Mäҗlis deputati Almuta vilayitiniŋ üç nahiyäsidä boldi

0
256 ret oqıldı

Mäşür SASİQOV,
«Uyğur avazi»

Ötkän häptidä Qazaqstan Җumhuriyiti Parlamenti Mäҗlisiniŋ deputati, Qazaqstan hälqi Assambleyasi Keŋişiniŋ äzasi, җumhuriyätlik Uyğur etnomädäniyät märkiziniŋ räisi Şahimärdan Nurumov Almuta vilayitiniŋ Talğir, Uyğur vä Panfilov nahiyäliridä bolup, jut-җamaätçilik bilän uçraşti.Nahiyägä qädäm täşrip qilğan Şahimärdan Üsäyin oğli kšpçilikkä elimiz Prezidenti Nursultan Nazarbaevniŋ «Keläçäkkä nişan:mäniviy yeŋiliniş» maqalisida alğa sürülgän mäsililär häqqidä ätrapliq çüşänçä bärgäç, turmuş-tirikçiligimizdä yüz berip turidiğan ayrim addiy kamçiliqlarni säyasätkä aylandurmasliqniŋ ävzälligigä alahidä tohtaldi. Natiq šz sšzidä Qazaqstanniŋ bayliği yär-asti yaki uniŋ üstidiki bayliqlar ämäs, bälki dana Prezidentimizniŋ jürgüzüvatqan içki häm taşqi säyasiti tüpäyli qolğa kältürülgän birligimiz bilän šmlügimiz ekänligini atap štti.
– Silärgä mälum bolğinidäk, Prezidentimizniŋ härbir qädimi ahaliniŋ turmuş şaraitini yahşilaşqa qaritilğan – dedi Şahimärdan Nurumov. – Mäsilän, ularniŋ arisidiki «Prezidentniŋ bäş iҗtimaiy täşäbbusini» alayli. Uniŋda kšrsitilgän yšnilişlär häliqniŋ härhil qatliminiŋ hal-oqitini, mäyli u student bolsun yaki ämgäk qilivatqan işçi bolsun, ularniŋ hämmisigä birqatar yenikçiliklärni beridu, härbir qazaqstanliqniŋ oqup-bilim elişiğa vä şundaqla šzi haliğan tiҗarät bilän şuğullinişiğa imkaniyät yaritidu. Ändi häliqniŋ ğemini qilidiğan programmilarni ämälgä aşuruşqa bšlünüvatqan mäbläğni kšz aldimizğa kältüridiğan bolsaq, bügünkidäk ihtisadiy bohran päytidä heç qandaq dšlät undaq tavakälçilikkä barmaydiğanliği eniq. Һä, bizdä milliardliğan täŋgä häşlinivatidu. Bu bolsimu, yänä täkrarlaymänki, Prezidentimizniŋ hälqini çin sšyidiğanliğiniŋ vä dayim äl bilän billä ekänliginiŋ ipadisidur.
Pursättin paydilinip, şuni işäşlik eytalaymänki, män җumhuriyätlik Uyğur etnomädäniyät märkiziniŋ räisi süpitidä qazaqstanliq uyğurlarniŋ Prezidentimiz jürgüzüvatqan säyasätni keläçäktimu qollap-quvätläydiğanliğiğa işänçim kamil. Buniŋğa biz, uyğurlarniŋ, qerindaş qazaq hälqi bilän bir kündä degidäk kirillitsidin latin alfavitiğa štüş mäsilisini häl qilğanliğimiz yahşi dälildur.
Uçrişiş davamida jiğilğan kšpçilik deputatqa šzlirini oylandurup jürgän soallirini qoydi. Buniŋdin taşqiri, deputat bilän billä bolğan Talğir nahiyäsiniŋ vä Alatav yeza okruginiŋ hakimliri Rıskeldı Sätbaev bilän Quatbek Smağulovqimu birqatar soallar kelip çüşti. Ular asasän içidiğan su vä nahiyägä ändila tartilivatqan gaz trubiliri toğrisida bolup, bu mäsilä boyiçä ahali biraz «ränҗişlirinimu» oçuq izhar qildi. Mäsilän, Qizil Ğäyrät yezisiniŋ turğuni Mervanäm Savutova jutdaşliri namidin içidiğan suniŋ bahasiniŋ häddidin taşqiri qimmätligini eytivedi, jutdaşliri uni alqişlar bilän qollap-quvätlidi.
Uçrişişta moşundaq kšpçilikni oylandurup jürgän mäsililärniŋ biri, Güldala yezisidiki Mädäniyät šyi bilän balilar bağçisi ekän. Turğunlarniŋ eytişiçä, bu benalar şähsiylärniŋ qoliğa štüp kätkänliktin ularni ahali šzlirigä qayturuveliş mähsitidä barmiğan yeri qalmiğan ohşaydu. Kšpçilik Şahimärdan Üsäyin oğlini moşu mäsilidä deputat süpitidä qol uçini sunuşni iltimas qilğan halda, u benalarniŋ bügünki kündä heçkimgä keräksiz turğanliğini yätküzdi.
Şundaqla bu küni Qizil Ğäyrät yezisiniŋ täräqqiyatiğa salmaqliq hässisini qoşqan şähslärniŋ biri – Muzäppär Һezbaqievniŋ qizi Rehimäm Һezbaqieva atisiniŋ namida moşu jutta bir koçiniŋ atilişi toğriliq pikirini otturiğa saldi.
Uçrişiştin keyin nahiyä hakimi Rıskeldı Ahmetqaliulı Şahimärdan Nurumovqa Talğir şähiriniŋ birqatar inşaätlirini tonuşturdi. Atap eytsaq, şularniŋ biri moşu jilniŋ ahirida işqa qoşuluş aldida turğan Talğir su elektrostantsiyasi. U işqa qoşulğandin keyin Talğir şähiriniŋ içidiğan su vä elektrenergiyasi tapçilliğini yoqitidu.

