Biyil 20 jilliğimizni nişanlaymiz

0
116 ret oqıldı

Biz tünügün 2019-jilniŋ muhim vä kšptin kütkän vaqiäsi – Yaşlar jiliniŋ täntänilik eçiliş räsmiyitini tamaşä qilduq.
Qazaqstan yaşliriniŋ aldida dayim parlaq keläçäkkä apiridiğan dağdam yol turğanliğini hämmimiz bilimiz. Bügünki qazaqstanliq yaşlar päqät җumhuriyät dairisidila ämäs, häliqara arenida, yäni muzıka, sport, bilim, ilim-pän sahalirida, şundaqla startaplar vä innovatsiyalik layihilär bilän çoŋ utuqlarğa qol yätküzüvatidu. Yaş alimlar šzliriniŋ bar bilim-qabiliyitini elimizniŋ güllinişi üçün särip qilmaqta. Qazaqstan yaşliri — härtäräplimä yetilgän, duniyaviy däriҗidä riqabätkä qabil. Dšlät täripidin yaşlarniŋ täräqqiyatiğa beğişlanğan programmilar šz mevisini bärmäktä. Qazaqstandiki barliq käsiplärdä, türlük sahalarda işlävatqan yaşlarniŋ qeliplaşqan šzlirigä has kreativ vä zamaniviy uslubliri bar. Näq moşu yaşlarğa 30 täräqqiy ätkän dšlätniŋ qatariğa kirişkä täyyar Qazaqstanni härtäräplimä rivaҗlanduruş väzipisi jüklängän. Buniŋ üçünmu Prezident N.Nazarbaev barliq imkaniyätlärni tävsiyä qilivatidu.
Qazaqstan Uyğur Yaşliri Birliginiŋ äzaliri üçün biyil alahidä jil. Bizniŋ täşkilatniŋ qurulğiniğa 20 jil toldi. Äynä şu tävälludniŋ Yaşlar jiliğa toğra kälgänligi hämmimizni hoşalliqqa bšläydu.
Män Qazaqstanniŋ barliq yaşlirini Prezidentimizniŋ qatnişişi bilän štkän Yaşlar jiliniŋ räsmiy başlinişi bilän çin jüräktin täbrikläymän. Dšlät rähbiriniŋ bu qarari hämmimiz üçün bebaha soğa. Moşuni paydilinip, yaşlirimiz šz imkaniyitini qoldin bärmäy, kšzligän mähsät-muddialiriğa yetişkä tirişidu däp oylaymän.
Rustäm HÄYRİEV,
җumhuriyätlik Uyğur etnomädäniyät märkizi yenidiki Qazaqstan
Uyğur Yaşliri Birliginiŋ räisi,
Qazaqstan hälqi Assambleyasiniŋ äzasi.

Bälüşüş

Javap qalduruŋ