniya uruşi başlinip ketiş hovupi päyda bolğan 1960-jilliri rus şairi Evgeniy Evtuşenko Amerika bilän Evropa ällirini arilap, iҗadiy säpärdä bolidu. Ataqliq dšlät häm säyasiy ärbaplardin tartip, qatardiki addiy adämlär bilän uçrişip, sšhbätlişidu. Alğan täsiratliri asasida «Ruslar uruşni halamdu?» degän şeirini yazidu. Şeir rusniŋ ikkinçi bir pärzändi, tonulğan kompozitor V.Muradeli täripidin bästilinip, duniya ähliniŋ qälbigä yol tapidu. Şundaq qilip, bir şeir pütünsürük çoŋ bir dšlät taşqi işlar ministrliginiŋ җahan hälqigä yolliğan notisidäk täsirat qalduridu. Yaki šzimizgä qandaş-qerindaş bolğan qirğiz hälqiniŋ pärzändi Çiŋğiz Aytmatovni alayli. Umu Evtuşenkodäk tähminän ottuz yaşliq päytidä yapraqtäk häҗimdiki «Җämilä» povesti arqiliq kiçikkinä bir millätni pütün duniyağa tonutti. Juquridiki misallarni bizniŋ şair-yazğuçilirimiz äynä şundaq äsärlärni yezişi keräk degän mänada ämäs, bälki ädäbiyatniŋ millät üçün qançilik küçlük vasitä ekänligini kšrsitiş üçünla kältürüvatimän.
Bädiiy iҗadiyät şundaq bir uluq häm muqäddäs iş ekän, uniŋğa at üsti qarap, az äҗir siŋdürüp, kšp mänpiyät täläp qiliş hamaqätlik iş däp oylaymän. Qisqisi, mavzuni şair-yazğuçi šzi oyidin çiqirip ämäs, bälki millätniŋ arzu-arminiğa, tiläk-istigigä munasip äkis ättürüşi keräk.

Hurşidäm NİYaZOVA, Almuta şähiri M.Yaqupov namidiki 101-mäktäp-gimnaziyaniŋ mudiri:

1. — Yazğuçi bilän kitaphan otturisidiki munasivätni yahşilaş üçün yazğuçi šz äsärliridä kitaphanni qiziqturidiğan, tärbiyäviy ähmiyiti zor, zaman tälivigä toluq җavap beräläydiğan äsärlärni yaritişi keräk. Şundaqla mäktäplärdä, җamaätçilik arisida uçrişişlarni, «dügläk üställärni» pat-pat štküzüp turuş haҗät. Mäktäplärniŋ juqarqi siniplirida näşirdin çiqqan yeŋi äsärlärni muhakimä qiliş, ädiplärniŋ kitaphanlar bilän kšpiräk uçrişip turuşi, oylaymänki, sšzsiz, yazğuçi vä kitaphan otturisidiki munasivätni yahşilaydu. Bizniŋ kitaphanlirimiz uyğur mäktäpliridin yetilip çiqidu. Biz mana şuni näzärdä tutuşimiz zšrür.
2. — Ädäbiyat – hayat äynigi, häliqniŋ ümüti, işänçisi. Moşu nuqtäiy näzärdin qaraydiğan bolsaq, ädäbiyatimizda 60 – 80-jilliri qäläm tävrätkän şair-yazğuçilirimiz kšp edi. Lekin zaman räptayiğa bolamu, bilmiduq, nemişkidu, barğansiri ädäbiyatimizniŋ hayattiki roli suslişip, yahşi äsär yazidiğanlarmu aziyip ketip baridu. Һazirqi yaşlarniŋ bädiiy ädäbiyatni oquşqa degän qiziqişi yoqniŋ ornida. Ularniŋ iҗtimaiy torlarğa bolğan häväsimu ädäbiyatniŋ hayattiki roliniŋ suslişiğa täsir qilmaqta.
3. — Ädiplirimiz kšpiräk ädäp-ählaq vä bügünki künniŋ aktual mäsililirigä, hayat häqqaniyitigä beğişlanğan häm balilarniŋ yaş šzgiçiligi bilän psihologiyasigä has äsärlär yazsa, keläçäk yaşlar üçün rohiy ozuq bolar edi.

Şairäm BARATOVA, filologiya pänliriniŋ namziti, Almuta şähiri:

