Tädbirçanliğiğa sahavätligi qoşulğanda

0
198 ret oqıldı

Gšhärbüvi
İSMAYİLҖANOVA,
«Uyğur avazi»

Maqalimiz qährimani Dilşat Nasirovniŋ ismi uniŋ Panfilov nahiyälik Uyğur mädäniyät märkiziniŋ räisi boluşi bilänla çäklinip qalmaydu. U nahiyädä kiçik vä ottura tiҗarätni, yeza egiligi sahasini vä birimizgä mälum, birimizgä namälum bolğan turizm sahasini täräqqiy ätküzüşkimu salmaqliq ülüşini qoşti. Biz tšvändä uniŋ hayati vä ämgäk paaliyitini gezithanlirimizğa qisqiçä tonuşturuşni toğra kšrduq.
Dilşat akiniŋ baliliq dävri Çeläk täväsidä štti. Ürümçi şähiridä duniyağa kälgän u ata-anisi bilän tšrt yaşqa kälgändä Qazaqstan diyariğa kšçüp çiqip, Çeläk (hazirqi Ämgäkçiqazaq) nahiyäsidiki Bijanov yezisiğa orunlişidu. Bayseyit yezisidiki İsmayil Tayirov namidiki mäktäptä tähsil kšrüp, Almutidiki Qazaq politehnika institutiğa oquşqa çüşüp, uni muvappäqiyätlik tamamlaydu. Aliy bilimlik mutähässis, ämgäk paaliyitini şu dävirniŋ täläplirigä muvapiq šzi tähsil kšrgän institutniŋ yollanmisi bilän Pavlodar vilayiti Bayanaul nahiyäsidiki «Maykain altun» karhanisida addiy slesar'liqtin başlap, җavapkärligi, işbilärmänligi tüpäyli tseh başliği andin karhaniniŋ altun işläpçiqiriş fabrikisiniŋ mudiri däriҗisigiçä kštirilidu.
Ändi bevasitä Yarkänt täväsigä kelişi biz juqurida täkitligän turizm sahasiğa munasivätlik. Çünki u 1989-jili Yarkänt täväsi Qorğas yezidiki sabiq SSSR dšlät çät äl turizmi boyiçä Almuta vilayätlik «Qorğas» şšbisiniŋ mudiri bolup işläydu. Şu jilliri u bilimini mukämmälläştürüş mähsitidä Moskva şähiridiki çät äl turizmi boyiçä aliy tiҗarät mäktivini tamamlidi. Tohsininçi jillarni yarkäntliklär yahşi biliduki, turizm sahasi yolğa qoyulup, helila täräqqiy ätti. Mana buniŋda Dilşat Hüsäyin oğliniŋ äҗri bar ekänligini biri bilip, biri bilmisä keräk. Tädbirçan tiҗarätçi däsläpkilärdin bolup hoşna Hitay Häliq Җumhuriyitigä turistlarniŋ berip kelişi üçün şärtnamä tüzüp, uni ämälgä aşurdi. Qazaqstan Җumhuriyiti Sport vä turizm ministrliginiŋ Almuta vilayitidiki väkili boldi. Nahiyä hälqila ämäs, bälki jiraq vä yeqin çät ällärdinmu miŋliğan turistlar bu sahağa muraҗiät qildi. Yarkänt şähiridä bolsa, päqät Hitaydin kältürülgän tovarlar düŋ vä parçilap setilidiğan çoŋ bazar işqa qoşuldi. Qisqisi, nurğunliğan adämlär iş bilän täminländi. Dilşat aka keyiniräk «Qorğas» җavapkärligi çäklängän yoldaşliğini qurup, uniŋ mudiri boldi.
Dilşat Nasirovniŋ ismini yarkäntliklär işläpçiqirişniŋ muhim amilliridin bolğan yeza egiligi sahasi bilänmu bağlaşturidu. U çarviçiliq bilän bağvänçilik, dehançiliq bilän şuğullandi vä nahiyädä däsläpkilärdin bolup beliq šstürüşkä җür°ät qildi. Bu işta uniŋğa räpiqisi Süriyäm hädä Hezimova qol-qanat boldi. Ular «İrada-balıq» җavapkärligi çäklängän yoldaşliğini qurup, yarkäntliklär üçün tamamän yat sahada izçil izdinişniŋ, dadilliqniŋ ülgisini namayiş qildi.
