Golovatskiy yezisida yeŋi meçit selindi

0
196 ret oqıldı

Gšhärbüvi İSMAYİLҖANOVA,
« Uyğur avazi»

Moşu yeqinda Panfilov nahiyäsidiki Golovatskiy yezisida hoşalliq vaqiä yüz bärdi. Yeza turğunliri kšptin beri kütkän zamaniviy meçit benasi paydilinişqa berildi. Uniŋ eçiliş märasimiğa jiraq-yeqindin kälgän mehmanlar bilän jut turğunliri qatnaşti.Märasim başliniştin ilgiri Qazaqstan Musulmanliri diniy başqarmisiniŋ väkili Serik Şäripqan wlı qur°an tilavät qildi.— Yarkäntlik qerindaşlar, yeŋi meçit qutluq bolsun! Bügün män Yarkänt täväsidiki Qazaqstan Musulmanlar diniy başqarmisida räsmiy royhättin štüp häm räsmiy tirkälgän 37-meçitniŋ eçiliş täntänisiniŋ guvaçisi boluvatimän. Bu, älvättä، elimiz Prezidenti Nursultan Nazarbaevniŋ «Keläçäkkä nişan: mäniviy yeŋiliniş» maqalisi dairisidä «Tuğan jer» layihisiniŋ utuqluq ämälgä eşivatqanliği däp bilimän, – dedi Qazaqstan Җumhuriyiti Bilim vä pän ministrligi Şäriqşunasliq institutiniŋ mudiri, filologmiya pänliriniŋ doktori, professor Äbsattar haҗi Derbisäli.
Çünki tuğulğan jutiğa qolidin kelişiçä birkişilik hizmitini qilivatqan häyri-ehsanliq Tasqin Japarqul buniŋdin ikki jil ilgiri Zakirҗan Kuziev, Serik Aqsubaev qatarliq tiҗarätçi jutdaşliri bilän birliktä Yarkänt märkizidä çoŋ meçit selip, paydilinişqa bärgän edi. Mana bügün Tasqin Japarqul ailisi bilän Allaniŋ šyini ikki märtä Sotsialistik Ämgäk Qährimani, yeza egiligi işläpçiqirişiniŋ mahir täşkilatçisi Nikolay Golovatskiy yezisida selip, paydilinişqa berivatidu. Umumän, nahiyädä kšpligän millätlär iҗil-inaq yaşavatidu. Ändi uyğurğa äŋ yeqin kim desäŋ – qazaq hälqi. Dinimiz bir, dilimiz bir, til tägmisun. Birligimiz mäŋgülük bolsun. Dostluq häm birlikniŋ arqisida bizniŋ elimiz täräqqiy qilip, güllävatidu. Tasqin Japarqul ohşaş tiҗarätçilär tapqininiŋ bir bšligini yänimu meçit, mäktäp, dohturhana selip, eligä، tuğulğan yeriniŋ täräqqiyatiğa tšhpisini qoşidu däp ümüt qilimän.
Novättiki natiqlarniŋ biri Almuta vilayätlik mäslihätniŋ deputati Zakirҗan Kuziev: “Qazaqstan Җumhuriyiti mustäqillikkä erişkändin buyan meçitlarniŋ eçilişi muqäddäs dinimizni tärğip qilişqa, bolupmu yaşlarniŋ diniy savatini eçişta, diniy rohta tärbiyiläşkä muhim ähmiyätkä egä ekänligini täkitligüm kelidu”، däp täkitläp, Tasqin Japarqulğa minnätdarliğini izhar qildi. Şundaqla Kerbulaq nahiyälik Aqsaqallar keŋişiniŋ räisi Tšlendi Saribaev, Panfilov nahiyäsiniŋ Pähriy grajdini, şair İslamğali Ürkimbayulı، tarihçi, peşqädäm ustaz Molot Soltanaev yeza ahalisini bu hoşalliği bilän täbriklidi.
Öz novitidä sšzgä çiqqan Tasqin Japarqul yeza turğunliri bilän moşu hoşalliqqa jiraq-yeqindin, yäni Astana vä Almuta, Taldiqorğan şähärliridin kälgän mehmanlarğa minnätdarliğini bildürüp, Almuta vilayitiniŋ hakimi Amandiq Batalovniŋ salimini yätküzüş bilän billä 500 orunluq zamaniviy ülgidiki meçitniŋ quruluş işlirini elip barğan, yeqindin yardäm kšrsätkän jutdaşliriğa çapan yepip, hatirä soğilirini tapşurdi. Şuniŋdin keyin meçitniŋ rämzlik lentisi qiyilip, jiğilğan kšpçilik meçitniŋ içini arilap, җümä namizini štidi.

Panfilov nahiyäsi.
Jumağazi BEYSEBEK çüşärgän sürät.

Bälüşüş

Javap qalduruŋ