***
Sabiräm ÄNVÄROVA,
«Uyğur avazi»

Qazaqstan Җumhuriyiti Parlamenti Mäҗlisiniŋ deputati Şahimärdan Nurumov Kätmän yezisida bolup, җamaätçilik väkilliri bilän uçraşti.
Uyğur nahiyäsi hakiminiŋ orunbasari Däuletjan Demenbaev mäzkür baş qoşuşniŋ hšrmätlik mehmini bilän tonuşturup, däsläpki sšzni Şahimärdan Һüsäyin oğliğa bärdi. U šz sšzini tehi yeqindila nişanlanğan Astanamizniŋ 20 jilliğidin başlap, paytähtimizniŋ yätkän utuqlirini pähirliniş bilän tilğa aldi. Şundaqla Qazaqstan hälqi Assambleyasi häqqidä tohtilip, uniŋ elimizdiki häliqlär dostluğini mustähkämläşkä qoşuvatqan ülüşi toğriliq eytip štti vä Mäҗlistä atqurulğan işlar häqqidä ähbarat berip, bir jilniŋ içidä 128 qanun layihäsiniŋ qarilip, uniŋ atmiş bäşi qobul qilinğanliğini yätküzdi. Şahimärdan Nurumov Prezidentimizniŋ «Bäş iҗtimaiy täşäbbusidiki» mäsililärgä ayrim-ayrim tohtilip, täpsiliy çüşänçä bärdi. Yär mäydani boyiçä bäş Frantsiyani šz içigä alidiğan Qazaq dalasiniŋ äŋ çoŋ bayliği, neft' bilän gaz ämäs, bälki birligimiz, šmlügimiz ekänligini tilğa aldi.
Deputatniŋ sšzidin keyin novät turğunlarğa berildi. Dardamtu yeziliq aqsaqallar keŋişiniŋ räisi Qızır Satımqulov Dšlät rähbiriniŋ tapşurmisiğa benaän, yezida kooperativ qurulğan bilän, su tapçilliğidin iş maŋmayvatqanliğini eytip, deputatqa «Dardamtu yezisiğa ihçam tosma yasalsa…» degän täklipni bärdi.
Kätmän yezisiniŋ mštiväri Kammunar Şähiev kšmür mäsilisini qozğap, hazirqi vaqitta jutqa tonnasi 23 miŋdin kelidiğan kšmürniŋ bahasi nahayiti qimmät ekänligini eytip, «yezilarğa qaçan gaz kelidu?» degän soalni qoydi.
Gaz mäsilisi häqqidä Däuletjan Demenbaev sšz elip, aldiki vaqitta Çonҗa yezisi gaz bilän täminlänsä, keyin novät-novät bilän barliq yezilarğa gaz trubiliri tartilidiğanliğini eytti.
Uçrişişta Däuletjan Demenbaev bügünki kündä nahiyädiki muhim mäsililärniŋ biri – uyğur mäktäplirigä yeŋi programma boyiçä därisliklärniŋ yetişmäsligi ekänligini eytip, deputattin mümkin bolsa moşu mäsilini häl qilişqa küç çiqirişini iltimas qildi.
***
Gšhärbüvi İSMAYİLҖANOVA,
«Uyğur avazi»