Moşundaq bir päyttä ular yänä bir çoŋ layihini ämälgä aşurdi. Ösäk däriyasiğa yeqin mänzirilik җayğa 400 orunluq «İradä» restoranini saldi. Restoranda milliy taamlar bilän birqatarda evropa taamliriniŋ hilmu-hil türlirini täyyarlaş işlirini qolğa aldi. Ändi «İradä» restoraniğa kälgüçilär mähsus kšlçäklärdin forel' beliğini tutup, haduq çiqiriş, uni şu yärdila täyyarlaş ohşaş hizmätniŋ yeŋi türliridin paydiliniş mümkinçiligigä egä boldi.
Tädbirçan ikki tiҗarätçiniŋ yänä bir layihisi — «İradä» nahşa-ussul ansambli. Bu šz aldiğa bir mavzu desäk, aşurup eytqanliq ämäs. Närq ihtisadi şaraitida işsiz jürgän bir top talantliq sän°ätkarlarniŋ beşini qoşup, mäzkür ansambl'ni täşkil qilğanliği ularniŋ aliy insaniy päzilätliriniŋ ispati deyiş orunluq. Nätiҗidä işbilärmän insanniŋ täşäbbusi häm maddiy qollap-quvätlişi bilän täşkil qilinğan ansambl' җumhuriyät dairisidila ämäs, bälki çät ällärdä uyuşturuluvatqan festival'-bayqaşlarğa qatnişiş pursitigä egä boldi. «İradä» İspaniyadä štkän festival'niŋ baş mukapitini yeŋivalğanda, ularni nahiyä rähbärliri, jut-җamaätçilik dağduğiliq kütüvalğanliği yarkäntliklärniŋ helikäm yadida.
Dilşat akiniŋ räpiqisi Süriyäm Hezimova nahiyädiki Tädbirçan hanim-qizlar keŋişiniŋ räisi süpitidä iş elip berivatidu. Yäni nahiyädä ärlärdin heç qelişmay kiçik vä ottura tiҗarätni täräqqiy ättürüvatqanlarniŋ biri. Tehi yeqindila elimiz Prezidenti Nursultan Nazarbaevniŋ Mäktübidä täkitlängän häyrihahliq paaliyätni җanlanduruş yolida šzi rähbärlik qilivatqan ottuzğa yeqin işbilärmän hanimlar bilän «Meyirim” karvininiŋ aktsiyasini uyuşturup, täminati naçar, kšpbaliliq aililärni ozuq-tülük vä yemäk-içmäk bilän täminläş mähsitidä Almalidin Qoŋuršlängiçä arilap, halisanä yardimini kšrsätti.
Bu künlärdä šziniŋ 60 yaşliğini qarşi elivatqan Dilşat aka Nasirov kiçik vä ottura tiҗarät bilän şuğullanğan halda häyri-ehsanliq paaliyitinimu tohtatqini yoq. Uniŋ käŋdairilik häyrihahliq işlirini sanap tügätküsiz. Җümlidin Helil Hämraev namidiki mäktäpniŋ selinip, paydilinişqa berilişidimu kšp küç çiqardi. Özi äzasi bolğan mäşräp äzaliri bilän mäktäp ätrapini avatlaşturuş işlirini elip bardi. Milliy näşirlärgä muştiri toplaş işlirida nahiyädä toy seliğiğa bäş «Uyğur avazi» gezitini qoşup qoydi. Hazir uniŋ bu täҗribisini başqa nahiyälär paydilanmaqta. Ändiliktä yänä bir çoŋ layihini qolğa almaqta. Şähärdiki Bilal Nazim häykilini rekonstruktsiya qilip, uniŋ ätrapini täŋdişi yoq istirahät beğiğa aylanduruşni kšzdä tutuvatidu. Demäk, bu iştimu uniŋ täşäbbusini qollap-quvätläydiğan millätpärvär jigit-qizlarniŋ uniŋ yenidin tepilidiğanliğiğa işinimiz.

Panfilov nahiyäsi.

Bälüşüş

Javap qalduruŋ