Uluq simaniŋ tävälludiğa beğişlandi

0
143 ret oqıldı

Gšhärbüvi İSMAYİLҖANOVA,
«Uyğur avazi»

Duniya ähligä «Türkiy tillar divani» namliq altun qamusnamini yezip qaldurup kätkän Mahmut Qäşqäriy buniŋdin 1010 jil ilgiri duniyağa kälgän ekän. U yaratqan bebaha mirasniŋ qädir-qimmitini pütkül duniya etirap qilmaqta. Panfilov nahiyäsidiki mäktäplär bilän kolledjlarda ädipniŋ tuğulğiniŋ 1010 jilliğiğa beğişlanğan çarä-tädbirlär davamliq uyuşturuluvatidu. Җümlidin Yarkänt şähiridiki Bilal Nazim namidiki uyğur ottura mäktividä uyğur tili vä ädäbiyati pänliriniŋ on künlügi Mahmut Qäşqäriyniŋ hayatiğa vä ämgäklirigä beğişlandi. Uniŋ davamida muällimlär bilän oquğuçilar änҗuman, muşairä vä “dügläk üställärdä” baş qoşti.
Onkünlüktiki äŋ muhim çarä-tädbirlärniŋ biri – ädipniŋ tävälludiğa beğişlanğan «Mahmut Qäşqäriy – uluq sima» mavzusidiki änҗuman boldi. Mäktäp muällimliri, kitaphaniçilar vä ata-anilar qatnaşqan änҗumanni mäzkür mäktäpniŋ uyğur tili vä ädäbiyati pänliriniŋ muällimi Raşidäm Ulisaeva eçip, riyasätçilik qildi. Mahmut Qäşqäriyniŋ hayati vä iҗadiy paaliyiti häqqidä eytip, uniŋ bebaha mirasi «Divanu luğätit türk» äsäriniŋ ähmiyitigä tohtaldi. Oquğuçilar Turdi Samsaqniŋ «M.Qäşqäriyniŋ şänigä muhämmäslirini» yadqa ipadilik oqudi. Şundaqla Mahmut Qäşqäriyniŋ ämgigidiki qoşaqlarni äsli nushisi boyiçä yadqa eytiş musabiqisi štüp, uniŋğa 5 – 10-sinip oquğuçiliri paal qatnaşti.
Onkünlük davamida Mahmut Qäşqäriyniŋ ämgäklirigä munasivätlik kšrgäzmä, fotostendlar uyuşturuldi.
Panfilov nahiyäsi.

Bälüşüş

Javap qalduruŋ