«Uyğur ana til» komiteti quruldi

0
67 ret oqıldı

Yeqinda Türkiyaniŋ paytähti Stambul şähiridä «Uyğur milliy maaripi: hirislar vä ularni häl qiliş yolliri» mavzusida häliqara änҗuman štküzüldi. Uyğur akademiyasi vä uyğur tätqiqat institutiniŋ sahiphaniliğida uyuşturulğan muhakimä jiğiniğa AQŞ, Angliya, Şvetsiya, Norvegiya, Yaponiya, Qazaqstan, Qirğizstan vä Türkiyaniŋ җay-җayliridin alim-tätqiqatçilar vä märipätçilär iştrak qildi.
Däsläp Uyğur akademiyasi iҗraiy komitetiniŋ räisi Abdulhämit Qarahan jiğilğanlarni jiğinniŋ mähsiti vä kün tärtivi bilän tonuşturdi. Şuniŋdin keyin uyğur milliy maaripi duç kelivatqan hirislar vä ularni häl qiliş yolliri häqqidä ätrapliq muzakirilär jürgüzüldi. Natiqlarniŋ biri – Almutidiki Süleyman Demirel universitetiniŋ dotsenti Dilinur Qasimova Qazaqstanniŋ tarihiy Vätinimizniŋ sirtidiki hälqimiz väkilliri äŋ kšp oltiraqlaşqan dšlät ekänligini, qazaqstanliq uyğurlarniŋ milliy maaripimizni saqlap, rivaҗlanduruşta muhim rol oynap kelivatqanliğini eytti. U şundaqla keyinki vaqitlarda Qazaqstandiki uyğur mäktäpliridä tähsil kšrüvatqan oquğuçilar saniniŋ aziyivatqanliğinimu yoşurmidi. Jiğin qatnaşquçiliri bu mäsilä boyiçä šz pikir-täkliplirini oçuq izhar qildi.
Mutähässislärniŋ qizğin muzakirisidin keyin duniya dairisidä uyğur tilini qoğdap qeliş üçün «Uyğur ana til» komiteti quruldi. Uniŋ rähbärligigä İzmir (Türkiya) Ägä universitetiniŋ professori Alimҗan İnayät saylandi. Yeŋi räis šz sšzidä mäzkür komitetniŋ ana tilni qoğdaş yolida muhim hizmätlärni ämälgä aşuridiğanliğini, җümlidin därislik-qollanmilarni tüzidiğanliğini, uyğur ziyaliliriniŋ bu işlarni qollap-quvätlişigä ümüt qilidiğanliğini alahidä täkitlidi.

Bälüşüş

Javap qalduruŋ