Qäläm duniyaniŋ izziti…

0
293 ret oqıldı

Keyinki jillarda mustäqil Qazaqstan uyğur ädäbiyatida yetilip çiqqan yaş qäläm egilirini bevasitä milliy ädäbiyatimiz täsiridä, uniŋ rohiy bayliğidin, ğäznisidin näp alğan, ilhamlanğan yaşlar däp eytişqa toluq asas bar. Ularniŋ hämmisi degidäk aliy oquş orunlirini tamamliğan, җahan ädäbiyati ğäznisidin bähriman bolğan iҗatkarlardur.Älvättä, härhil yaştiki şairlarniŋ kšp boluşi şeiriyitimiz täräqqiyatiniŋ nişanila ämäs, şundaqla uniŋ kälgüsi rivaҗiniŋ mänbäsi, kepilidur.
İҗadiyättä šzigä has yeŋiliq tepiş, başqini täkrarlimasliq muhim. Yaş qäläm sahibiliriniŋ içidä kitaphan täripidin bolsun, qälämdaşlar täripidin bolsun, etirap qilinğanlar az ämäs. Vil'yam Molotov, Şairäm Baratova, Abdulҗan Aznibaqiev, Molutjan Tohtahunov, Zuhra İsidullaeva vä başqilarniŋ ismi kšpçilik kitaphanlarğa yahşi tonuş. Bügünki taŋda birär toplimi çiqqan, şundaqla gezit, jurnal sähipiliridä näsriy vä näzmiy nämuniliri bilän kšrünüp, gšzäl ädäbiyatimiz beğiğa däsläpki qädämlirini işäşlik qoyuvatqan yaş yazğuçi vä şairlarlarniŋ bayqilişi bizni, çoŋ ävlatni, ümütländüridu. Bolupmu mäktäp oquğuçiliriniŋ iҗatqa qiziqivatqanliği diqqätkä sazavär. Bu yeŋi talantlarniŋ šsüp-yetilivatqanliğidin deräk beridu. Älvättä, mundaq yaşlarniŋ hämmisila muqärrär yazğuçi bolup yetilidu degän gäp ämäs. Biraq äŋ talantliqliridin ümüt kütüşkä bolidiğanliği, şübhisiz. İҗadiyätniŋ yoliğa qät°iy bäl bağliğan härqandaq iҗatkar tinmay qäläm tävritişi lazim. Amma gäp kšp yaki az yezişta ämäs…
Yaş şairlar şeirlirida bir hil җälip qiliş küçi, yeqimliq sada, yeŋi pikirlär, qaynaq lirik hissiyat җilvilinip turidu. Mäsilän, «Arzu bulaqliri» toplimiğa kirgän şeirlardin ğuva-yalaŋ ipadilänmästin, yüksäk därijidä insan hayatiniŋ hilmu-hil mänziriliridin obrazliq täsvirlärni kšräläymiz. Täläpçan şairlarniŋ härbir şeiri šzigä has bädiiy qurulmiğa, šzigä has mavzuğa, poetikiliq til sän°itigä, bädiiy ipadiläş vasitilirigä egä. Yaş iҗatkarlar şeirliri bilän härtäräplimä tonuşqan oqurmänlär sšyünüş, hšzürliniş, hayaҗanliniş tuyğusiğa çškidu.
Ularniŋ şeirliri şeiriyät muhlisliriniŋ qälbidä küçlük täsir qozğişimu, şübhisiz. Kitaphanlar ammisi moşundaq šlçämdä yezilğan şeirlarniŋ här bir misraliridin, härbir bändliridin çoŋqur mäzmunni bayqap alalaydu. Һär bir şeirdiki gšzällik tuyğusi şairlarniŋ häväs-iştiyaqliri, arzu-istäkliri orğup çiqqan lirik hissiyat küçi arqiliq vuҗutqa kälgänliginimu çoŋqur täsävvur qilalaydiğanliği bizgä roşän.
Yaş muälliplärniŋ hayatiy täҗribisi, täyyarliği här hil bolğinidäk, qäläm tävritişliri här yaŋza ekänliginimu täkitläş orunluq. Һazirçä ularni çoŋ iҗadiy yolniŋ beşida turidu deyişkä bolidu. İҗadiyätniŋ çiğir yolda iҗatkarni päqät tinimsiz ämgäk, mähsätlik izdiniş, iҗadiy jür°ätniŋla egizliklirigä çiqiridiğanliği şübhisiz.
Һazir keläçigidin ümüt kütküzidiğan yaş şairlirimiz aldida istedatiniŋ bariçä mustäqil Qazaqstan hälqiniŋ qerindaşliq ailisidiki bähitlik hayatini bädiiy obraz bilän äkis ätküzüş väzipisi turidu.
Yaş qälämdaşlirimizniŋ iҗadiy izdinişliri şeiriyitimizniŋ parlaq kälgüsidä šrläydiğan çoqqiliridin dalalät bärgändäk. Bu qäläm sahibiliriniŋ bärginidin beräri nurğun däp ümüt qilimiz. Bügünki zaman uyğur yaşlar şeiriyiti dil kšzümizgä bääyni altundin yaki sap märvayittin qopurulğan häyvätlik benadäk kšrünidu, däp işängüm kelidu.
«Arzu bulaqliriŋlar» äbädil-äbät soğulmisun! Duniyaniŋ izziti – altun qäläm. Äziz qälämdaşlirim, Yaratquçi silärniŋ nurluq hayatiŋlarğa bähit-saadät, qut-bärikät vä qizğin ilham ata qilğay!
Ähmätҗan Һaşiri, yazğuçi,häliqara «Alaş» mukapitiniŋ laureati.

Bälüşüş

Javap qalduruŋ