Memorial tahta ornitildi

0
151 ret oqıldı

Şšhrät MÄSİMOV,
“Uyğur avazi”

Almutida muz üstidä figuriliq teyiliş sportiniŋ ataqliq mahiri, 2014-jili Soçida štkän qişliq Olimpiada oyunlirida bronza medaliğa sazavär bolğan Denis Ten yaşiğan šygä memorial tahta ornitildi.
Hatirä tahtini eçiş märasimiğa ataqliq sportçiniŋ uruq-tuqqanliri, käsipdaşliri, Almuta turğunliri jiğildi. Denis Ten hatirisigä tazim qiliş üçün Rossiyadin mähsus ataqliq keŋäş vä Rossiya mäşiqländürgüçisi, sport mahiri Tat'yana Tarasova käldi.
Kšpligän duniya, Evropa vä Olimpiada oyunliriniŋ çempionlirini täyyarliğan ataqliq mäşiqländürgüçi Denisniŋ šz elini nahayiti yahşi kšridiğanliği vä uniŋdin heç yaqqa kätmäydiğanliği, sportçiniŋ talanti tüpäyli nurğunliğan işqivazlarniŋ Qazaqstanni tonup-bilgänligi toğriliq tävrängän halda sšzlidi.
– Denis – ismi rivayätkä aylanğan jigit. U päqät moşu mämlikättila yaşap, uniŋ şänini kštirişni halidi. Äpsuski, šz vätinidä hayati bilän vidalaşti. Män kšpligän sportçilar bilän işlidim. Denis şagirtlirimniŋ aldinqi sepidä turatti. Denis häqiqätänmu yahşilarniŋ yahşisi edi. Uniŋğa bir närsini ikki qetim täkrarlaşniŋ haҗiti yoq edi. Los-Andjelesta bu baliniŋ qäyärdin kälgänligini bilmigän edi. U birdinla däsläpki onluqqa, andin tšrtlikkä kirdi. Stadiondikilär orunliridin turup, uniŋ hüniri ayaqlaşqandin keyinmu oltarmiğanliği helimu kšz aldimda, – däp äsläp štti Tat'yana Tarasova.
Uluq sportçini hatiriläş üçün nahşiçi Roza Rımbaevamu käldi.
– Denis pakliqniŋ, vätänpärvärlikniŋ, häqiqiy qährimanliqniŋ rämzi. U bari-yoqi 25 yaşta edi. Denis biz tärbiyiligän yaşlirimizniŋ yarqin väkili. Ata-anisi uni häqiqätänmu uluq sportçi qilip yetildürdi, – dedi Roza Rımbaeva.
Märasimda Almuta şähiri hakiminiŋ orunbasari Arman Qırıqbaev sšzgä çiqip, Denis Ten hatirisigä başqimu kšpligän çarä-tädbirlärniŋ štküzülidiğanliğini eytti. Uniŋ täkitlişiçä, hazir Denis Ten yadikarliğiniŋ eskizi işlinivatidu. Yadikarliq kelär jili baharda ornitilidu.
– Denis šzini päqät muz üstidä figuriliq teyiliş sportiğila beğişliğan insan ämäs. U bayriğimiz kštirilgändä, millionliğan qazaqstanliqlarni mämlikitimiz üçün pähirlinişkä mäҗburliğan vätänpärvär insan, – dedi şähär hakiminiŋ orunbasari.
Memorial tahtini eçiş märasimida şundaqla Rossiya Federatsiyasiniŋ Almutidiki baş konsuli Evgeniy Bobrovmu qatnaşti.
– Bizniŋ qazaqstanliq dostlar, rossiyaliklär silär bilän billä matämdä. Biz Denisni umumiy bayliğimiz däp hesaplaymiz. Los-Andjelesta käsipdişimniŋ “Qariğinä, bizniŋ qazaqstanliq sportçi qandaq maharät kšrsitivatidu?” däp eytqan pähirliniş sšzliri helimu yadimda. Biz häqiqätänmu Denisni häm qazaqstanliq, häm rossiyalik, häm duniyaviy däriҗidiki insan däp hesaplaymiz. Uniŋ utuq-muvappäqiyätliri muz üstidä figuriliq teyiliş sportiniŋ tarihiğa mäŋgü yezilidu, – dedi diplomat tävrängän halda.
Amutida şundaqla Denis Ten fondini tonuşturuş märasimimu bolup štti. Fond sportçiniŋ yeqin adämliriniŋ täşäbbusi bilän quruldi vä Denis Ten layihilirini ämälgä aşuruşni davamlaşturidu.

Bälüşüş

Javap qalduruŋ