Tehimu qiziqarliq oyunlar başlinidu

0
1 070 ret oqıldı

Şšhrät MÄSİMOV,
“Uyğur avazi”

Bügün futbol boyiçä duniya çempionatida topluq turnir ayaqlişip, 1/8 finalda qaysi komandilarniŋ uçrişidiğanliği üzül-kesil mälum bolidu.Däsläp çempionatniŋ pley-off qismiğa Rossiya vä Urugvay komandiliri yollanma alğan edi. Ular 25-iyun' küni topluq basquçniŋ ahirqi matçida šzara uçrişip, birinçi vä ikkinçi orunlar üçün küräşti. Çempionat ğoҗayini šz topida birinçi orunni saqlap qeliş üçün täŋ nätiҗigä erişsä kupayä edi. Biraq bu oyunda urugvayliqlar üstün kelip, 3:0 hesavi bilän ğalibiyät qazandi vä šz topida birinçi orunni egilidi. Ändi ular 1/8 finalda ämäldiki qit°ä çempionliri Portugaliya komandisi bilän uçrişidu. Rossiya futbolçiliri bolsa, “V” topida birinçi orunni egiligän ispanlar bilän uçrişidu.
2008-jili Evropa çempionatiniŋ yerim finalida ispanlar Gus Hiddink mäşiqländürgän Rossiya komandisini 4:1 hesavi bilän tiz püktärgänligi kšpçilik işqivazlarniŋ yadida bolsa keräk. Şu jili qit°ä çempioni atiğiğa erişkän “Qizil furiya” 2010-jili duniya çempionatidimu birinçi orunni egiligän edi. Bu ikki komandiniŋ bu qetimqi uçrişişiniŋ qandaq ayaqlişidiğanliği namälum. Rossiya, älvättä, Gollandiya mutähässisi vaqtidikidäk küçlük ämäs. İspaniyanimu şu çağdikidäk däp eytalmaymiz. Şundaq ekän, ägär İspaniya komandisiniŋ rossiyaliklär üçün qolaysiz räqiplärdin bolup kelivatqanliğini vä Pireneya yerim arili futbolçiliriniŋ moşu kämgiçä çempionatlarni štküzgän mämlikätlärniŋ komandilirini yeŋälmigänligini hesapqa alsaq, 1-iyul'da ularniŋ otturisida štküzülidiğan uçrişişniŋ nahayiti qiziqarliq bolidiğanliği talaşsiz.
Duniya çempionatiniŋ pley-off qismiğa şundaqla šz toplirida aldinqi ikki orunni egiligän Angliya, Bel'giya, Horvatiya, Argentina, Frantsiya, Daniya komandiliri yollanma aldi.

Siz bilämsiz?

Tarihtiki däsläpki finalniŋ ahirqi qatnaşquçisi, Argentina tallanma komandisiniŋ huҗumçisi Fransisko Antonio Varal'o 2010-jili 30-avgustta 100 yaştin eşip vapat boldi.
SSSR tallanma komandisi duniya çempionatiğa däsläpki qetim 1958-jili qatnişidu. Äslidä 1952-jilqi Olimpiadida utuqluq nätiҗä kšrsätmigänligi üçün bu komandini tarqitivetip, u tallaveliş turnirida oynimiğanliği üçün, tšrt jil ilgärki birinçilikkä qatnaşmiğan edi.
1960-jili Çilida küçlük (9,5 ball) yär tävräydu. 1962-jilqi turnirni başqa mämlikätkä yštkimäkçi bolidu. Biraq Çili Futbol federatsiyasiniŋ prezidenti Karlos Dittborn “Duniya çempionatini qalduruŋlar, bizdä uniŋsizmu heçnärsä qalmidi”, degän sšzlärni eytip, FİFA rähbärligini birinçilikni Çilida štküzüşkä kšndüräläydu.
Duniya çempionatlirida 1974-jilda birinçi qetim doping-täkşürüş qollinildi. Gaitiliq futbolçi Ernst Jan-Jozef doping istimal qilğanliğida tutulğan däsläpki oyunçidur. U efedrin istimal qilğan ekän. Bu preparatniŋ astmini davalaş üçün qollinilidiğanliği toğriliq bildürüşlärgä qarimay, Ernst Jan-Jozefni tallanma komanda tärkividin çiqirip, Vätinigä ävätivetidu.
Duniya çempionati tarihida Vengriya tallanma komandisi äŋ jirik hesap bilän ğalibiyät qazinidu. Ular 1982-jili Sal'vador komandisi üstidin 10:1 hesavi bilän ğalip çiqqan edi.
Rossiyalik sud'ya Valentin İvanov duniya çempionatliri tarihida äŋ qopal matçniŋ arbitri bolup hesaplinidu. U 2006-jili Germaniyadä štkän säyyarä birinçiligidä Portugaliya vä Gollandiya tallanma komandiliri otturisidiki 1/8 finalniŋ uçrişişida 16 futbolçiğa agahlanduruş elan qilip, tšrt oyunçini mäydandin qoğliğan edi.
Braziliya Futbol federatsiyasi ägär tallanma komanda çempion atiğiğa erişsä, härbir futbolçiğa, şundaqla mäşiqländürgüçilär ştabiğa bir million dollardin mukapat pulini beridiğanliğini vädä qildi.

Bälüşüş

Javap qalduruŋ