U ämgäktä tavlanğan

0
314 ret oqıldı

Nurmähämät Tuniyazov – addiy şofer. Panfilov nahiyälik «Su qubırı» mähkimisidä 1973-jildin ta 2012 jilğiçä şofer bolup işläp, hšrmätlik däm elişqa çiqqan bolsimu, bügünki kündimu «Qorğas» häliqara hämkarliq soda märkizidiki «Horgos – Servis» җavapkärligi çäklängän yoldaşliğida şofer bolup işlävatidu.

Gšhärbüvi İSMAYİLҖANOVA,
«Uyğur avazi»

Nurmähämät aka bilän sšhbätlişiş üçün aldi bilän uni bilidiğanlardin uçur aldim. Panfilov nahiyäsiniŋ Pähriy grajdini Һüsän Elämov, gezitimizniŋ җankšyäri fotomuhbir Tursunmähämät Mäşürov arqiliq tonuşup, sšhbätlişiş pursitigä egä boldum.
Sšhbätdişim kšzümgä җiddiy kšrüngini bilän gäp-sšzgä çeçän, muamilisi illiq adäm bolup çiqti. U šziniŋ äҗdatliri, juti, hayati vä iş-paaliyiti häqqidä tävrinip sšzlidi.
Nurmähämät akiniŋ tegi-täkti yarkäntlik bolup, ata-anisi Ğoҗähmät bilän Nurbüvi täväniŋ iҗtimaiy-ihtisadiy täräqqiyatiğa munasip tšhpisini qoşqanlardin. Atisi Panfilov nahiyälik šrt šçärgüçilär qismida işläp, hšrmätlik däm elişqa çiqip, jutdarçiliq işlarğa җan-teni bilän berilgän edi. Mähällä turğunliriniŋ uni jigitbeşi qilip saylişi şuniŋdin bolsa keräk. “Uyğur mähällisi” däp atalğan mähälliniŋ jigitbeşi bolup, uzaq jillar jut başqurdi. Yarkänt bilän täŋ bärpa bolğan şähärniŋ tšvänki qismidiki qäbirstanliqni avatlaşturuş, härhil mänzirilik kšçätlärni tikiş, uni kütüp pärviş qiliş, ätrapini qorşaş ohşaş sahavätlik işlarniŋ täşäbbuskari bolğanliğini jutdaşliri helikäm untuğini yoq. Şundaqla yättä bala tepip qatarğa qoşqan märhum Ğoҗähmät ata “Uyğur mähällisini” täşkilläp, milliy urpi-adät, räsim-qaidilärni şäkilländürüş, milliy mätbuat, maarip sahasini rivaҗlanduruş üçünmu az äҗir qilmidi.
Mana moşundaq ailidä tuğulup šskän Nurmähämät aka 1966-jili Kirov (hazirqi Helil Һämraev) namidiki mäktäpni tamamlap, Taldiqorğandiki Kšksu yeza egiligi tehnikumiğa oquşqa çüşidu. Diplomluq yaş mutähässis ämgäk paaliyitini şähärdiki «Kazsel'hozteznika» mähkimisidin başlaydu. Kšp štmäy vätän aldidiki härbiy borçini štäş üçün atlinidu. Bu җäriyanda Sibir' tšmür yol quruluşiğa paal qatnişip qaytqan N.Tuniyazov namiğa nahiyälik härbiy komissariatqa täşäkkürnamilär, inkaslar kelip çüşidu. Şu tüpäyli Nurmähämät akini äyni çağdiki härbiy komissariat başliği täklip qilip, şu dävirniŋ tälivi bilän eytqanda, härbiy hizmätkä atliniş aldida turğanlarni şoferluq kursta oqutuşta starşina qilip tayinlaydu. Şu-şu boldidä, u käspini birätola şoferluqqa šzgärtidu.
– Һayatimniŋ 50 jilini şoferluq käspigä beğişlaptimän. Küç-quvitim barda helimu işläp kelivatimän. Tehnika bolğandin keyin tšmür- täsäk sunidu, buzulidu, yasaysän. Yänä yolğa täyyar halitigä kelidu. Uniŋ «tilini» biliş keräk. Män här küni Uluq İpäk yolini boylap Qorğas täräpkä işqa maŋimän. Keyinki jillarda «Sür°ätlik industrial innovatsiyalik täräqqiyat» programmisi dairisidä selinip, paydilinişqa berilivatqan «Qorğas» soda märkizidä kün sanap šzgirişlär yüz berivatidu. Yeŋi-yeŋi haşamätlik imarätlär qäd kštärmäktä. Quruluş işliri sür°ätlik ketip baridu. Һär küni kelip-ketivatqan miŋliğan turistlar moşu İpäk yoli bilän maŋidu. Buniŋğa, älvättä, hoşal bolisiz. Bäzidä 34 çaqirim yolda meŋivatqan maşinilar kolonnisiğa qarap häyranmu qalisiz. Ändi şularniŋ rulida oltarğanlarniŋ qançilik däriҗidä qaidilärgä riayä qilmaydiğanliğini kšrüp, bayqapmu jürimän. Pursiti bolsa, nesihätmu qilimän. Lekin yaşlarniŋ arisida, qandaqla qilip bolmisun, tehnika ruliğa oltirivelip, yol qaidisigä hilapliq qilivatqanlar uçrişidu. Buniŋ aqiviti paҗiälik ähvallarğa elip kelivatqan. Şuniŋ üçünmu šziniŋ vä yänimu birnäççä adämniŋ täğdiri şoferniŋ qolida ekänligini biri çüşänsä, yänä biriniŋ çüşängüsi kälmäydu. Şuŋa yaşlarğa “dayim hoşiyar boluŋlar!” degüm kelidu, – däydu biz bilän bolğan sšhbättä Nurmähämät aka.
Maqalä qährimaniniŋ ailisi häqqidä gäp qilimizkän, räpiqisi Lyudmila hädimiz bilän 1972-jili ailä qurup, ikki oğul tepip, zaman tälivigä layiq insanlardin qilip tärbiyiläp, qatarğa qoşti. Lyudmila Ähmätqizi Taldiqorğandiki meditsina uçiliöesiniŋ Yarkänttiki şšbisidiki hämşirilärni täyyarlaydiğan bšlümidä oqup, nahiyälik şipahanida işläp, hšrmätlik däm elişqa çiqti. Pärzäntliri Dilşat bilän Ruslan – Almutidiki aliy härbiy akademiyadä tähsil kšrgän çegara hizmätçiliri. Dilşat podpolkovnik, Ruslan bolsa, polkovnik unvani bilän istipağa çiqti.
– İş babi bilän säyahätkä kšp çiqimiz. Lekin ana jutum Yarkäntni duniyaniŋ heçbir yerigä täŋläştürmäymän. Çünki qädirlik jutdaşliriŋ, ailäŋ, qerindaşliriŋ, dost-qayaşiŋ yeniŋda bolsa, hayatniŋ rahiti degän şu ämäsmu! – däydu Nurmähämät aka.
Yollarda çiniqqan Nurmähämät akimizğa bizmu bähitlik qeriliq dämlirini tiläymiz.
Panfilov nahiyäsi.

Tursunmähämät MÄŞÜROV çüşärgän sürät.

Bälüşüş

Javap qalduruŋ