Mäҗlis deputati Şahimärdan Nurumovniŋ säpiri Yarkänt täväsidä davamlaşti. Uni Kšktal yezisidiki Mädäniyät šyidä Panfilov nahiyäsiniŋ hakimi Temirlan Bektasov bilän uniŋ orunbasari Şšhrät Qurbanov kütüvaldi.
Deputat bilän uçrişişqa Kšktal yeza okrugi җamaätçiliginiŋ väkilliri, okrug territoriyasidiki Aqjazıq, Kšktal vä Abay namidiki mäktäplärniŋ mudirliri, muällimlär kollektivliri bilän meditsina hadimliri, yaşlar qatnaşti .
Män deputat bolup saylanğandin beri elimizniŋ barliq vilayätliri bilän şähär-yezilirini arilap, sayliğuçilar bilän uçrişip, ularniŋ qolğa kältürüvatqan utuq-muvappäqiyätliri, muŋ –muhtaҗi bilän yeqindin tonuşuşqa muyässär boluvatimän,– däp sšzini başlidi deputat.– Bu qetim bir ay mabaynida Qazaqstanniŋ barliq vilayätliridä sayliğuçilar bilän uçraştim. Elimizniŋ qaysi şähirigä, avul-yezisiğa barmay, qazaqstanliqlarniŋ hämmisi küç-quvitini Mustäqil elimizniŋ täräqqiyati üçün särip qilivatqanliğiğa, millitigä, diniğa, etiqatiğa bağliq heç qandaq kamsitiş ähvalliriğa duç kälmäy, inaq yaşap ämgäk qilivatqanliğiniŋ guvaçisi boluvatimän. Bu bizniŋ äŋ çoŋ bayliğimiz. Moşundaq dostluqniŋ uyutqusi Dšlät rähbiri Nursultan Nazarbaev ekänligini täkitlişimiz keräk. Җümlidin, Panfilov nahiyäsidiki 40tin oşuq millätniŋ šzara dostluğini, bir mähsättä ämgäk qilivatqanliğini, inaqliğini alahidä täkitligüm kelidu.
Uçrişiş davamida Panfilov nahiyäsiniŋ Pähriy grajdini Ädephan Jaqibaev, ämgäk veteranliri Näzärğoja Ähmätov, Kšktal yezisiniŋ baş jigitbeşi Rähimjan Yaqupov vä başqilar sšzgä çiqip, šzlirini oylandurup kelivatqan mäsililärni otturiğa qoydi vä deputat bu mäsililärniŋ häl qilinişi üçün yärlik organlar bilän hämkarliqta iş elip baridiğanliğini qäyt qildi.
Panfilov nahiyäsi.

Bälüşüş

Javap qalduruŋ