Qiş päslidä terä asraş

0
223 ret oqıldı

Qiş päslidä terä asan qurğaqlişip, qiçişidiğan bolidu. Buniŋ aldini eliş üçün tšvändiki turmuş adätlirigä diqqät qiliş lazim.
Teriniŋ pakizliğini saqlaymän däp ziyadä kšp juyuniverişkä bolmaydu.
Juyunuş җäriyanida ätir sovun vä bädän juyuş suyuqluği qatarliq närsilärni bäk kšp işlätmäslik keräk. Juyunup bolğandin keyin bädän terä asraş meyini sürüşkä ähmiyät beriş lazim.
Juyunğanda bäk issiq suni işlätmigän ävzäl. Çünki u teriniŋ madda almaşturuş iqtidariğa sälbiy täsirini yätküzüp, qiçişiş alamätlirini päyda qilidu.
Qişliği bädängä çaplişip turidiğan pahta rähtlik kiyimlärni kiyiş keräk. Ular issiq boluşi bilän billä hava štümlükligi tüpäyli terini qurğaqlaşturmaydu häm qiçişişni mälum däriҗidä päsäytidu.
Terisi qiçişidiğanlar kšpiräk su içip bärsä, bädändä su tapçilliği bolmaydu. Şu arqiliq teriniŋ qurğaqlişişini päsäytiş mümkin.
Terä qiçişişiniŋ aldini eliş yaki uni davalaş üçün tärkividä A, E vitaminliri mol yemäkliklärni istimal qilğan ävzäl. Zšrür bolğanda dohturniŋ kšrsätmisi boyiçä muvapiq miqdarda vitamin toluqlaş keräk.
Ğidiqlaş hususiyitigä egä mayliq, tatliq yemäkliklärni vä deŋiz mähsulatlirini kšp yeyişkä bolmaydu. Çünki mayliq yemäkliklär terä yüzidiki tär tšşükçilirini tosavalidu, tatliq yemäkliklär teridiki bakteriyani kšpäytip, terini ğidiqlaydu. Beliq, rak, qisquçpaqa käbi deŋiz mähsulatliri teridä qiçişiş alamätlirini päyda qilidu.

Bälüşüş

Javap qalduruŋ