Һayatqa aşiq qiz

0
162 ret oqıldı

Sabiräm ÄNVÄROVA,
“Uyğur avazi”

…«Һär adämniŋ šmürdä bähitlik yaki bähitsiz, utuqluq häm utuqsiz boluşi šz qolida» degän ekän bir dana. Şundaq, hayat bizgä berilgän aq varaqqa ohşaydu. Uni qandaq bezäş šzimizgä bağliq. Bariğa şükri qilip, qanaät qilmiğan insan šmürniŋ qädir-qimmitini his qilalmisa keräk” dedi bügünki bu maqalimizniŋ qährimani Alfiyäm Avakrieva.
İkki putiniŋ küç-quvitidin ayrilsimu, hayatqa tiz pükmigän, ornidin däs turalmisimu ğulimiğan Alfiyäm šmür sürüşkä degän huştarliği talaylarni qayil qildi. U 1992-jili Çonҗa yezisida duniyağa kälgän. Toqquzinçi sinipqiçä šyidä oquptu. Öziniŋ eytişiçä, şu çağlarda däris bärgän muällimlär Sabiräm Däraeva vä Sayida Magaevadin qolhünärvänçilik häm täsviriy sän°ätniŋ qir-sirlirini üginiptu.
Därhäqiqät, Alfiyämniŋ yasiğan buyumlirini, toqiğan kiyim-keçäklirini, salğan räsimlirini kšrgändä, kimla bolsun talantliq qizniŋ qabiliyitigä «apirin» eytmay qoymaydu. Monçaqtin yasalğan suvenirlar, güldästilär, toqulğan kiyim-keçäklär vä qoldin selinğan räsimlär uniŋ içki duniyasini häm gšzälligini täsvirläp turğandäk. Ular huddi, šzi käbi, gšzäl häm mäptunkar.
Yasiğan buyumlirini İnstagram tori arqiliq setip, adil ämgigi bilän tapavät tepip kelivatqan Alfiyämniŋ İnternet arqiliq buyrutma beridiğan heridarlirimu nurğun. Һätta, bir türküm oquğuçi qizlar uniŋdin qolhünärvänçilik boyiçä däris alidekän. İnternetniŋ yardimi bilän bilmiginini üginip häm başqilarğa ügänginini ügitip, ämgigi bilän tonulup kelivatqan Alfiyämni qançä mahtisaqmu ärziydu, älvättä.
Uniŋ bügünki küngä qädär yätkän utuqlirimu az ämäs, nahiyä häm vilayät dairisidä štküzülüvatqan çarä-tädbirlärgä paal qatnişip turidu. Täkitläş keräkki, u biyil Astananiŋ 20 jilliq märikisi munasiviti bilän yärlik hakimiyätniŋ hamiyliğida paytähtimizgä berip, bäş kün däm elip qaytti.
Kadzuo İsiguro isimliq ataqliq yapon yazğuçisi: «Ömür boyi päqät “bir närsä boluşi keräk” däp oylaşniŋ haҗiti yoq. Çüşiniş keräkki, seniŋ hayatiŋ başqilarniŋkidin kam ämäs, mümkin, artuğiraqtur vä şuniŋ üçün rähmät eytişiŋ keräk» däp eytqan ekän. Alfiyäm Avakrieva šz täğdirigä škünmidi, äksiçä, päqät birla qetim berilidiğan šmriniŋ här däqiqisini mäzmunluq štküzmäktä.

Bälüşüş

Javap qalduruŋ