Hizmitigä muvapiq izziti

0
87 ret oqıldı

Muhtärҗan
ҖUMAROV,
“Uyğur avazi”

Buniŋdin bäş jil muqäddäm elimizdä QazaqGeography («Qazaqstan milliy geografiya җämiyiti») җumhuriyätlik җämiyätlik birläşmisi täşkil qilinğan edi. Mäzkür birläşmä qurulğan kündin başlap mämlikitimiz bilän duniyaniŋ geografiyalik, tarihiy alahidiliklirini tätqiq qiliş arqiliq insaniyätniŋ täbiätkä, җämiyätkä vä mädäniyätkä munasivätlik bilim dairisini tehimu käŋäytiş häm ämäliyatta uniŋdin ünümlük paydiliniş mähsitidä tilğa alarliq çarä-tädbirlärni ämälgä aşurup kälmäktä. Buniŋğa QazaqGeography täripidin җumhuriyitimizniŋ җay-җayliriğa, çät ällärgä härhil ekspeditsiyalärniŋ uyuşturuluşi, ilmiy-ammibap ämgäklärniŋ näşir qilinişi, hšҗҗätlik fil'mlarniŋ çüşirilişi vä başqimu layihilärniŋ ämälgä aşuruluşi eniq misal bolalaydu.
Ötkän häptidä Astana şähiridä äynä şu җumhuriyätlik җämiyätlik birläşminiŋ s°ezi bolup štti. Uniŋğa Qazaqstan Җumhuriyiti Prem'er-Ministriniŋ birinçi orunbasari – QazaqGeography җumhuriyätlik җämiyätlik birläşmisiniŋ räisi Asqar Mamin räislik qildi.
Mäzkür birläşminiŋ yeŋi idarisini tonuşturuş bilän başlanğan s°ezd җäriyanida bügünki taŋda elimizdiki tarihiy häm mädäniy miraslarniŋ täğdirigä bepärva qarimaydiğan alimlarniŋ, yazğuçi-şairlarniŋ vä başqimu saha mutähässisliriniŋ beşini qoşup, ularniŋ umummänpiyät üçün paaliyät elip berişiğa türtkä boluvatqan täşkilatniŋ җämiyitimizdiki muhim roli alahidä täkitländi.
S°ezd ahirida «Meniŋ Qazaqstanim» mavzusi boyiçä uyuşturulğan fotokonkursniŋ yäküni çiqirilip, ğalip çiqqanlarğa mukapatlar tapşuruldi. Buniŋdin başqa mäzkür birläşminiŋ täşkil qilinğininiŋ bäş jilliğiğa munasivätlik uniŋ paaliyitigä qoyuq arilişip, šsüp-rivaҗlinişiğa munasip ülüşini qoşqan birqatar şähslär Täşäkkürnamä vä soğilar bilän täğdirländi. Ularniŋ arisida kšrnäklik uyğur yazğuçisi, säyahätçi vä šlkişunas İsmayilҗan İminovniŋmu barliğini alahidä mämnuniyät bilän tilğa elişqa ärziydu.
İsmayilҗan İminov, häqiqätänmu, QazaqGeography җämiyätlik birläşmisiniŋ paaliyitigä yeqindin arilişip kelivatqan şähslärniŋ biri. Mäsilän, u 2014-jili Çoqan Välihanovniŋ karvan yoli bilän Qäşqäriyagä uyuşturulğan ekspeditsiyaniŋ ilmiy rähbiri boldi. Şuniŋ asasida yezilğan «Uluq Çoqanniŋ karvan yoli bilän», «Altişär boyiçä säyahät» namliq kitapliri qazaq vä ingliz tilliriğa tärҗimä qilindi. 2016-jili bolsa, İ.İminov Aral deŋiziniŋ problemilirini tätqiq qiliş mähsitidä uyuşturulğan ekspeditsiyaniŋ tärkividä mäzkür täväni arilap çiqip, «Aral: jütkän deŋizni izdäp» namliq ämgigini kšpçilik diqqitigä täğdim qildi. Alahidä toplam süpitidä yoruq kšrgän bu ämgäkniŋ ayrim bapliri internet-saytliri arqiliq käŋ dairidä tarap, päqät qazaqstanliqlarniŋla ämäs, şundaqla çätälliklärniŋmu illiq ihlasiğa erişti.
Yazğuçi bu künlärdä mälum qismi qärällik näşirlärdä yoruq kšrüp ülgärgän җumhuriyitimizniŋ җänubiy qismi, җümlidin Türkstan şähiri toğriliq yezilğan «Qedimiy şähärlär šlkisi» namliq ämgigini näşirgä täyyarlavatidu. Öz novitidä biz ünümlük iҗadiyiti tüpäyli hälqimizni šzgilärgä yahşi täripidin tonuşturup kelivatqan qerindişimizni novättiki utuği bilän qizğin täbrikläp, kälgüsidä buniŋdinmu egiz çoqqilardin kšrünüşigä tiläkdaşliq bildürimiz.

Bälüşüş

Javap qalduruŋ