Özara hämkarliq käŋiyidu

0
112 ret oqıldı

Mäşür SASİQOV,
«Uyğur avazi»

Ötkän häptidä «Qazaq gazetteri» җavapkärligi çäklängän yoldaşliğiniŋ rähbärligi Evraziya ilmiy-tätqiqat institutida bolup, uniŋ paaliyiti bilän tonuşti. Qazaqstan mätbuat sahasida šzigä layiq orni bar gezit-jurnallarniŋ muhärrirlirini bu bilim därgahiniŋ baş mudiri Vakur Sumer illiq qarşi aldi.
Däsläp mehmanlar universitet benasini arilap, uniŋ maddiy-tehnikiliq bazisi bilän tonuşqaç, u yärdä işlävatqan, yäni Evraziya dairisidiki hämkarliqni täräqqiy ätküzüştä ilmiy-tätqiqat işlirini jürgüzüvatqan alimlar bilän pikirläşti. Andin ularni mudir bilim därgahiniŋ türkiy häliqlär tarihiğa, ihtisadiğa, mädäniyitigä munasivätlik 5000 kitap fondi bar kitaphaniğa täklip qildi vä uniŋ šzgä kitaphanilardin päriqlinidiğan alahidilikliri toğriliq ätrapliq ähbarat bärdi. Mäsilän, mudir kitaphanida Ahmet Yassaviy, Mahmut Qäşqäriy, Yüsüp Has Һaҗip ohşaş büyük zatlarniŋ ämgäkliriniŋ bar ekänligini qäyt qilip, institut hadimliri äynä şu äsärlär asasida iş elip berivatqanliğini yätküzdi.
«Qazaq gazetteri» ҖÇYniŋ rähbärligi bilän institut kollektiviniŋ räsmiy uçrişişi bilim därgahiniŋ Mäҗlislär zalida štti. Uniŋda däsläp yoldaşliq kollektivini җumhuriyätlik «Ana tili» gezitiniŋ baş muhärriri Janarbek Äşimjan sahiphanlarğa tonuşturğandin keyin institutniŋ Baş mudiri Vakur Sumer sšzgä çiqip, mehmanlarğa Ğoҗa Ahmet Yassaviy namidiki Häliqara qazaq-türk universiteti – Qazaqstan Җumhuriyiti bilän Türkiya Җumhuriyiti Һškümiti arisida imzalanğan ikkitäräplimilik kelişim asasida qurulğan, häliqara märtivigä egä aliy bilim därgahi toğriliq täpsiliy mälumat bärdi vä institut hadimliriniŋ ilmiy tätqiqat işliriniŋ ikki mämlikät otturisidiki munasivätni käŋäytişkä qoşuvatqan hässisigä tohtaldi. Bolupmu Vakur Sumer Evraziya ilmiy-tätqiqat institutiniŋ yeŋi eçilğiniğa qarimay, türkiy tilliq mämlikätlärniŋ beşini qoşup, strategiyalik layihilärni täyyarlaş arqiliq Evraziya dairisidiki hämkarliqni tehimu täräqqiy ätküzüşni mähsät qilidiğanliğini tilğa aldi. Natiq sšzara institutniŋ päqät tarihiy vä ilmiy işlar bilänla çäklänmäydiğanliğini eytip štti.
Uçrişiş davamida mehmanlardin «Ana tili» gezitiniŋ baş muhärriri Janarbek Äşimjan, «Aqiqat» jurnaliniŋ baş muhärriri Amanhan Älim, «Uyğur avazi» gezitiniŋ baş muhärriri Erşat Äsmätov vä «Mısl'» jurnaliniŋ baş muhärriri Ayağan Sandıbay institut rähbärligigä minnätdarliq bildürüp, mudirğa šzlirini qiziqturğan soallarni qoydi. İnstitut mudiri Erşat Mollahun oğliniŋ soaliğa җavavän kälgüsidä Qazaqstan hälqi Assambleyasi häm R.Suleymenov namidiki Şäriqşunasliq institutiniŋ Uyğurşunasliq märkizi bilän munasivät ornitip, iҗadiy hämkarliq ornitişqa, җümlidin kšpmillätlik Qazaqstandiki җämiyätlik vä millätlärara razimänlik, häliqlär dostluği, uyğurşunasliq mavzuliriğa muraҗiät qilidiğanliğini eytti.
Öz novitidä, Vakur Sumer institut paaliyitiniŋ җanlinişiğa ähbarat vasitiliriniŋ atquridiğan roliniŋ muhimliğini täkitläp, keläçäktä šzara hämkarliqni käŋäytiş täklivini bärdi.

Bälüşüş

Javap qalduruŋ