1. – Kitaphanniŋ mehir-muhäbbitigä, illiq ihlasiğa bšlinişni härqandaq yazğuçiniŋ peşanisigä pütülgän amät süpitidä qaraşturidiğan bolsaq, buniŋdin jigirmä jil ilgiri iҗat qilğan ädiplär bügünki kün şair-yazğuçiliriğa qariğanda täläyligiräk sezilidu. Çünki, şu vaqitlarda ular bilän yeza klublirida, mäktäplärdä turaqliq uçrişişlarni, seminarlarni štküzüş yolğa qoyulup, kšpçilik bilän didarlişişiğa mümkinçiliklär yaritilip turatti. Häliqmu kšrnäklik pärzäntlirini nahayiti seğiniş häm zor qiziqiş ilkidä qarşi alatti. Keyinki jillarda yazğuçi bilän kitaphan arisidiki munasivätniŋ suslişip qalğanliği häqiqät. N.V. Gogol'niŋ «Yazğuçiniŋ päqät birla ustazi bar – u oqurmän» degän pikrini äskä alidiğan bolsaq, bügünki kün ädipliri ustazsiz qalğan şagirtni äslitidu. Buniŋ yazğuçi üçün çoŋ yoqitiş ekänligi eniq. Häliqniŋ mäniviy beyişiğa, yaşlarniŋ aŋliq tärbiyä elişiğa şarait yaritidiğan mundaq çarä-tädbirlärni uyuşturuş işliri bügünki kündä jut aktivistliriniŋ yadidin çiqip qalğanliği eçinişliq.
Qazaqstan Җumhuriyitiniŋ Prezidenti Nursultan Äbiş oğli Nazarbaevniŋ «Keläçäkkä nişan: mäniviy yeŋiliniş» namliq maqalisida elan qilinğan «Tuğan jer» programmisi asasida bu jili җay-җaylarda uçrişişlarni uyuşturuş işliriniŋ qayta җanlinişi yazğuçi bilän kitaphan arisidiki altun kšrükniŋ mustähkämlinişigä asas bolalaydiğanliğiğa işinimiz.
2.–Rast, İnternet torliriğa bolğan häväs ädäbiyatniŋ җämiyättiki roliğa šz täsirini täkküzgän bolsimu, amma, heçqandaq tehnikiliq vasitilärniŋ yardimi bilän qobul qilinğan mälumat kitapniŋ ornini almaşturalmaydu, yäni oqurmängä mäŋgülük täsirat berip, härqandaq väziyätni šziçä bahalaşqa, toğra yäkün çiqirişqa, iҗadiy qabiliyitini rivaҗlanduruşqa yetiläş ihtidariğa egä bolalmaydu.
Һazirqi vaqitta yoruq kšrüvatqan kitaplarniŋ besim kšpçiligi bari-yoqi 500 danä nushidin ibarät bolsimu, amma uni tarqitiş işliri helila qiyinğa çüşidu. Ädip täripidin miŋ bir mäşäqätlär bilän yezilğan kitapni šz hiraҗitigä näşir qilip, andin tarqitiş, älvättä, asan iş ämäs. Hälqimiz qaçan kitapni izdäp oquydiğan däriҗigä yätkändila ädäbiyatimizniŋ hayattiki roli üstünlükkä egä bolalaydu.
Ändi kitaplarniŋ süpitigä tohtilidiğan bolsaq, bügünki näriq ihtisadi käŋ yolğa qoyulğan zamanda härkim kitap çiqiriş hoquqiğa egä bolup qaldi. Mana bu pursätni šz vaqtida paydilinişni kšzligän ayrim muälliplär kitap içidiki duniyaniŋ ähmiyitidin qät°iy näzär, šz šmrini, besip štkän hayat davanlirini bayanlaş yaki misralarni tizip şeiriy toplamlarni barliqqa kältürüş işlirini bäҗirmäktä. Qutluq qäläm qudritiniŋ pulğa bağlinip qalğanliği eçinişliq. Şuŋlaşqa bu mäsilä bügünki kün kitaphanlirini qaymuqturup, ädäbiyatniŋ hayattiki roliniŋ suslişişiğa elip kälmäktä. Ädäbiyatniŋ rolini, eniğiraq eytqanda, yazğuçilarniŋ mehnitini häliq bilän vaqit šlçäydiğanliği eniq. Һäqiqiy yazğuçilarniŋ talantini tän elip, bahasini bilidiğan, qädrini sezinidiğan vaqit kelidiğanliği, sšzsiz. Jillar štkänsiri ähmiyätsiz äsärlärniŋ šzlügidin äl arisidin üzülüp qelişi täbiiy. Lekin şundimu, bügünki kündä härbir näşriyat yenida tährirlär keŋişi qurulğan bolsa, җämiyitimizgä päqät salmaqliq kitaplar barliqqa kelär edi.
3. – Һär dävirniŋ šzigä has täläp ehtiyaҗi moҗut. Vaqit štkänsiri ädäbiy äsärlärgä bolğan täläp bilän billä dit-talğamniŋmu šzgirip turidiğanliği mälum. Җämiyättä boluvatqan yeŋiliq-šzgirişlärni härbir yazğuçi šziçä qobul qilidu ämäsmu?! Şuŋlaşqa, ädiplär qandaqla mäsiligä muraҗiät qilmisun, mukämmäl egiligän materialni oqurmänniŋ kšzqarişiğa yandaşqan halda äkis ättürgini toğra bolsa keräk.
Öz hälqiniŋ tarihi, mädäniyiti, turmuş-tirikçiligi, milliy alahidiligi hayat häqiqiti asasida yorutulup, härtäräplimä täl-tšküz yezilğan äsär ädäbiyat mäydaniğa härgiz artuq bolmaydiğanliği eniq.

Hulasä şuki, häqiqiy hayatni äkis etip yazğan äsär kitaphanğa keräk vä u kšpçilikniŋ kšŋlidiki täşnaliqni qanduridu häm undaq äsär heçqaçan topa besip täkçidä yetip qalmaydu.
Qisqisi, härbir äsär milliy rohni oyğitip, millätni tärbiyiläş qimmiti bilän šlçinidu. Şu çağdila, yazğuçi bilän kitaphan otturisidiki munasivätmu çoqum yahşilinidu. Demäk, härqandaq şaraitta rohiy bayliqtin ayrilmay, hälqimizniŋ muŋ-zariğa ortaqlişip, därdigä därman bolaliğidäk muhim mäsililärni ammiviy ähbarat vasitiliridä turaqliq kštirip turuşimiz haҗät.

Bälüşüş

Javap qalduruŋ