“Dostluq šyidiki” Mustäqillik mäyrimi

0
249 ret oqıldı

Şämşidin AYuPOV,
«Uyğur avazi»

Mustäqillik mäyrimi harpisida Almuta şähiridiki «Dostluq šyidä» җumhuriyätlik Uyğur etnomädäniyät märkiziniŋ täntänilik jiğini bolup, uniŋda ҖUEM räisi, QHA Keŋişiniŋ äzasi, Qazaqstan Җumhuriyiti Parlamenti Mäҗlisiniŋ deputati Şahimärdan Nurumov җämiyätlik işlarda paaliyätçanliq kšrsitivatqan bir top şähslärgä QHAniŋ häm märkäzniŋ mukapatlirini tapşurdi.
Һärbir dšlätniŋ tarihida šzigä has mäŋgü saqlinidiğan uluq sänäliri bolidu. 16-dekabr' – qazaqstanliqlar üçün şundaq ästin çiqmas uluq kün – elimiz Mustäqilligi küni. Һämmiŋlarni moşu uluq mäyräm bilän çin qälbimdin täbrikläymän, – dedi Şahimärdan Üsäyin oğli. – Mana biyil Qazaqstan Җumhuriyitiniŋ šz mustäqilligini alğiniğa 27 jil toluvatidu. Bu tarih üçün nahayiti qisqa musapä. Amma äynä şu qisqa vaqit içidä elimizniŋ qolğa kältürgän utuqliri äsirgä baravär ekänligi bügün hämmigä mälum. Yeŋidin qurulğan mämlikätniŋ mustäqil qädäm taşlap, şäkillinişi oŋay iş ämäs, älvättä. Şundaqtimu elimizniŋ Tunҗa Prezidenti Nursultan Äbiş oğli Nazarbaevniŋ dana içki häm taşqi säyasiti vä šzi rähbärlik qilivatqan Qazaqstan hälqi Assambleyasiniŋ, kšpmillätlik Qazaqstan hälqiniŋ birlik-šmlügi, bärdaşliği, razimänligi tüpäyli biz duç kälgän qiyinçiliqlarni yeŋip, bügünki yüksäk pälligä yättuq. Һazir mustäqil Qazaqstan pütkül duniya etirap qilidiğan abroyluq häm inavätlik mämlikätkä aylandi. Nursultan Äbiş oğli Nazarbaev elimiz Prezidentila ämäs, mustäqil Qazaqstan dšlitiniŋ asasçisi, baş quruluşçisi häm baş memari.
Oçuq eytiş keräkki, sabiq ittipaqdaş җumhuriyätlärniŋ heçqaysisi erişälmigän säyasiy, iҗtimaiy-ihtisadiy nätiҗilärgä Qazaqstan yetälidi vä millätlärara razimänlikni, säyasiy vä dinlarara dialogni, demokratik grajdanliq җämiyätni tikläş bevasitä Nursultan Nazarbaevniŋ ismi bilän çämbärças bağliq boldi. Dšlät rähbiri mustäqil dšlätni bärpa qilğan birinçi kündin başlap bügünki küngä qädär šmlük bilän birlikniŋ uyutqusi bolup kelivatidu. Prezident här jili qazaqstanliqlarğa yollaydiğan mäktüpliridimu šmlük bilän birlik mäsilisini alahidä tilğa elivatidu. Şuniŋ üçün, hšrmätlik qerindaşlar, җumhuriyätlik Uyğur etnomädäniyät märkiziniŋ aldiğa qoyğan birdin-bir mähsiti – bir boluş, šm häm inaq boluş. Mana bu – bizniŋ baş şiarimiz.
Täkitläş keräkki, yeŋi mustäqil qazaq dšlitini bärpa qiliş җäriyaniniŋ däsläpki künliridin başlapla millitimiz väkilliri elimizniŋ täräqqiyatiğa pütkül vuҗudi bilän šzliriniŋ ülüşini qoşup kelivatidu. Mustäqil mämlikätniŋ ihtisadiğa birkişilik ülüşini qoşqan hälqimiz väkilliri onlap-yüzläp sanilidu. Qazaqstanliq uyğurlarniŋ, şundaqla dšlitimizdiki millätlärara razimänlik, säyasiy turaqliq vä millätlärara dostluqni tehimu mukämmälläştürüşkä qoşuvatqan tšhpisimu salmaqliq. ҖUEMniŋ başqarma äzaliri moҗut qanunlardin vä hškümät täripidin berilgän imtiyazlardin toğra vä toluq paydilinip häm uyğur җamaätçiligigä tayinip, härtäräplimä җanliq paaliyät elip berivatidu. Bizniŋ, yäni җumhuriyätlik Uyğur etnomädäniyät märkiziniŋ namiğa Qazaqstan Prezidenti Nursultan Nazarbaevtin mähsus Täşäkkürnaminiŋ kelişi täşkilatniŋ bizniŋ hayatimizda muhim orunni egiläydiğanliğini kšrsitidu. Umumän, Qazaqstan uyğurliri zor tirişçanliq kšrsitişniŋ nätiҗisidä mämlikitimizniŋ täräqqiyatiğa šzliriniŋ zor ülüşini qoşuvatidu. Kälgüsidimu şundaq bolidiğanliğiğa işänçim kamil. Çünki mustäqil Qazaqstanda milliy täräqqiyatimiz üçün barliq şärt-şarait moҗut.
