Altun adäm Bakuda

0
385 ret oqıldı

Äzärbäyҗan Milliy tarih muzeyida “Uluq dala mirasi: zärgarliq sän°ät durdaniliri” namliq kšrgäzmä štüvatidu. Mäzkür kšrgäzmä Qazaqstan Җumhuriyiti Milliy muzeyiniŋ “Altun adämniŋ duniya muzeyliriğa säpiri” namliq häliqara layihisi dairisidä uyuşturuldi. Äzärbäyҗan – qazaqstanliq Altun adämni qobul qilğan üçinçi mämlikät, buniŋğiçä kšrgäzmä Rossiya vä Belarus'ta štti. Bakudin keyin u Evropa ällirigä, AQŞ vä Yaponiyagä atlinidu. – Kšpçilik “qazaq Tutanhamoni” däp atap kätkän Altun adäm kšrgäzminiŋ baş eksponati boldi. Bu Qazaqstanniŋ mädäniy-tarihiy bayliği, – dedi kšrgäzmini täntänilik eçiş märasimida Qazaqstan Җumhuriyitiniŋ Äzärbäyҗandiki Pävquladdä vä Toluq hoquqluq älçisi Beybit İsabaev. – “Uluq dala mirasi” kšrgäzmisiniŋ Qazaqstan vä Äzärbäyҗan otturisidiki mädäniy alaqilarniŋ täräqqiy etişidä muhim rol' oynaydiğanliğiğa işinimän.
Bügünki taŋda Qazaqstan Җumhuriyitiniŋ rämzigä aylanğan Altun adäm pütkül duniyağa mälum. Qazaqstan Җumhuriyiti Milliy muzeyi kšrgäzmä layihisiniŋ mähsiti çätälliklärni baldur tšmür dävridiki Evraziyaniŋ Uluq dala bälbeğiniŋ mädäniy mirasi bilän tonuşturuştin ibarät. Ekspozitsiyagä ataqliq qazaqstanliq arheolog Kemal Aqışev rähbärligidiki arheologiyalik ekspeditsiya 1969-jili İşiktä yenida tapqan saq җäŋçisi, miladimizdin ilgärki VII – III äsirlärdä çiqirilğan altun buyumlar kollektsiyasi qoyuldi.
Kšrgäzmini eçiş märasimida şundaqla Äzärbäyҗan Җumhuriyiti mädäniyät ministriniŋ orunbasari Sevda Mamadalieva, Äzärbäyҗan Milliy tarih muzeyiniŋ mudiri Nailya Velihanlı, akademiklar Nargiz Ahundova vä Şahin Mustafaev, Qazaqstan Җumhuriyiti milliy muzeyi mudiriniŋ orunbasari Abay Satubaldin, tarih pänliriniŋ doktori Zeynolla Samaşev sšzgä çiqip, ikki mämlikät häliqlirini umumiy türkiy tomurniŋ, mädäniyät vä än°änilärniŋ birläştüridiğanliği, mundaq hämkarliqni tehimu täräqqiy ätküzüşniŋ zšrür ekänligi toğriliq pikirlärni otturiğa qoydi.

Bälüşüş

Javap qalduruŋ