Duniyaviy soda märkizi selinidu

0
124 ret oqıldı

Nursultan Nazarbaev Häliqara soda märkäzliri assotsiatsiyasi (WTCA) başqarmisiniŋ äzasi Rol'f Draak vä Nest Investments HOLDINGS kompaniyasiniŋ korporativliq investitsiyalär boyiçä mudiri Mehran Eftehar bilän uçraşti.
Uçrişişqa şundaqla Prezident Mämuriyitiniŋ rähbiri Äset İsekeşev, Astana şähiriniŋ hakimi Baqıt Sultanov vä memar-dizayner Kenned Bryus Djeyms Anderson qatnaşti.
Dšlät rähbirigä Qazaqstan paytähtidä Duniyaviy soda märkizi quruluşiniŋ layihisi tonuşturuldi. Uni toluq çät äl investitsiyaliri hesaviğa ämälgä aşuruş planlinivatidu.
Nursultan Nazarbaev bu qetimqi uçrişişniŋ bultu oktyabr' eyida Bryussel'da štkän Qazaqstan-Evropa biznes-forumi dairisidä jürgüzülgän muzakirilärniŋ davami bolup hesaplinidiğanliğini täkitlidi.
– Bryussel'da biz silärniŋ täkliviŋlarni muhakimä qilip, yänä uçrişişqa kelişkän eduq. Häliqara soda märkäzliri assotsiatsiyasiniŋ mundaq layihilärni ämälgä aşuruştiki çoŋ täҗribisini hesapqa elip, hämkarliğimiz här ikki täräp üçün ünümlük bolidu däp oylaymän. Layihiniŋ paytähtimizniŋ sšlitigä vä rohiğa mas kelip, uniŋ kšrkämligini tehimu aşuruşini haliğan bolar edim, – dedi Prezident.
Dšlät rähbiri Astananiŋ quruluş vä şäkilliniş җäriyaniğa ayrim tohtilip, härbir memarçiliq ob°ektniŋ tarihi toğriliq sšzläp bärdi.
Nursultan Nazarbaev Astananiŋ pütkül Evraziya qit°äsiniŋ märkizi süpitidä ğärip vä şäriq mädäniyätliriniŋ uslub vä än°änilirini birläştüridiğanliğini qäyt qildi.
Prezident uniŋdin taşqiri “EKSPO-2017” Häliqara ihtisaslaşturulğan kšrgäzmä pavil'onliri quruluşiniŋ ketip berişi vä nätiҗiliri toğriliq sšzläp bärdi.
– Biz “EKSPO-2017” kšrgäzmisini štküzüş hoquqini utuvalğanda konkurs elan qilduq. Diametri 80 metr bolğan “Nur Älem” sferisi duniyadiki nadir inşaät bolup hesaplinidu. Män uniŋ quruluşini bayqap-küzättim. Һazir biz “EKSPO-2017” kšrgäzmisiniŋ infraqurulumi asasida “Astana” Häliqara maliyä märkizini, Häliqara “yeşil” tehnologiyalär märkizini vä Häliqara IT-startaplar tehnoparkini açtuq. Bu yärdä şundaqla Häliqara IT-universitet quruluvatidu. Barliq layihilärniŋ qoşundisi yahşi mul'tiplikativliq täsir beridu däp oylaymän, – dedi Dšlät rähbiri.
Häliqara soda märkäzliri assotsiatsiyasi başqarmisiniŋ äzasi Rol'f Draak Nursultan Nazarbaevqa uçrişiş vä paytähttä yeŋi ob°ektni seliş layihisini muhakimä qiliş imkaniyitini yaratqanliği üçün minnätdarliq bildürdi.
Öz novitidä Nest Investments HOLDINGS kompaniyasiniŋ korporativliq investitsiyalär boyiçä mudiri Mehran Eftehar kompaniyaniŋ soda-ihtisadiy alaqilirini käŋäytiş җäriyanida Astananiŋ alahidä ähmiyätkä egä ekänligini täkitlidi.
– Bizniŋ investitsiyalik top 18 çoŋ duniyaviy soda märkiziniŋ ğoҗayini bolup hesaplinidu. Şundaq ob°ektlarni seliş vä başquruş boyiçä helä täҗribimiz bar. “Bir bälbağ, bir yol” çoŋ layihisigä qatnişiş boyiçä bizniŋ strategiyalik yšnilişimizdä Qazaqstan, җümlidin Astana muhim orunni egiläydu, – dedi Mehran Eftehar.
Nursultan Nazarbaev uçrişiş ahirida Duniyaviy soda märkiziniŋ yeŋi layihisini maqullap, Astana şähiriniŋ hakimi Baqıt Sultanovqa uni ämälgä aşuruş boyiçä birläşkän işlarni başlaşni tapşurdi.

Bälüşüş

Javap qalduruŋ