Dšlät rähbiriniŋ äŋ çoŋ säyasiy strategiyaliriniŋ biri – Mäŋgülük äl strategiyasi. Buni härbir qazaqstanliq uyğur yahşi bilidu. Qazaq yeridä qazaq eli mäŋgülük bolsa, Qazaqstan uyğurliriniŋmu mäŋgülük bolidiğanliği muqärrär. Birla misal. Mana bügün män җänubiy paytähttiki çoŋ imarätlärniŋ biridä šzämniŋ ana tili – uyğur tilida sšzlävatimän. Buniŋdin artuq çoŋ bähit yoq, qerindaşlar. İlahim, yänä bäş yüz jildin keyinmu bizniŋ çävrä-ävrilirimizmu moşundaq šziniŋ ana tilida sšzlisun! Һärbirimiz uniŋğa at selişimiz keräk. Birinçi novättä, pärzäntlirimizniŋ bilim elişiğa kšpiräk kšŋül bšlüşimiz haҗät. Äҗdatlirimiz bizgä bebaha mädäniy miraslarni qaldurup kätti. Undaq yüzligän nadir ğäznilär Bonnda, Stokgol'mda, Stambulda vä başqimu şuniŋğa ohşaş dšlätlärniŋ mirasgahlirida çaŋ besip yatidu. Äynä şularni üginişimiz keräk. Ularni kim üginidu?! Ändi ularni üginiş-oquş üçün, pärzäntlirimizni oqutuşimiz haҗät. Alimlirimiz şagirt täyyarlaşqa alahidä kšŋül bšlüşi lazim. Biz, Prezidentimiz eytqandäk, ata-bovilirimiz qaldurup kätkän miraslirimizni üginişimiz lazim vä uni kälgüsi ävlatlirimizğa beҗirim halda tapşurup berişimiz zšrür.
Andin ҖUEM räisi elimiz Prezidenti Nursultan Nazarbaevniŋ yeqinda mätbuatta elan qilinğan «Uluq dalaniŋ yättä qiri» maqalisida alğa sürülgän mäsililärgä, kšrsitilgän yšnilişlärgä ätrapliq tohtaldi. “Ägär Prezidentniŋ uşbu maqalisini oquğan bolsaŋlar, bizgimu šzimizniŋ qedimiy tarihini, sän°itini, urpi-adätlirini çoŋqur üginişkä dağdam yol eçildi”, – dedi natiq. Şahimärdan Üsäyin oğli şundaqla šz sšzidä balilirimizni šziniŋ ana tilida oqutuşniŋ zšrürlüginimu alahidä tilğa aldi. «Biz uyğur bolup qalidiğanğa, šzimizniŋ ana tilimiz bilän tarihimizni üginidiğanğa häm uniŋ hämmisini käynimizdä šsüp kelivatqan qarakšzlirimizgä qalduridiğanğa päqät mustäqil Qazaqstan dšlitidila mümkinçilik bar. Moşuni yadimizdin çiqarmayli, qerindaşlar!», dedi u sšzini yäkünläp.
Şuniŋdin keyin Şahimärdan Üsäyin oğli Mustäqillik mäyrimi harpisida «Qwrmet» ordenini elişqa muyässär bolğan ҖUEMniŋ başqarma häm byuro äzasi, mäzkür җämiyätlik täşkilatniŋ Almuta vilayiti boyiçä şšbisiniŋ räisi Zakirҗan Kuzievni, Astana şähärlik Salamätlikni saqlaş departamentiniŋ başliği Kamal Nadirovni «Eren eŋbegi üşin» medalini elişi bilän, ҖUEMniŋ başqarma häm byuro äzaliri Dolquntay Abduhelilni QHAniŋ «Jomart jan» medali, Rustäm Häyrievni Qazaqstan Җumhuriyiti Prezidentiniŋ Pähriy yarliği vä Mezangül Avamisimovani «Birlik» altun medalini, Bähtiyar Abdulminovni QHAniŋ Pähriy yarliğini elişi bilän, Mähsätҗan Qaharovniŋ «Talğir nahiyäsiniŋ Pähriy grajdini» atilişi munasiviti bilän sämimiy täbriklidi.
Män bügün quruq qol kälmidim, – dedi ҖUEM räisi sšzini davamlaşturup – Mäyräm munasiviti bilän җämiyätlik işlarda paaliyätçanliq kšrsitivatqan qerindaşlirimğa QHAniŋ Parlament Mäҗlisiniŋ häm җumhuriyätlik Uyğur etnomädäniyät märkiziniŋ mukapatlirini tapşuruş niyitim bar. Moşu yärdä oltarğan härbiriŋlarni ularğa layiq däp oylaymän. Çünki җämiyätlik işniŋ jüki eğir.
Şundaq qilip, u küni Qazaqstan Җumhuriyiti Parlamenti Mäҗlisiniŋ deputati, QHA Keŋişiniŋ äzasi, ҖUEM räisi Şahimärdan Üsäyin oğli Nurumovniŋ qolidin 29 adäm ҖUEMniŋ «Sahavät» medali, 7 sportçi ҖUEMniŋ «Sahavät» bälgüsi bilän täğdirländi. Şundaqla onğa yeqin adäm QHAniŋ Täşäkkürnamisi, birtürküm şähslär Qazaqstan Җumhuriyiti Parlamenti Mäҗlisiniŋ Täşäkkürnamisini, milliy mädäniyitimizniŋ 200gä yeqin җankšyäri ҖUEMniŋ Pähriy yarliqliri bilän Täşäkkürnamilirini elişqa muyässär boldi.
Täntänilik jiğin ahirida täbrik sšzgä çiqqan Talğir nahiyälik Uyğur etnomädäniyät märkiziniŋ räisi İminҗan Tohtahunov, Talğir nahiyäsiniŋ uyğur җamaätçiligi vä sahavätlik tiҗarätçi Mähsätҗan Qaharovniŋ namidin ҖUEMğa qedimiy milliy saz-äsvaplirimizniŋ biri – ğeҗäkni soğa qildi.

Bälüşüş

Javap qalduruŋ