Nami çiqqan navayhana

0
144 ret oqıldı

Sabiräm ÄNVÄROVA,
«Uyğur avazi»

Mälumki, Dšlät rähbiri Nursultan Nazarbaev «Tšrtinçi sanaät inqilavi şaraitidiki täräqqiyatniŋ yeŋi imkaniyätliri» däp atalğan Mäktübidä yärlik mähsulatlarni häliqara bazarğa çiqirişniŋ strategiyalik yolini tepişni tapşurğan. Prezidentimiz mäzkür Mäktübidä pütkül alämgä tonulidiğan «Qazaqstanda yasalğan» täbiiy ozuq-tülük brendini qeliplaşturuşimiz keräkligini qäyt qilğan edi.
Hulläs, Millät Lideriniŋ bu tapşurmisiğa benaän, elimizdä birqatar başlanmilar qolğa elindi. Älvättä, «җüҗini küzdä sanaymiz». Eytmaqqa asan bolğini bilän «Qazaqstanda yasalğan» brendi üçün bizgä biraz vaqit keräk. Şundimu «Tama-tama kšl bolur» demäkçi, härbir utuq kiçik qädämdin başlinidu ämäsmu. Şundaq ekän, bügünki kündä elimizdä yeŋidin işqa qoşuluvatqan fabrika-zavodlarniŋ keläçigidin ümütimiz zor. Җümlidin Uyğur nahiyäsidimu bu äsnada yeŋiliqlar kšp.
Uşbu maqalimizda «Qazaqstanda yasalğan» brendi bilän tonulmisimu, bir yerim jildin buyan diyarimizniŋ arişaŋ uçastkisini häm Ğalҗat-Çonҗa çoŋ yoliniŋ boyiğa җaylaşqan bir türküm yezilarni issiq nan bilän täminläp kelivatqan «Jetisu» sanatoriyiniŋ tärkividiki navayhana häqqidä sšz qozğimaqçimiz.
Yeqinda mäzkür navayhaniniŋ paaliyiti bilän yeqindin tonuşuş mähsitidä «Jetisu» sanatoriyiğa qarap yol tuttuq. Jiraqtinla nanniŋ hidi dimaqni yardi. Bizni nan pişirivatqan navay ayal huşhoy qarşi aldi. Teçliq-amanliq soraşqandin keyin, qizğin sšhbätkä çüşüp kättuq.
Tonulğan tiҗarätçi Staqan Belğojaevniŋ buniŋdin bir yerim jil burun işqa qoşqan sanatoriyi bilän billä iş başliğan navayhanisida bir navay, bir taziliq hizmätçisi vä buyrutmini yätküzgüçi bolup, җämi 3 adäm işläydekän. Şularniŋ biri – bizni kütüvalğan Gauhar Jumanqızı (sürättä).
Uniŋ eytişiçä, navayhanidila ämäs, umumän, sanatoriyda hizmät qilidiğan işçiliriniŋ barliği degidäk 100 miŋ täŋgä ätrapida maaş alidekän. İşçilar üçün mäzkür däm eliş ornida barliq şarait yaritilğan bolup, hätta bäzilär häqsiz šy bilän täminliniptu. U işqa orunlaşqan kündin başlap, ailisi bilän «Jetisu» sanatoriyiniŋ yataqhanisiğa kšçüp käptu. Mäktäp yeşidiki pärzändi bu yärdin jiraq ämäs Şuŋqar yezisidiki ottura mäktäpkä qatnap oquydekän. Yoldişimu moşu sanatoriyda hizmät qilidu. Şähärdiki siŋlisi navayhanida işligäçkä, nan pişirişniŋ qir-siridin ançä-munçä häviri bar ekän. Ular künigä «Jetisudin» taşqiri, Arişaŋ uçastkisiğa orunlaşqan barliq däm eliş orunlirini vä ätraptiki birqatar yezilarni nan bilän täminlävetiptu. «Jetisu» sanatoriyiniŋ navayhanisidiki bir bulka nanniŋ bahasi 70 täŋgä. Mälumki, hazir dukanlardin uni tähminän 90 täŋgidin setivalimiz. Ärzän häm tämi šzgiçä. Toğriğanda otturisi ugilip çüşüp qalidiğan yaki taştäk daŋğirlap tezla qetip qalidiğan bulkilarğa tamamän ohşimaydu. Tokta pişsimu, huddi tonur nenidäk, puriği dimaqni yaridu.
Gauhar Jumanqızı ätigänligi saat tšrttin başlap işqa kirişidekän. Heridarlarniŋ ätigänlik çayğa setivalidiğan nenini saat yättä-säkkizlärgiçä ülgärtip pişiridekän. Navayhana jürgüzgüçisi bolsa, buyrutma bärgüçilärgä nanni šz vaqtidin keçiktürmäy yätküzüp beriş hšddisidin bemalal çiqivetiptu.
Uzun sšzniŋ qisqisi, biz navayhana häqqidä sšhbätlişivatqan ariliqta, päşkä selinğan nanlarmu täyyar boldi. Yeŋi pişqan, tehi sovup ülgärmigän nandin «bismilla» däp uştup, eğiz tägduq. Şu çağda kšpçilikniŋ bu navayhanini bekar mahtimiğanliğiğa kšzümiz yätti. Nahiyädä zaman tälivigä layiq moşundaq bir iş orniniŋ eçilğanliğiğa mämnun bolduq. Staqan Belğojaevniŋ rähbärligidiki navayhaniniŋ işiğa tehimu zor utuqlarni tiläp hoşlaştuq.
Yoşuruşniŋ haҗiti yoqki, kündilik hayatta biz paydilinivatqan buyumlar vä istimal qilivatqan ozuq-tülüklärniŋ täŋdin-tolisi çät äldin kältürülidu. Yänä kelip, šzimiz nurğunliğan ham äşiyani sirtqa çiqirimiz. U yaqtin kälgän mähsulatni šzimiz qimmitigä setivalimiz. Çünki elimizdä zavod-fabrikilarniŋ sani ançä kšp ämäs. Lekin hämmimiz birliktä S.Belğojaevtäk moşu boşluqniŋ ornini tolturuşqa azdu-tola hässimizni qoşsaq, keläçäktä çoqum «Qazaqstanda yasalğan» mähsulatlar brendini qeliplaşturalaymiz.

Bälüşüş

Javap qalduruŋ