Jurnalistlarni täbriklidi

0
269 ret oqıldı

Raşidäm RÄҺMANOVA,
«Uyğur avazi»

Alaqä vä ähbarat hadimliri küni harpisida Ämgäkçiqazaq nahiyälik mäslihätniŋ kativi Beket Ahmetov vä nahiyälik içki säyasät bšlüminiŋ başliği Mšmünҗan İslamov nahiyädä paaliyät elip berivatqan җumhuriyätlik, vilayätlik vä nahiyälik gezitlarniŋ šz muhbirliri bilän baş muhärrirlirini vä nahiyä hakiminiŋ ähbarat hizmitiniŋ hadimlirini käspiy mäyrimi bilän täbriklidi.– Qazaqstan täräqqiyat yoliğa çüşüp, rivaҗlinip kelivatidu, – dedi Beket Tšlegen oğli. Elimizdiki izgü işlar yaki problemilar bolsun, uni häliqqä yätküzidiğan küç – ammiviy ähbarat vasitiliri. Şuŋlaşqimu, hškümät bilän häliq arisidiki alaqä-munasivätni hasil qilivatqan jurnalistlarni – altun kšrük däpmu ataymiz. Barliq yeŋiliqlarni orunluq vä operativ yätküzüp, җämiyätlik pikirni hasil qilişta, yaşlirimizni vätänpärvärlik rohta tärbiyiläştä silärniŋ roliŋlar intayin muhim. Käspiy mäyrimiŋlar bilän silärni sämimiy täbrikläp, işiŋlarğa utuq tiläymiz.
“Dügläk üstäl” teriqisidä štkän uçrişiş davamida 2018-jilniŋ beşidin nahiyädä ämälgä aşqan işlar, dšlät programmiliriniŋ orunlişişi, keläçäkkä reҗilängän işlar häqqidimu sšz qozğaldi. Tävä yeŋiliqlirini turğunlarğa vaqtida häm šz däriҗisidä yätküzüvatqan ähbarat hadimliriniŋ pidakaranä ämgigi bahalinip, bir top jurnalistlar (sürättä) mäslihät kativiniŋ Täşäkkürnamiliri bilän mukapatlandi.

Ämgäkçiqazaq nahiyäsi.

Bälüşüş

Javap qalduruŋ